❤ القمر المكتمل الأزرق بيشهد خسوف كلي بعد ظهر الأربعاء ببرج الأسد ♌

وهاد الحدث بيتكرر كل 150 عام بتمنى من الكل يتابع لنعرف كيف فينا نتجنب الآثار السلبية ونستفيد من التغيير يلي رح يعملوا .. وطبعا رح يكون للخسوف تأثيرات آنية بنفس الوقت وتأثيرات لأشهر لقدام .. طبعا انا كتبت كل شي سلبي وايجابي ممكن يحصل حتى ننتبه ومافي شي بخوف حدث فلكي .. بس أهم شي نفكر بايجابية وخاصة بعلاقاتنا العاطفية وانفعالاتنا يلي بتكون قوية كتير بهالفترة ونحاول نمارس التامل ونبعد عن الاشيا يلي بتخلينا ننفعل ونعصب وانشالله بتمر بخير وسلام على الكل ..

#الحمل

القمر بيعطيك تغييرات على صعيد الحب والحظ عندك وضع مناسب الك وبترتاح بعد مصاعب كبيرة ومتعبة على صعيد البيت والعيلة اثرت عليك كتير .. وفترة فيها تحسن كبير وانفراجات لكن بتعاني بعض المشاكل يلي بتخص الأولاد بدك تكون حكيم فيها وممكن ترتبط وتلاقي استقرارك ..

عاطفيا .. عم تفكر تعزز علاقتك وتتقرب من الحبيب انتبه من انفعالك بتواجد القمر وممكن حب جديد عندك ..

#الثور

رح يكون في تغييرات بالبيت أو العائلة غير متوقعة ممكن تغير مكان سكنك او يكون في ببيتك زواج او تقلق على صحة حدا من اهلك .. فترة متقلبة وفيها امور كتير رح تغير نظرتك لمحيطك لكن لاتكون منفعل وهدي وخاصة مع عائلتك ..

عاطفيا .. مليت من القصص الفاشلة ويمكن بدك تستقر بحب يعطيك الرومنسية يلي بتحتاجها ..

#الجوزاء

انت بوضع أفضل بكتير والأسد صديق الك مشان هيك ممكن تكون انت قادر تنجح ولكن القمر باثر على تواصلك وانتبهلي من اعطال بالاكترونيات عندك ومن حوادث السير ومن مشاكل مع الاخوة او الجيران .. لكن اطمن رح يكون في كتير من المحيطين فيك ورح يعتمدوا على رأيك بالاضافة انك لازم تنتبه لاتغير سيارتك او اي جهاز الكتروني عندك هالفترة ..

عاطفيا .. تردد كبير بعلاقة جديدة وخايف من ارتباطك بحب مع انك بحاجة لاستقرار عاطفي

#السرطان

لازم تنتبه بالفترة المقبلة لوضعك العام وخاصة وضع الشغل والوضع المالي ممكن يكون في تأخير بالموارد عندك وسببها الخسوف او احتيال .. وبدك تتابع امورك بحذر وتنتبه من بعض الناس يلي ممكن يستغلوك وتكون جاهز ودقيق بحساباتك كلها ..

عاطفيا .. لاتفرض طريقة تعاملك على الشريك وحاول تساير لان الحب مشاركة ..

#الأسد

بينتقل القمر لبرجك وخسوف كلي بعد حوالي ال150 سنة وبكون ضيف ليغير كتير اشيا بحياتك ليغير بتفكيرك ويحملك المسؤولية .. وكمان يعطيك الوضوح يلي انت بحاجتو لتحكم على الأمور ولتبدا بطريق جديد او صفحة جديدة خليك واثق من حالك والاجتهاد يلي انت فيه رح يوصلك للنجاح ..

عاطفيا .. حاول ترجع علاقتك وحبك القديم اليوم اذا كنت ناطر هالشي وحليان ..

#العذراء

القمر والخسوف بخليك تعيد حساباتك بكتير امور بحياتك وحتى انك تميل لتشتغل لحالك بعيد عن الناس او حتى العزلة احيانا .. انتبه من الأعداء المخفيين يلي بكونو بالظاهر شي وبالباطن شي ومن المؤامرات ولصحتك ومن فضيحة او اخبار ممكنة عنك وحاول انك تستغل شغل بمؤسسة كبيرة ..

عاطفيا .. لاتخلي افكارك السودا تسيطر عليك وتخرب حياتك اترك الامور للأيام ورح تكون احسن عاطفيا ..

#الميزان

القمر بالأسد وخسوف كلي بساعدك وبيمنحك ظروف ملائمة لتغير تعاملك وتحكم بطريقة أفضل وتفرق بين الصديق والمنافق .. وتعرف الاشخاص على حقيقتها ممكن تتأثر علاقاتك الاجتماعية لكن بالنهاية انت الكسبان ..

عاطفيا .. كون بعيد عن الوحدة وخليك مع الاصحاب حتى ما يضعفك الحنين للماضي وتتعب نفسيا ..

#العقرب

انت بحاجة لتتحمل مسؤولية أكبر بالعمل عندك وانتبه من تعاملك مع المسؤولين وفي تغييرات مهمة مهنيا عندك وممكن كتير يتأثر وضعك اذا بمنصب .. وممكن حتى أنك تصل للشهرة لكن انتبه على عاتقك في كتير أشياء لازم تلتزم فيها وتجتهد لتنجح وتصل والأمور دقيقة عندك وانتبهلي لسمعتك كتير منيح ..

عاطفيا .. لاتكون عصبي ومتسرع وحاول تبتعد عن التفكير وخليك حاسم شوي

#القوس

الخسوف بالأسد يعني انت لازم تنتبه لثناء سفرك من الحوادث وتكون ذكي لتصل للي بدك ياه وماتتسرع بأي شي .. كمان يفضل انك تبحث عن طرق افضل للتواصل وخاصة مع الغرباء وماتفوت بالمجهول او تغامر هالفترة ..

عاطفيا .. بادر والحظ بيدعمك الحظ لتصل لقلب الحبيب اليوم وتعيش اوقات حلوة

#الجدي

القمر بالأسد مع الحسوف يعني لازم تنتبه لقصص مالية من شراكات او ميراث او استرداد دين او حتى شراكة زواج .. ورح تلاقي فرص لمال ممكن بعد وضعك يلي كان بس مع هيك لازم تنتبه وحتى من الاحتيال خاصة اذا شريك ..

عاطفيا .. في حدا معجب فيك هالفترة وحب بحاجة لاهتمام ..

#الدلو

معاكسة القمر الك ببيت الشراكة رح تعطيك دروس مهمة بالتعامل مع الناس المحيطة الك وتغير قناعاتك .. ممكن تنهي علاقات ضعيفة عندك وتفوت بعلاقة جديدة لكن لازم تعرف انو مارح تحصل على هالشي بسهولة مشان هيك بدك تصبر ..

عاطفيا .. انت بموقف حساس بعلاقتك والكلمة ممكن تخرب كل شي فلا تتسرع وفي فرصة لارتباط ..

#الحوت

ممكن تنهي عملك وتبدأ عمل جديد وتكون مو مرتاح من تعامل الزملاء معك وخاصة بوجود الخسوف .. مشان هيك لازم ما ترد على الضغوط يلي رح تكون موجودة وتثبت حالك وصحيا مالازم تهمل المعاينة دايما حتى لو كان موضوع عادي ..

عاطفيا .. اهمال الحبيب عم يحسسك بالحزن ومو مرتاح بالمجمل وبدك تطلع من هالحالة .. 

أعجبني