القمر بكمل ببرج العذراء بيوم جديد ♍

#الحمل ♈

عم تتراكم الأمور عليك ولازم تنتبه صحيا ..
بهاليوم قصص كتيرة لازم تخلصها بتبدا نهارك بتعب صحي وبتشعر بانك مرهق حتى الشغل بيتراكم فجأة عليك وبتزيد المسؤوليات لاتخاف حاول تنهي الضروري وراعي وضعك الصحي وكل شي رح يكون منيح ..
عاطفيا .. استخدم عقلك لتوجه قلبك باتجاه المكان الصحيح والامن حتى ما تتعب اكتر ..
■النسبة المئوية :
●مهنيا : %60

●ماليا : %61

●عاطفيا : %64

●صحيا : %57

#الثور ♉

حلول بعلاقات وتطورات حلوة وخبر بفرحك ..
بدي منك تستغل يومك لأن من الايام الجيدة يوم للحظ والاجواء الحلوة يمكن عم تلاقي حالك بوضع افضل واخبار حلوة ممكن تسمعها وكمان عندك فرص عم تدق بابك وقادر تحصل على اوقات ممتعة ..
عاطفيا .. اذا مرتبط فيوم ايجابي الك واذا اعذب فرصة لتلاقي حب جديد ..
■النسبة المئوية :
●مهنيا : %83

●ماليا : %86

●عاطفيا : %90

●صحيا : %81

#الجوزاء ♊

تصليحات بالبيت وقصص عائلية ماعم تريحك ..
فكر بالتغيير هاليوم وعم تكون مدايق من وضعك وانت بالك مشغول بقصص البيت واهلك خاصة وهالشي بخليك متوتر ومو رايق حاول تهدى وتحل الامور بدون حساسيتك الزايدة لان لازم تكون قوي ..
عاطفيا .. مابعرف اذا الحب عندك الو علاقة بمشكلة مع الاهل بس انتبه وخليك بعيد عن المشاكل ..
■النسبة المئوية :
●مهنيا : %64

●ماليا : %61

●عاطفيا : %68

●صحيا : %58

#السرطان ♋

يوم لتنجح وتشوف ناس وتحل مشكلة ..
مميز انت ويوم من الايام الايجابية يلي قادر فيها تقنع وتوصل رأيك في فرص لسفرة قصيرة او مشوار مع شخص معين كمان بتقدر تتحرك بحرية اكبر بهاليوم وانتبهلي من حوادث السير واعطال الموبايل عندك ..
عاطفيا .. استجابة الشريك عم تكون بطيئة وهالشي عم يخليك متوتر لكن يوم مميز اذا بدك تلتقي فيه ..
■النسبة المئوية :
●مهنيا : %78

●ماليا : %72

●عاطفيا : %80

●صحيا : %70

#الأسد ♌

مصاريفك زايدة انتبه وفكر بحل ..
انت مميز وعم تناقش بداية شغل جديد ووضعك المالي بحاجة لاعادة ترتيب وهالشي بخليك اليوم تكون دقيق حتى ما تخسر وبتميل للكسل وبتحب النوم زيادة وعندك قبض مبلغ مالي هاليوم اذا بدك ..
عاطفيا .. الامور العاطفية ماعم تكمل معك لكن انتظر ولا تتسرع كل شي رح يكون منيح ..
■النسبة المئوية :
●مهنيا : %75

●ماليا : %80

●عاطفيا : %73

●صحيا : %70

#العذراء ♍

يوم جديد من الطاقة والتطورات الحلوة ..
القمر ببرجك ليحسن وضعك ويعني طاقة التغيير المناسبة وقدرة على ايجاد الحلول واعادة الثقة مع محيطك و حتى عندك عائليا امور مؤقتة لاتخاف ويوم داعم الك باي شي بدك تعملو فلا تحملها زيادة ..
عاطفيا .. انت مشرق وجاذبيتك عالية والعاطفة كمان فخليك مع التجديد بحب اذا اعذب او اصلاح امور العلاقة اذا مرتبط ..
■النسبة المئوية :
●مهنيا : %89

