القمر عم ينتقل لبرج الحوت ♓

#الحمل ♈
روق وحاول ماتثق بالكل وقصص بتدايقك ..
في شي ماعم يريحك أنت مدايق وحاسس بضيق ومن الايام يلي بتزعجك وبتحس حالك فيه مو راضي عن شي والوضع عم يتكركب لكن اطمن فترة مؤقتة ولاتحاول تحسم الامور واذا عندك شي مهم اجلو هاليوم حتى يمر وتكون حالتك أفضل ..
عاطفيا .. وضعك العاطفي متقلب وعم يتأثر بمزاجيتك هالفترة فانتبه لعلاقتك ..
■النسبة المئوية :
●مهنيا : %60

●ماليا : %59

●عاطفيا : %66

●صحيا : %63

#الثور ♉
عندك أمور اجتماعية بتشغلك بلقاء ومناسبة ..
بتتميز بالعلاقات هاليوم وحضورك ملفت وعندك لقاء حلو ناطر وانت أفضل ويومك مميز بناس كتير وأصدقاء وحافل بالأجواء الاجتماعية يلي بتجتمع فيها مع ناس غالية عندك وبكون في تحسن بوضعك العام وبتحس بدعم الناس الك وخاصة الناس المقربة منك ..
عاطفيا .. استغل سحرك بهاليوم لتحسن وضعك ويكون في لقاءات حلوة ..
■النسبة المئوية :
●مهنيا : %69

●ماليا : %70

●عاطفيا : %75

●صحيا : %72

#الجوزاء ♊
يوم منيح لشغل جديد بس انتبه تخالف القوانين ..
عم يكون عندك تطورات مهنية وشغل ولقاء مهم عندك بهاليوم وأمور بتخص شغل او امتحان مشان هيك لازم تكون جاهز حتى تستقبل هاليوم وتحاول قدر الامكان انك ماتغلط ولا تخالف القوانين ويمكن يكون في ترقية عندك وشهرة ..
عاطفيا .. وضعك العاطفي منيح حاول تبحث عن استقرارك ثدر الامكان وبعد عن العصبية ..
■النسبة المئوية :
●مهنيا : %75

●ماليا : %66

●عاطفيا : %72

●صحيا : %64

#السرطان ♋
عندك لقاءات جديدة سفر وتواصل كبير ..
لقاءات بأشخاص جدد وعم تشعر بأنك أفضل وتحسن تصاعدي فيه ومن الأيام الحلوة عندك بالشهر حاول تستغلوا لترجع مكانتك بعد اسبوع صعب كان واستفيد من قدرتك على الاقناع كمان ممكن تسافر وتتلقى اتصالات بعيدة وتتعرف على اشخاص لأول مرة بتقابلن ..
عاطفيا .. وضعك العاطفي عم يتحسن وتكون قادر تجذب الناس الك وحتى عم تعرف ناس جديدة ..
■النسبة المئوية :
●مهنيا : %87

●ماليا : %80

●عاطفيا : %83

●صحيا : %78

#الأسد ♌
عندك تطورات مالية وحلول بعد فترة صعبة ..
استغل هالفترة ويوم لتحل موضوع بخص المقربين وعندك يوم أفضل وفيني قلك اخيرا بترتاح بعد توتر عندك يوم ايجابي بخليك تكون أفضل بعد الضغط يلي كان عليك عم تحل مشكلة عالقة وتحسن الاوضاع مع محيطك وبشكل عام في مال قادم الك من شراكة مع حدا ..
عاطفيا .. تحسن بعاطفتك وفي حلول لعلاقتك بالشريك وامور ايجابية بتحصل ..
■النسبة المئوية :
●مهنيا : %66

●ماليا : %75

●عاطفيا : %69

●صحيا : %73

#العذراء ♍
شراكات مهنية مع اشخاص جدد وارتباط للبعض ..
استغل يومك بشراكة خارجية وحاول تهدي وماتنفعل وكون دبلماسي بتعاملك وعم تتعرض لكتير ضغط بهيك يوم وهالشي عم يخليك قابل للانفجار بسرعة حاول تهدي وتجنب اي مواجهة مع المحيطين ووضعك اكيد رح يصير افضل بس بدو وقت وفكر اكتر بشراكات جديدة ..
عاطفيا .. ممكن تنجح بهاليوم اذا كنت عم تفكر بارتباط واذا علاقتك فيها توتر فانتبه وهدي ..
■النسبة المئوية :
●مهنيا : %62

