القمر بينتقل لبرج الحوت ♓

#الحمل ♈

منيح يومك لتواصل لكن المسا انتبه من قصة ..
عندك لقاءات حلوة وعلاقات بتدعمك الصبح لكن بعد الضهر حاول تبعد عن الاشخاص السلبيين بدي منك تنتبه من بعض العالم يلي عندك بوجهين وماتعطي ثقتك غير بناس محددين وانشالله يوم وبيتغير وضعك للأفضل ..
♡عاطفيا : عم يكون وضعك مكركب وماعم ترضى عن معاملة الشريك معك بهاليوم ..
■النسبة المئوية : 
●مهنيا : %63

●ماليا : %61

●عاطفيا : %68

●صحيا : %64

#الثور ♉

يومك جيد لشغل وتطورات بعلاقاتك ولقاءات ..
مو كتير رايق بالتعامل مع المحيطين فيك الصبح في كركبة بالشغل وبعد الضهر عم يكون يومك حافل باللقاءات الاجتماعية مع الاصحاب والعيلة ورح تكون ملفت بحضورك وقادر تطلب مساعدة من صديق اذا بدك وكمان يمكن تشوف شخص غالي عليك ..
♡عاطفيا : حاول تستغل حضورك بهاليوم لتحسن علاقاتك بمحيطك وتكون جاذبيتك عالية ..
■النسبة المئوية : 
●مهنيا : %74

●ماليا : %70

●عاطفيا : %77

●صحيا : %67

#الجوزاء ♊

تطورات بالشغل والوضع المهني قريبا ..
صباح حلو وتطورات داعمة ومميز بطلتك وبعد الضهر عم يكون متل اختبار حقيقي لازم تكون جاهز وقد المسؤولية وتنجز كل شي بدقة عالية بدون ماتخالف القوانين ويمكن تتعرض سمعتك للحكي من بعض الناس الأعداء الك فانتبه ..
♡عاطفيا : تطورات عاطفية منيحة بتحتاج منك عدم التسرع وانو تختار الأريح لقلبك ..
■النسبة المئوية : 
●مهنيا : %71

●ماليا : %66

●عاطفيا : %74

●صحيا : %69

#السرطان ♋

منيح هاليوم وفي تحسن تصاعدي عندو ..
بعد صباح للحلول والمال وتطورات وحلول بتساعدك بعد الضهر عندك لتعمل شي بحياتك هالفترة ممكن تتعرف على شخص جديد وترتاح معو او تفكر بشغل معو وممكن كمان تطور امورك بالشغل وتسافر وتتواصل مع ناس كتير ..
♡عاطفيا : بدي منك تفكر بتجديد بقلبك وخاصة بعلاقتك ويمكن في شخص جديد عم يكون ناطرك ..
■النسبة المئوية : 
●مهنيا : %76

●ماليا : %80

●عاطفيا : %88

●صحيا : %77

#الأسد ♌

يوم لشراكات وتطورات مالية ومهنية حلوة ..
الصبح في توتر وضغط والامور عم تسير بطريق الشراكات وبعد الضهر عم يكون افضل وتحسن تدريجي عندك يمكن تحصل على مال من شراكة او ميراث او حتى هدية وعم تحل مشكلة كانت شاغلتك وترتاح شوي من الضغوط ..
♡عاطفيا : اوضاعك افضل وتطورات بتريحك بمجرى العلاقة بهاليوم عندك ..
■النسبة المئوية : 
●مهنيا : %64

●ماليا : %74

●عاطفيا : %70

●صحيا : %68

#العذراء ♍

شغل وشراكات وتغييرات عندك فانتبه ..
تعب الصبح وعدم رضا عن الاوضاع عندك وبعد الضهر كتير نقاش شي بطعمة وشي بلا طعمة مع ناس مابتريحك من الاساس حاول تساير لأن مارح يكون الحظ معك باي مواجهة وفكر اكتر بشراكة جديدة او شغل وبعد عن الاستفزاز ..
♡عاطفيا : عم يكون في كتير خناق بينك وبين الشريك هاليوم شي طبيعي بس هدو الامور ..
■النسبة المئوية : 
●مهنيا : %58

