❤ القمر بينتقل للميزان ♎

#الحمل

انت تعبان كتير واي كلمة عم تدايقك حاول تهدى وتعزز شراكتك بالشغل لا تتسرع بالحكم ولاتنفعل او تعصب على حدا لان الحق رح يكون عليك وفرصة لتبدا شراكة جديدة بالشغل . عاطفيا .. لاتستفز الشريك هاليوم لان انت رح تكون الخاسر حاول تحل المشاكل بهدوء واصبر ..

#الثور

كتير شغلك بهاليوم عم يتعبك خليك ذكي ونظم وقتك واكلك يعني عندك ورشات وشغل يمكن لاتقصر لان الوقت مو معك ابدا وريحلي حالك شوي مشان صحتك عاطفيا .. انت بحاجة لدعم الشريك بهالفترة وقدر الامكان لاتعصب عليه وخليك رايق

#الجوزاء

يوم حلو فيه كتير اشيا رح تنحل عندك ورح تكون بموقع منيح بالنسبة للناس يلي حوليك لاتكون عصبي كتير ولاتخلي كلام الناس يجرحك وحاول تتصرف بذكى ودبلماسية متل عادتك . عاطفيا .. من الايام المميزة يلي انت بحاجة الها لتعزز علاقتك بالحبيب وتصلح الامور

#السرطان

يوم للعيلة رح يسيطر عليك التوتر حاول تضبط اعصابك ولاتعمل مشاكل وتخسر حدا قريب منك بسبب عصبيتك يمكن مشغول بالك على حدا من عيلتك كون حدو هالفترة . عاطفيا .. انت ما عم تتقبل اهمال الحبيب لإلك بس تفهم وضعو وراعي الظروف تبعو .

#الأسد

يوم مفيد لإلك للنشاط وللقدرة على دفع مصالحك عندك فرص ممتازة وبتعتمد على مهارتك لاتتوقف لان رح تكون قادر تصنع الكتير هاليوم وتصل للتميز بعملك . عاطفيا .. في معجبين كتير اليوم وامورك العاطفية أفضل استغلها وتقرب من ناس بتحبن .

#العذراء

يوم عم تدفع وعم تقبض فيه مصاري انتبهلي لمصروفك الزايد واطلب من حدا دين اذا بدك وفي عندك مكاسب اليوم اذا ناطر هالشي . عاطفيا .. انتبه لمشاعر الشريك من كلامك وصراحتك وماتكون متسرع ..

#الميزان

 يوم فيه طاقة رح تحس بتحسن وعندك القدرة تنجز كتير من امورك بادر لاي شي حابب تعملو وافرض رايك لان الحظ عم يدعمك وعم تحل المشاكل العالقة وتفتح صفحة جديدة .. عاطفيا .. وقت مهم لحل مشاكل علاقتك او البداية من جديد وتحسن كبير بوضعك ..

#العقرب

مو مرتاح ووجود القمر بالبيت الأخير رح يتعبك ويفقدك القدرة على انجاز شي لا تحاول تحسم امورك وارتاح وانتبهلي لصحتك واترك اليوم يمر على خير .. عاطفيا .. تأجيل وعدم رضا عن تصرفات الشريك لاتتسرع بالحكم وخليك حكيم

#القوس

يوم حلو للقاءات الاجتماعية لتعزز روابطك ولتلاقي حالك باكتر من مكان انت مشرق والعيون عليك وقادر تجذب الناس إلك . عاطفيا .. بالرغم من بعض المشاكل بالعلاقة بس هاليوم رح يكون في اوقات حلوة ورومنسية.

#الجدي

فترة مهمة كتير فيها متل اختبارات لامكانياتك وعم تعيش حالة من التوتر بالشغل حاول تهدى ورح يكون كل شي منيح وحافظ على سمعتك وطور شغلك . عاطفيا .. ماعم تفهم الشريك وحاسس انو في شي ماعم يريحك حاول تبعد الشك عنك هالفترة

#الدلو

من افضل ايام الشهر عم تعيش فترة حلوة فيها انجاز ونجاح عندك اتصالات كتير واحتمال لسفر ومشروع جديد يمكن بس لا تفكر بقصص الماضي . عاطفيا .. خليك واضح بعلاقتك وعبر عن الشي يلي بدك ياه لان الحظ عم يدعمك .

#الحوت

يوم لترجع فيه صورتك الحلوة صلح اخطائك واستعيد ثقة الناس فيك لاتحاول تجرح حدا بكلامك وتجنب المواجهة وخليك رايق لتقدر تحل المشاكل وتصالح . عاطفيا .. تشتت وحيرة كبيرة عم تسيطر عليك وماعم تعرف شو بدك وولا شي عم يكمل معك 

أعجبني