القمر مكمل ببرج العقرب ♏

#الحمل

لاتعطي أهمية للمشاكل ولاتكبرها واليوم عندك مصالحات وعندك قصص قضائية بتنحل كمان .. وانتبه كتير لمصاريفك الزايدة حتى ما توقع بمشكلة وتصرف بهدوء وانشالله وضعك بلش يتحسن ..

عاطفيا .. بعدك مشتت وبدك مبادرة من الشريك لترجع الأمور افضل بعلاقتك معو ..

#الثور

يوم بيحملك حالة من الضغط والتوتر عم تحطك بمواقف صعبة وتحس انو كل شي حولك عم يتعبك .. لكن بالمجمل فيك تبدا شغل جديد مع شركة او توقع عقد بس انتبه من نهاية شراكة ضعيفة عندك ..

عاطفيا .. يمكن البعض عم يفكر بارتباط هاليوم خطبة زواج وعم يحس بنوع من التوتر وعدم فهم الشريك الو .

#الجوزاء

بكر لشغلك لاتحاول تهمل شي اليوم من صحتك لاكلك كلو لازم يكون ضمن اولوياتك حتى تخلص يلي عليك .. والوقت ابدا مو لصالحك والناس ناطرتك على غلطة وانتبهلي كتير من المرض وحاول تثبت حالك رغم كل شي . .

عاطفيا .. الحياة بحاجة لشوية تنازلات رغم كل شي وخفف من عصبيتك وساير لتنحل امورك ..

#السرطان

عم يحملك اليوم اخبار حلوة حل لمشاكل بالعيلة واحساس بالراحة بعد ايام من التعب .. حاول تستغل فرصك ولاتخاف الحظ معك والأمور رح تكون لصالحك وتسمع خبر حلو ..

عاطفيا .. حب ورومنسية اليوم فبادر اذا عم تفكر تتقرب من الشريك ..

#الأسد

اليوم شاغلك وضع حدا من اهلك او عم تغير ببيتك وبدك تعمل شي جديد بخص مكان سكنك ..انتبه وخليك هادي بدون انفعال لان انت بحاجة للراحة حتى ماتتعب صحتك كمان واذا مو صحتك صحة حدا من اهلك..

عاطفيا .. بين أهلك و الحب القديم والفرصة لحب جديد كتير عم تضيع وتحس انو رح تخسر كل شي بس لاتخاف واصبر ..

#العذراء

يوم عم تتحرك فيه وتشعر بانك قادر تحل مشاكل ممكن تتلقى اتصالات كتير وتتواصل بشكل جيد .. وكمان امكانية انك تسافر اذا بدك وتكون امورك عم تمشي بطريقة سهلة بس خليك متفهم وكل شي رح يكون متل مابدك ..

عاطفيا .. دايما عم تبحث عن الهدوء بعلاقتك وماعم تلاقي لازم تعرف وين المشكلة لتحلها .

#الميزان

بتحصل اليوم على المال وبكون اغلب تعاملك بقصص دفع او قبض او مصاري .. وبتحس انو في بداية لمشروع جديد او شغل وبحاجة منك للتوقيع ولتكون بمكان جديد بيدعم طموحاتك ..

عاطفيا .. عندك رغبة انك تستمر بحب جديد وتعوض العلاقات يلي مرت وتطلع من حالتك .

#العقرب

عم تشعر انك افضل وتحل مشاكلك و انت اليوم مدعوم بطاقة وحظ حاول تغير الأمور لصالحك .. وفكر بحياتك بطريقة غير بعيدة عن القيود وعندك نجاج واخبار حلوة ناطرتك ..

عاطفيا .. عم تلاقي حل لمشكلة عاطفية بس يمكن لازم تفكر كيف تخلص امورك قبل ماتبدا من جديد ..

#القوس

من الأيام يلي بتحملك عرقلة ومشاكل بشغلك وعدم قدرة على الانجاز هالشي ابدا ماعم يريحك .. وعم تحس انو الدنيا مسكرة بوجهك فاهدى هاليوم وبكرا انت افضل اكيد ..

عاطفيا .. تعامل مع مجرى الأمور بلامبالاة حتى ما تفوت بحالة تعب وانكسار وكون بعيد عن المشاكل

#الجدي

مابنصحك اليوم تضل لحالك لأن الأجواء الاجتماعية عم تدعيك ليوم حافل بالاصدقاء .. فلا تفوت هالشي وانتبه من مشاكل مفاجئة او قصص مو متوقعة واذا في موضوع مهم عندك خلصو اليوم ..

عاطفيا .. التوتر ماعم يتركك وعم تحس بأنك تعرضت للخداع والحب عم يتعبك فحاول تبعد عن التفكير بعاطفتك ..

#الدلو

كون دقيق لان كل شي بشغلك بدو تركيز وماتستهين بأي غلطة يوم مهم وحاسم .. بدك تنتبه كتير لأن الأعداء حولك كتار وبدن يعملو مشاكل فحافظ على شغلك وسمعتك وفرصة عمل ممكنة ..

عاطفيا .. لاتتخذ اي قرار ممكن يأثر على مستقبلك العاطفي وخليك هادي بتعاملك مع الشريك ..

#الحوت

يوم مميز عم تفكر فيه بسفر او عم تلتقي بناس من خارج البلد عم تكون متحرر وافكارك جديدة .. وبدك تتعلم شي وتبدا من جديد والحظ عم يدعمك لتوصل للنجاح وتكون مقنع ..

عاطفيا .. اخبار حلوة ممكن تسمعها اليوم فخليك متفائل وشارك الحبيب لحظات رومنسية ..

أعجبني