❤ القمر من بعد الضهر ببرج السرطان ♋

#الحمل

نهار في كتير من الحركة والنشاط حاول تستغلو لتحقق النجاح وبعد الضهر بتشغلك قضية في البيت خليك منتبه ولا تتوتر وبعد عن العصبية .. عاطفيا ..لا تسمح للخلافات الحاصلة وعصبيتك تأثر عليك فكر منيح قبل كل خطوة وخليك هادي بتعاملك . قلبك وجمالك .. يمكن تحصل على مكالمة رومنسية لكن في اجواء مكركبة المسا وجمالك 61%

#الثور

الامور المالية عم تشغلك اول النهار وفي ضغط عليك وبعد الضهر بتزيد حركتك ووبتحس بنشاط وممكن تسافر وبتكتر اتصالاتك لهيك انتبهلي من حوادث السير .. عاطفيا .. حاول تكون مرن بالتعامل مع الشريك وما بصير شي اذا قدمت شوية تنازلات .. قلبك وجمالك ..عم تدور على استقرارك وعم تحتاج انو يفهمك الشريك ويعطيك حريتك وجمالك 59%

#الجوزاء

نهار حلو بيحملك طاقة عالية ونشاط وبتحس بالراحة من بعد الضهر بخف نشاطك بس عندك فرص مالية مهمة حاول تستغلا لتحصل على مكاسب حلوة وانتبهلي من زيادة مصروفك .. عاطفيا .. بتلاقي وقت حلو للحظات رومنسية مع الشريك .. قلبك وجمالك .. انت بحاجة للكثير وماحدا عم يعطيك كلو بس بدو ياخد لكن يوم منيح لاوقات رومنسية وجمالك 88%

#السرطان

نهار صعب اوضاعك مو منيحة وامورك واقفة تعبان ومو قادر تعمل شي بس بعد الضهر بيرجعلك نشاطك وحيويتك وبتحس بدعم كبير حاول تستغل هالشي وبادر لتغير اموك للافضل .. عاطفيا .. بعد الاحباط في النهار المسا بيتحسن وضعك ونفسيتك وانت بحاجة لتتصرف برومنسية مع الحبيب لترجع العلاقة لطبيعتها قلبك وجمالك .. ببداية سنة جديدة لاتحكم من وجهة نظرك على الأمور حتى لو فقدت ثقتك بالكل ورح تسمع اخبار حلوة المسا وجمالك 89%

#الأسد

حاول تستغل فترة النهار وانهي امورك لان بعد الضهر بيتغير كل شي وبتحس بالتعب والارهاق انتبهلي لصحتك ما عندك حظ بشي هالفترة لا تحسم شي خليك ملتزم ولا تجازف بشي وانتبهلي لسمعتك وشغلك وخلي هالفترة تمر على خير.. عاطفيا .. اتصالات واوقات حلوة بالنهار بس بعد الضهر بتسوء العلاقة وبيدخل الشك فيها خليك صبور ولا تزيد المشاكل بعصبيتك قلبك وجمالك .. استغل الحالة الاجتماعية وعيش نهار حلو لحالك وانتبه من قصة المسا وجمالك 66%

#العذراء

بتحس بالنهار بالتعب وما بتقدر تعمل شي ومن بعد الضهر بتحس بالدعم من حولك وبتكون امورك افضل وبيتحسن وضعك بشكل عام.. عاطفيا.. حالتك صعبة بالنهار وحاسس بالوحدة وبعد الضهر بترجع علاقاتك وبيرجعلك الدعم من الحبيب .. قلبك وجمالك .. حاول التفكير بايجابية ووضعك رح يتحسن بس انت أهدى مشان استمرار العلاقة عندك وجمالك 74%

#الميزان

نهار بيحملك كتير من الحظ عندك سفر واتصالات كتير حاول تستفيد منها وبعد الضهر حاول تكون عقدر عالي من المسؤولية لتحافظ علي سمعتك وانجازاتك .. عاطفيا .. خليك رايق اليوم وبلا مشاكل مع الشريك ووحاول تتفهمو .. قلبك وجمالك .. رغم قلقك قلبك عم يدق كتير هاليوم خليك ذكي بتعاملك وجمالك 81%

#العقرب

تعبان بالنهار وضغط كبير عليك بيتلاشى بعد الضهر وبتحس بالطاقة بتفكر بالسفر وبتكتر اتصالاتك وممكن اتصالات من برا البلد وبيجيك دعم كبير .. عاطفيا .. بتتصالح مع الشريك وبترجع العلاقة واوقات رومنسية حلوة المسا .. قلبك وجمالك .. عم تفكر بمصالحة والوقت مناسب بادر وخاصة المسا وجمالك 83%

#القوس

فترة صعبة انت باسوء ايامك تعب وتوتر وارهاق بس بعد الضهر بيتغير وضعك وبتحس بنشاط وبخف الضغط عنك وبيتحسن وضعك .. عاطفيا .. عم تحاول تتقرب من الشريك وعم تسعي للمصالحة معو لتكسب قلبو .. قلبك وجمالك .. ابتعد عن الاستفزاز لأن الأوضاع مابتتحمل وهدي الأجواء قدر الامكان وجمالك 56%

#الجدي

تعب وشغل ومو قادر تلاقي وقت للراحة وانتبهلي لصحتك وبعد الضهر حاول تبعد عن المواجهات والمشاكل لان فترة مو متحملة شي.. عاطفيا .. حاول تهدي من عصبيتك واضبط اعصابك مع الشريك توتر كبير بالعلاقة انتبه وحاول تروق. قلبك وجمالك .. عم تحس بالأهمال وتشتاق لشخص وهاد الوضع مو مريحك وجمالك 48%

#الدلو

نهار بيدعمك فيه الحظ بشكل كبير حاول تستغلو لتتقدم وتحصل عالراحة والنجاح لان بعد الضهر بتبلش تتعب وبتكتر عليك المسؤوليات وانتبهلي لصحتك كمان .. عاطفيا .. انت جذاب وعندك كاريزما بس احيانا الحظ بيخذلك فلا تزعل .. قلبك وجمالك .. حب واوقات رومنسية بطريقها الك ويمكن تجدد بعلاقتك لكن انتبه من المسا وجمالك 75%

#الحوت

وضع البيت والعيلة بيشغلك بالنهار وبعد الضهر بيتحسن وضعك وبتحس بالراحة لا توقف وحاول تنجز وممكن يجيك مبلغ من المال .. عاطفيا .. ممكن اليوم حدا جديد يدق باب قلبك حب جديد برجعلك الفرحة . قلبك وجمالك .. لاتسمح لحيرتك بانو تزيد قلقك كون هادي وتقرب من الشريك المسا وجمالك 78%

أعجبني