●ماليا : %83

●عاطفيا : %88

●صحيا : %81

#الميزان ♎

يوم تاني بدو رواق بالتعامل وخاصة بالبيت ..
عم تعيش حالة قلق وبتشعر انو الامور سيئة خليك بعيد عن الوحدة وكل شي رح يصير افضل بدي منك بس تصبر وخليك مرن بالتعامل قدر الامكان ولاتستفز المحيطين الك هاليوم ولاتتسرع بشي وخاصة عائليا ..
عاطفيا .. لاتسمح للمشاكل الصغيرة تأثر عليك ولاتستفز الشريك لان ممكن هالشي يزيد الامور سوء ..
■النسبة المئوية :
●مهنيا : %61

●ماليا : %60

●عاطفيا : %63

●صحيا : %58

#العقرب ♏

يوم منيح وفي لقاءات حلوة ناطرتك ..
يوم افضل من ناحية الصداقات والدعم الايجابي يلي عم يقدموه الك هالفترة بالمجمل مارح قلك اطلب مساعدة لانك مارح تطلب لكن حاول تستفيد من وجودن معك ولاتضل لحالك وخليك حذر بشغلك ..
عاطفيا .. انت عم تمتلك الجاذبية بهالايام حاول تستغل هالشي ولا تفكر بالخسارة العاطفية لان يلي بيتركك هو يلي رح يخسر ..
■النسبة المئوية :
●مهنيا : %67

●ماليا : %75

●عاطفيا : %80

●صحيا : %70

#القوس ♐

يوم مهم بشغلك وعندك اختبار وامتحان ..
انتبه بهاليوم وركز وخليك جاهز لأن من الايام المهمة يلي عم تحدد فيها موضوع او قصة مهمة بحياتك مشان هيك لازم تنتبه وتستغل الفرص بعيد عن المشاكل يلي ممكن تحصل لان في ناس ناطرتك على غلطة ..
عاطفيا .. خليك هادي وماتحاول تخلي الشريك يتعبك انت مو ناقصك لان ..
■النسبة المئوية :
●مهنيا : %71

●ماليا : %67

●عاطفيا : %66

●صحيا : %69

#الجدي ♑

بتشوف ناس جديدة وبتتحرر من القيود ..
حضورك قوي وانت أفضل بكتير و عم يكون يوم من الايام الايجابية والمساعدة الك مارح قول لتحل كل شي لكن لتحسن وضعك وفرصة لتتعرف على ناس جديدة وتبدا قصة بحياتك وتكون بوضع أفضل ..
عاطفيا .. انت مدايق من بعض تصرفات الشريك وهالشي عم يعمل حساسية بيناتكن انا برايي تصارح الشريك وتفهم غلطو ..
■النسبة المئوية :
●مهنيا : %86

●ماليا : %83

●عاطفيا : %90

●صحيا : %80

#الدلو ♒

تطورات مالية ومهنية عندك بهاليوم ..
عندك قصص مالية شاغلتك بتخص شراكات فروق وفتش عن موارد جديدة هالشي ممكن يحصل من شراكة او ميراث لكن خليك منتبه لمصروفك حتى مايزيد اكتر وحتى ممكن تحل قصة قانونية وحلول ..
عاطفيا .. عم تفكر بشخص وعم تحاول تلاقي طريقة للصلح لكن صعب تكون المبادرة منك ..
■النسبة المئوية :
●مهنيا : %67

●ماليا : %77

●عاطفيا : %70

●صحيا : %72

#الحوت ♓

عندك شغل شراكة هاليوم وبحاجة دبلماسية هاليوم ..
مدايق هاليوم واجواء مشحونة عم تكون بتخليك بكتير اوقات منفعل وعليك ضغوط كبيرة لكن حاول قدر الامكان تساير لان رح تخسر مواجهتك مع اي شخص بالرغم انو ممكن تتم عقد ويكون في شراكة ..
عاطفيا .. انت امام حب جديد او بداية ارتباط اذا كان وضعك بيسمح وغير هيك اذا انت مرتبط انتبهلي لعلاقتك ولاتكبر المشاكل ..
■النسبة المئوية :
●مهنيا : %60

●ماليا : %59

●عاطفيا : %67

●صحيا : %62

أعجبني