توقعات الابراج العامة الخميس 26-10-2017

#الحمل ♈ : كون هادي ولا تحكم على الأمور من وجهة نظرك بس والامور بالمجمل للافضل ومن الأحد بتستعيد حيويتك وبتشعر بحالة مميزة و لاتخاف من النتائج بشغلك بس انت تصرف بهدوء اما عاطفيا فكر بارتباط اذا في حدا بحياتك ممكن هالفترة والفرصة ملائمة والاجواء باتجاه تحسن بعد تعب ..

#الثور ♉ : كون نشيط ولا تفكر بشي تعامل مع الوضع بدبلماسية خليك متفهم وخاصة بالمواجهات فيك توقع عقد وتبدا عمل جديد هي الفترة يمكن عم تحس بعدم الحظ من جهة المال هالشي طبيعي هي الفترة فاصبر ولا تزيد الامور سوء واذا عم تدرس حاول تخفف توترك وعاطفيا يمكن في فرص ارتباط هالفترة ومن التلاتا وضعك تمام بكون وعاطفيا عندك اوقات رومنسية ..

#الجوزاء ♊: عم تشعر بالمسؤولية طول الوقت ومو مرتاح بالمجمل بس تذكر انك عم تبني مشروع حياتك وحاول تكون قد هالشي بشغلك وانتبه لصحتك حتى ماتزيد الامور سوء وما بينخاف عليك قادر تعمل شي منيح وناجح رغم التعب اما عاطفيا فالفرصة كبيرة لحب مميز وامورك رح تكون منيحة والايام الجاية فيها عاطفة مميزة ..

#السرطان ♋ : انت مليان طاقة وقدرة على النجاح بدك بس شوية تفاؤل واستغلال الفرص المتاحة حتى تكون بالمقدمة والحظ بلش يوقف معك ويعطيك اوقات ممتعة ويدعمك لتكون بالمكان يلي بدك ياه شرط ماتهمل عملك وصحتك اما عاطفيا في شي حلو ناطرك وانت بفترة مميزة استغلها لتستقر وتلاقي حب يريحك ..

#الأسد ♌ : اصبر هاليومين ولا تحاول تعمل شي يصعب امورك خاصة على صعيد البيت وعيلتك من يوم الأحد رح ترجع لكامل طاقتك ورح تشعر بتجدد الحياة عندك ورح تلاقي حلول خليك منتبه لانفعالك وممكن تغير بيتك وتناقش قصص عقارية كون منتبه ودقيق وعاطفيا اوقات متفاوتة وفي شي حلو ناطرك بس مو الافضل عاطفيا ..

#العذراء ♍ : عم تشعر بعدم الراحة والخوف من القادم لاتخاف ومن بكرا انت افضل ولا تحط عوائق قدامك و رح تنقلب حياتك للافضل وتكون بحالة انطلاق جديد والظروف ملائمة لنجاح وتطورات حلوة بالشغل وقدرة على التواصل اسرع وكون واثق من حالك اما عاطفيا في فرص حلوة ناطرتك وانت حليان زيادة وهالشي بيمنحك جاذبية ..

#الميزان ♎ : أيام مهمة قادمة ممكن تتعرض فيها للنقد انتبه من الأخطاء وركز منيح لان عندك انطلاقة والاوضاع بالمجمل لافضل ممكن تستلم شغل جديد وتحصل على فرص عاطفية تكبر مع نهاية الشهر وعيش أجواء رومنسية مميزة ورح تكون بحال أفضل وكل شي عم يتغير لاتفكر بسلبية وخليك ايجابي اهم شي .

 #العقرب ♏: لاتكون صعب خليك مرن الاجواء ايجابية بحاجة تفاؤل منك وقدرة على التغيير حاول تبحث عن عمل جديد لأن الظروف بلشت تفرج عندك وتدريجيا رح تلمس هاد الشي وعاطفيا بامكانك تعيش علاقات سرية لتحافظ على الحب وممكن وعندك شعبية متزايدة بين الاصدقاء ..

#القوس ♐: فترات صعبة عم تمر فيها حاول تكون ذكي ودبلماسي ومن يوم الأحد مساءا في تحسن عندك خليك دايما بعيد عن المخاطر وخفف توترك لتقدر تتأقلم وكون هادي قدر الامكان وتفائل متل مامنعرفك وعاطفيا مابنصحك حاليا تبادر لحب جديد اذا ما خلصت من علاقاتك القديمة ..

#الجدي ♑: ابتعد عن المشاكل وخاصة الاحد والتنين لان رح يكون الرد مؤذي الك هالفترة من يوم التلاتا المسا بكون وضعك افضل بكتير وبتعود حالتك لطبيعتها لاتخاف من الافكار وكون واثق من حالك وعاطفيا ابحث عن الاستقرار وفرصة لحب جديد قادم الك وتحسن عندك ..

#الدلو ♒ : خليك بعيد عن الاهمال بعملك وتعامل بحذر مع المحيط تبعك لان ممكن تغير شغلك او تبدا شغل جديد او تتعرض لنقد وياثر عليك انت بحاجة انت لمجهود مضاعف واستغلال لفرصك اما رومنسيا فترة افضل عم تعيشها كون متفهم لتستمر وماتفكر بافضل حال بس بدك شوية صبر وهدوء وتعامل بحكمة ..

#الحوت ♓ : انتهز الفرص المقدمة حاليا وخاصة بما يخص السفر او اي مشروع جديد وحاول ما تترك وضعك معلق وتابع دراستك وقوي ثقتك بحالك وفكر بالحب بدون حنين للماضي ورح يكون عندك فرصة للارتباط بس افتح قلبك وتأكد انو الجاية افضل بكتير ..