#الحمل
عم تكون امور البيت عندك مكركبة وبدك تخلص شغلك وتغير بالديكور ممكن او حتى حدا من اهلك مو مرتاح لوضعو كل هاد عم يأثر عليك ..
عاطفيا .. بالرغم من كل شي حاول تكون بعيد عن العصبية حتى لو حط الشريك اللوم عليك بمشاكل العلاقة ..

#الثور
بتتحرر من حالة الركود يلي مريت فيها وبتحس رجعتلك طاقتك حاول تطلع وتسافر عم تتلقى اتصالات وحاسس انك عم توصل افكارك للناس بسرعة وبسهولة ..
عاطفيا .. قادر اليوم توصل افكارك وحبك للشريك وممكن يكون في اتصال رومنسي ..

#الجوزاء
عم تفكر بشو الك وشو عليك من مصاري وعم تعيد حسابات ويمكن عم تحس انو رح توقع بازمة مالية بس بالمقابل فيك تحصل على مصاري من شغلك ..
عاطفيا .. ماعم تعرف شو بدك وكترة الخيارات حولك عم تخليك ضايع فانتبه من هالشي ..

#السرطان
عم ترجعلك طاقتك وتكون بحال افضل حاول تستغل هاليوم لان مدعوم بالطاقة وعم تعيش ترجع شي من ثقتك بحالك ومكانتك عند الناس فلا تتردد بأي مشروع جديد ..
عاطفيا .. حاول تكسب ثقة الشريك من جديد وتعامل بهدوء مع الموقف ويمكن بحاجة للشريك يتنازل لأن مخك مارح يقبل يتنازل باي شكل ..

#الأسد
متل الضايع اليوم ماعم تعرف لتطلع من حالة الانفعال والتعب يلي انت فيها حاول تكون بعيد عن المشاكل او القصص الغير مدروسة لان رح ترجع عليك بالندم فانتبه ولاتجازف حتى صحتك بدها مراعاة ..
عاطفيا .. يوم مخيب من جهة الشراكة وماعم يصل الحب عندك للمستوى المطلوب ..

#العذراء
بتنشغل بالاجواء الاجتماعية بتستقبل ناس وبتشوف ناس بس اهم شي لاتحاول تضل لحالك واطلب مساعدة اذا احتجتا من صديق ..
عاطفيا .. لاتسمح للأجواء المشحونة تفوتك اي علاقة وبدون تفكير هالشي ممكن يأذيك لقدام ..

#الميزان
حاول تكون هادي وماتصعد الخلافات رح تتعرض للانتقاد اليوم وفي ناس رح تحاول تستفزك لتأثر عليك خليك واثق من حالك ودقيق حتى ماحدا يخرب عليك شغلك ..
عاطفيا .. بين المزح والجد عم تخلق مشكلة روق وكون متفهم حتى ماتكبر الأمور ..

#العقرب
عن تفكر بسفر وتتلقى اتصالات من ناس غريبة عنك واول مرة بتحكين عم تفكر بقصص جديدة ممكن دراسة شي جديد او تتعلم مهنة عندك فرصة مناسبة لهالشي ..
عاطفيا .. عم تسمع اخبار حلوة والشريك عم يعطيك ثقتو وممكن حدا يصارحك بحبو ..

#القوس
تعب وارهاق مريت فيه وبلشت ترتاح وعم تكون بحال افضل عم تشفى من مرض تعبك وعم تحل مشاكلك وفي فرصة مالية بس خليك منتبه من زيادة بمصروفك ..
عاطفيا .. عم تفكر تعيد العلاقة مع الشريك وبدك ماتتنازل بنفس الوقت ..

#الجدي
من الأيام الصعبة يلي عم تأثر عليك بشكل سلبي وعم تسبب تعب بصحتك حاول ماتكون قلق زيادة كل شي رح يمر بس بدي منك ماتنهي او تحسم اي شراكة ..
عاطفيا .. ممكن اليوم تكون نقطة النهاية لحبك انتبه كتير لأن ماعم تتحمل الشريك ولا هو عم يتحملك ..

#الدلو
عم تحس بأنك مو مرتاح وانو ضغط كبير عليك وحاسس بتعب وارهاق حاول تكون منتبه لصحتك واشتغل الضروري بس هاليوم حتى يمر بسلام ..
عاطفيا .. ماحدا عم يقدر الشي يلي عم تعملوا واولن الشريك فحاول تكون هادي ومارح يفيد العتب ..

#الحوت
بتطلع من الوضع يلي كنت فيه وخاصة بجو البيت وبتصير امورك افضل وبتحس انو رجع الحظ معك وتحسنت الامور وحلول لمشاكل بالشغل وفرص حلوة .
عاطفيا .. افتح قلبك اليوم لأن اجواء رومنسية ناطرتك وحب لو اعذب ..