●ماليا : %61

●عاطفيا : %68

●صحيا : %63

#الميزان ♎

يومك منيح بس لاتترك الامور تتراكم وانتبه صحيا ..
استغل الصبح لتخلص المهم عندكوتطور وضعك مع اهلك والمقربين لأن بعد الضهر عندك كتير شغل لكن انت قادر تخلص كل شي بوقتو وتحل امورك بدك بس تنظم وقتك وتنتبه لصحتك وتخلص الضروري أول بأول حتى مايتراكم عليك ..
♡عاطفيا : لازم يسندك الشريك بهيك يوم ولازم يقدر ظروفك حتى مايخلق مشكلة ..
■النسبة المئوية : 
●مهنيا : %71

●ماليا : %59

●عاطفيا : %75

●صحيا : %64

#العقرب ♏

بين امور عائلية ومهنية عم يدور نهارك ..
بعد صباح متوتر عندك وقصص بتخص الاهل بعد الضهر بتتحسن امورك بشكل كبير ولتحل مشاكل كانت تاعبتك وفي فرص بتغيرلك وضعك للأفضل كمان بتحصل على اوقات حلوة مع اشخاص طاقتن ايجابية بهاليوم ..
♡عاطفيا : فكر اليوم بحب ممكن يجيك ويحسن وضعك العاطفي بشكل كبير حتى ممكن شخص من الماضي ..
■النسبة المئوية : 
●مهنيا : %81

●ماليا : %80

●عاطفيا : %85

●صحيا : %83

#القوس ♐

حلول الصبح عندك وقصص شاغلتك بالبيت..
صباح حلو بتواصل وسفر وقصص حلوة بتدعمك وبعد الضهر عم يكون في قصة ببيتك عم تشغلك مابعرف اذا بدك تصلح شي او تبيع عقار او حتى تهتم بحدا من اهلك حاول تكون هادي ورايق وانشالله يوم بكون منيح بعدها ..
♡عاطفيا : لاتتسرع وتضعف قدام حدا واترك الامور وتأكد انو رحوتسمع اخبار حلوة لكن مو بهاليوم ..
■النسبة المئوية : 
●مهنيا : %68

●ماليا : %60

●عاطفيا : %67

●صحيا : %63

#الجدي ♑

يوم للمال وتطورات واتصالات المسا ..
بعد أمور مالية الصبح وقصص بتخص الشغل وعدم رضا بعد الضهر عم يكون فيك تطلع وتشوف ناس بتحبن وتكون حاضر وبقوة وتغير كل شي لصالحك والسفر بكون ميسر بهاليوم وحتى اتصالاتك بتكون ناجحة والاوراق عندك بتمشي ..
♡عاطفيا : استغل حضورك وحاول تحصل على ثقة الشريك بشي مشورا رومنسي معو ..
■النسبة المئوية : 
●مهنيا : %78

●ماليا : %67

●عاطفيا : %79

●صحيا : %70

#الدلو ♒

من الايام الحلوة وفي تحسن عندك ومال المسا ..
بعد صباح مدعوم بالطاقة والحظ وقادر تقلب الاوضاع لصالحك اما بعد الضهر يمكن عم تبلش مشروع جديد وعم تفكر تطور وضعك لتزيد مواردك المالية لكن كمان عم تفرد ايدك زيادة وعم تصرف بدون ماتحس هالشي بدو انتباه لوضعك العام ..
♡عاطفيا : عم تفكر تجيب هدية للشريك وتعزمو او تحصل على هدية منو ..
■النسبة المئوية : 
●مهنيا : %88

●ماليا : %80

●عاطفيا : %67

●صحيا : %70

#الحوت ♓

يومك بكون متعب صباحا وبعد الضهر تمام ..
مو كتير مرتاح وبعد نهار صعب عم يكون عندك بعد الضهر بترجع ثقتك بحالك قادر تحل الأمورك بهاليوم وتكون ملفت للكل والناس بتدعمك بيرجع الحظ معك وبيدعمك كمان في تغييرات بتكون لصالحك هاليوم فتفائل ..
♡عاطفيا : بعد الضهر بتسمع صوت شخص غايب وبتحس انو يلي تركك انكسر وصار بدو يرجعلك ..
■النسبة المئوية : 
●مهنيا : %81

●ماليا : %84

●عاطفيا : %88

●صحيا : %80

أعجبني