#الحمل
عم تفكر بس بالمصاري يمكن صرفت كتير وماضل معك وهالشي بحطك بوضع محرج فيك تطلب دين وممكن تجيك دفعة مصاري من شراكة فلا تخاف ..
عاطفيا .. انت محتار بعلاقتك وهالشي طبيعي خاصة اذا الشريك مو مهتم

#الثور
انت مشرق وبيمنحك القمر الطاقة والقوة بس بدك تنتبه من انفعالاتك مو كل شي متل مابدك بدي ياك هادي وتغير بحياتك للافضل بهاليوم وتبدا من جديد بصفحة جديدة وروح جديدة ..
عاطفيا .. اخبار حلوة رح تسمعها ممكن يحكيك الشريك بعد فترة غياب اذا ناطر هالشي ..

#الجوزاء
يوم متعب عندك و مافي شي عم يريحك عم تفقد الأمل وتحس بالخيبة حاول تطلع من حالتك وتفكر انو يوم وبمر وانتبه لصحتك ولاتكبر القصص ..
عاطفيا .. اهدى وساير وماتسأل شو ماصار بهاليوم بدي منك تكون اقوى من الظروف وتفكر بيلي جاية لان رح يتحسن وضعك كتير قريبا

#السرطان
حالية اجتماعية عم تعيشها حاول تستفيد من دعم الاصدقاء الك وتزيد شعبيتك ابتعد عن البقاء وحيد وشارك حتى تحصل على نهار مميز ..
عاطفيا .. يوم حلو بيحملك اعجاب من الجنس الآخر وصداقات اكبر وتطورات حلوة

#الاسد
انت بوضع مو كتير عم تتعرض للملامة وممكن يكون في تغيير بعملك بدك تنتبه وتكون جاهز لاي شي وخاصة انو في البعض من يلي حوليك عم يشككو بقدراتك مشان هيك تصرف بهدوء ودقة لتمر ولاتعصب ..
عاطفيا .. مو مرتاح وعم تحس بالقلق من مستقبل العلاقة وهالشي عم يأثر على نفسيتك ..

#العذراء
اخيرا عم ترتاح من الضغوط يلي مريت فيها وعم تتحسن الأمور عندك فرصة مهمة للسفر او حتى التعامل مع ناس من برا البلد وتعلم اشيا جديدة بحياتك ..
عاطفيا .. عم ترجع العلاقة شوي شوي مع الشريك وعم يكون عندك اوقات رومنسية اليوم

#الميزان
يوم بتفرج عليك وبتحس براحة فلا تترك الفرصة لحدا يستفزك ويأثر عليك وعندك فرص مالية ممكنة وتحسن بوضعك ..
عاطفيا .. تعامل بطريقة ايجابية مع محيطك واستقبل الحب بهدوء لأن ممكن يكون في شي حلو عاطفيا بس خفف انفعالك

#العقرب
عم تعاني من توتر كبير عم يأثر على حياتك ويحطك تحت ضغوط هائلة عم تدفعك للانفجار بوجه يلي حولك هاليوم انتبه وخليك رايق وعزز علاقاتك دون مشاكل ..
عاطفيا .. مابعرف اذا الظروف عم تسير لنهاية علاقتك اليوم كون منتبه وابتعد عن المواجهات

#القوس
انت قدام شغل كتير وتعب ورح تتعرض للملامة فوق هيك ماحدا عم يقدر وضعك ولا عم يفكر يساعد بدي منك تنتبه اكتر شي لصحتك وتهدى وتنظم شغلك ووقتك ..
عاطفيا .. عم تكون ضايع وبدك تستقر بس ماعم تعرف تصل لهالشي كون ايجابي وبلا عصبيتك ..

#الجدي
يوم مهم وحلو بيحملك حظوظ وفرص مهمة واخبار حلوة رغم الاجواء السلبية يلي كانت حاول تطلع من وضعك وتحسن بأمور وكل شي رح يكون افضل ..
عاطفيا .. بتفكر اليوم تتقرب من الشريك وترجع العلاقة معو وهاد افضل شي بتعملو والحظ معك

#الدلو
عم تشغلك قصة عائلية بتخص يمكن احد الاهل او عم تفكر ببيتك بس ابدا مو مرتاح والتوتر كتير زاعجك وبدك تلاقي حل بسرعة حتى ماتكبر المشاكل حوليك ..
عاطفيا .. لاتنطر شي من حدا حاول تدرس حبك منيح وخلي قراراتك بالحب تكون مبنية على العقلانية هالفترة ..

#الحوت
كل شي عم تعاني منو اليوم بيتغير وبيعطيك مجال للحركة وتمشي امورك افضل وبتحس بدعم الحظ الك من جديد ممكن تتلقى اتصالات تفرحك وتفكر بسفرة قصيرة ..
عاطفيا .. غير جو مع الشريك وعزز علاقتك معو حتى تطلع من جو الوحدة ..