#الحمل
انت ضايج اليوم في شي مو مريحك وجو من التوتر العام يمكن عم ينشغل بالك على احد الوالدين وعم تشعر بالمسؤولية عم تكبر عليك حاول تهدى وتكون حكيم..
عاطفيا .. حساس زيادة هاليوم ويمكن اي كلمة تأثر فيك خليك بعيد عن الغيرة حتى ماتتعبك ..

#الثور
أنت امام فرص حلوة قادر اليوم انك تتحرك بحرية اكتر ممكن تسافر او تتلقى اتصالات وممكن تتعامل مع اخوة او جيران يوم داعم استغلو..
عاطفيا .. بامكانك اليوم تطلع مشوار رومنسي وتعزز علاقتك بالشريك

#الجوزاء
اليوم حدد اهدافك وتعامل مع مجريات الشغل بدقة متل عادتك يوم داعم في العمل وممكن يكون تعاملك بمجال المال تقبض أو تدفع فانتبه لمصروفك بالمجمل ..
عاطفيا .. لاتسمح للملل او البرود يسيطروا على علاقتك بالشريك وحاول تكون قريب منو ..

#السرطان
انت مشرق وعم تستعيد مكانتك اليوم عم تكون الكلمة الك وعم تحصل على الطاقة والدعم لتوصل كلمتك انت قادر اليوم تحل مشاكلك وتتغلب على أعداء الك فلا تتردد ..
عاطفيا .. حليان والعيون عليك اذا كنت اعذب بامكان تبدا حب جديد واذا مرتبط بامكانك تعمل خطبة ..

#الأسد
ضايج وعم تسمع خبر مو حلو عم يتأجل عندك موضوع عم تعصب على حدا غالي وتخسروا عم تكتشف ناس مو منيحة بحياتك كل هالشي طبيعي بهيك يوم فانتبه وراعي وضعك الصحي ..
عاطيفا .. حاول تكون حذر بتعاملك مع شريكك لأنك ماعم تتحمل كلمة ويمكن تخسر اذا واجهتو او كبرت الأمور ..

#العذراء
رغم الوضع المتعب والتوتر يلي عم تمر فيه يوم منيح اجتماعي حاول لاتضل لحالك بهاليوم لأن بتلاقي الاعجاب والدعم من الأصدقاء وبكون في مساعدة بأمورك ..
عاطفيا .. بسبب التعب يلي عم تمر فيه ماعم تتحمل أي غلط من الشريك لكن في تحسن بعلاقاتك مع الاصدقاء ..

#الميزان
تراجع بالمعنويات وحالة من التوتر عم تعاني منها ضغوطات كبيرة بالشغل انتبه منها وخليك قد المسؤولية ولاتخلي حدا يحط عليك كلمة وأمورك رح تكون منيحة ..
عاطفيا .. عم تسعى لتحل المشاكل بس الانفعال عم يخليك متوتر ومو رايق ..

#العقرب
عم تطلع من الأجواء السلبية يلي لازمتك الاسبوع الماضي خليك واثق من حالك وغير الأمور لصالحك فرصة لتسافر وتعمل شي كتير حلو ..
عاطفيا .. عم تشعر بالحب وعم تسمع خبر حلو اليوم حاول تعيش رومنسيتك لأن الاجواء داعمة..

#القوس
عم تناقش أمور مالية بتخص شراكة عم تحس حالك افضل خليك متفهم للشريك وحاول تفكر بحل للمشاكل يلي كانت الفترة الماضية ..
عاطفيا .. لازم تعيد حساباتك وتفكر أكتر بالحب إذا كان عم يريحك ولا عم يتعبك وتحل المشكلة ..

#الجدي
حاول اليوم بدل ما تتوتر وتعصب على يلي معك تفوت شراكة مع حدا بمشروع مشترك أو عقد حتى خطبة كتير ممكن وابتعد عن انفعالك وحاول ماتكون مستفز ..
عاطفيا .. لاتحاول تحط اللوم على الشريك انتبه لتصرفاتك وحل الأمور بهدوء حتى ماتكبر ..

#الدلو
رح تشعر بتزايد المسؤولية شغل كتير ووقت قليل حاول ما تتكاسل بهاليوم واذا لقيت حالك تعبان صحيا اكتفي بالأعمال الضرورية الأهمال رح يعرضك للمسائلة فانتبه ..
عاطفيا .. لاتسمع لكلام الناس وحاول تبحث عن الحب يلي بريح قلبك وعقلك وخليك مرن بتعاملك ..

#الحوت
يوم بيحملك فرصة مهمة ممكن تكون مو ناطرها أو حل لموضوع كان شاغلك من الأيام الحلوة بهالفترة الصعبة فحاول تستغل كل دقيقة فيه ..
عاطفيا .. عم تفكر ترجع لحب قديم او تحاكي حبيب حالي بعد مشاكل فرصة ملائمة بهاليوم