●ماليا : %58

●عاطفيا : %69

●صحيا : %67

#الميزان ♎
عندك تغييرات وشغل ووضع صحي شاغلك ..
انت بيوم طويل ولازم تعرف كيف تنظم وقتك بهاليوم وكتير مسؤوليات عندك ويوم عم يكون حافل بالشغل وبالامور والقصص يلي اذا ماخلصتها بوقتها رح تتراكم عليك مشان هيك نظم امورك وبلش بدون كسل وكمان ارتاح وانتبهلؤ لصحتك وكل شي بكون تمام ..
عاطفيا .. الاجواء منيحة لكن في توتر عم يكون واحساس بالأهمال لازم الشريك يهتم فيك اكتر ويساندك ..
■النسبة المئوية :
●مهنيا : %59

●ماليا : %62

●عاطفيا : %65

●صحيا : %58

#العقرب ♏
يوم لحلول ومال وعاطفة بتدعمك ..
صرت أفضل وبتتجاوز مرحلة صعبة وبهاليوم انت حظك افضل ويوم منيح لاخبار حلوة مهنية ممكن تجيك فرص تساعدك لتصل لمكانة افضل الحظ بيدعمك بهيك يوم اذا بدك تنجح فحاول تستغلو ورح يكون وضعك منيح ويمكن تخطب وتحل قصة عائلية ..
عاطفيا .. تحسن كبير بالعاطفة عندك وحب جديد ممكن او حتى رجعة حب قديم ..
■النسبة المئوية :
●مهنيا : %85

●ماليا : %82

●عاطفيا : %88

●صحيا : %80

#القوس ♐
لازم تنتبه لوضعك العائلي ومكانك بالشغل ..
مو عبعضك ويوم في تعب صحي ممكن وقصص بتطلعلك فجأة وعم تكون موعبعضك صحيا وانت بيوم متقلب التغيير وارد في انتبه لشغلك او حتى لمكان سكنك وكمان خليك جاهز واتبع الدبلماسية بتعاملك وخاصة مع افراد عيلتك ولازم تهتم بصحة اهلك كمان ..
عاطفيا .. وضعك مكركب بدو هداوة حتى تكون الاوضاع منيحة مع الشريك ..
■النسبة المئوية :
●مهنيا : %64

●ماليا : %60

●عاطفيا : %68

●صحيا : %58

#الجدي ♑
فرص لسفر وشغل عندك لهاليوم وحب بيكبر ..
انت بيوم بيدعمك و عم تكون مميز وقادر تقنع محيطك بافكارك وتوصل صوتك بهاليوم مشان هيك تفاعل مع محيطك بشكل جيد وكمان اذا بدك تسافر فيك تسافر وبتكون ميسرة والوضع ايجابي عندك وانتبه من قصة بتخص موبايلك ..
عاطفيا .. اذا في مشكلة بعلاقتك بهاليوم قادر تحلها لان قدرتك عالاقناع عالية فلا تتردد ..
■النسبة المئوية :
●مهنيا : %78

●ماليا : %74

●عاطفيا : %80

●صحيا : %71

#الدلو ♒
خفف مصروف وانتبه عندك دفع مصاري ..
انت بحاجة مال وعندك دفع على البيت وعيلتك وبدك حل وعندك يوم للتعاملات المالية ممكن يكون فيه كسب مال او حتى دفع واعادة حسابات وكمان مصروفك فيه عم يزيد لكن الوضع العام منيح وفي استقرار نسبي ويمكن عم تفكر تبدا مشروع او تغير شغلك ..
عاطفيا .. وضعك العاطفي بحاجة لدراسة اكتر وفي عندك شخص عم يعذبك بالعلاقة ..
■النسبة المئوية :
●مهنيا : %67

●ماليا : %78

●عاطفيا : %76

●صحيا : %73

#الحوت ♓
بتكون ملفت كتير أمور بتربحك بهاليوم ..
بتتحسن أوضاعك وتغييرات لصالحك وبكون في عندك حلول واخبار بتسعدك وبترتاح اخيرا وعم يكون يوم داعم الك بتنقلب فيه الأمور لصالحك وبتحس بانك عم ترتاح بعد ايام صعبة مرت عليك كمان فيك تبدا مشروع جديد وتغير كل شي ..
عاطفيا .. اخبار حلوة بتسمعها وبترجع الاوضاع مع الشريك افضل او بتبدا بحب جديد ..
■النسبة المئوية :
●مهنيا : %91

●ماليا : %88

●عاطفيا : %81

●صحيا : %83

أعجبني