اكبر تشكيلة مواقف بتصير مع الصيادلة بصيدلياتهم

اجا واحد بدو دوا للكلب تبعو قال حاسو مو مرتاح
حس اني تفاجات
قلي اي شبك مو كلنا ثدييات

في ولد اجا بدو سمنة وعسل ..طلع بدو سامي بالعسل

اجت وحدة بدها الدوا يلي حبتو فيا شق بالنص طلع اخر شي سيتامول

هوي: بدي سيكستين...
انا : نعم!!
هوي : لك سيفكوتيم تبع الالتهاب
انا: ليكون قصدك سيفيكسيم
هوي: اي شو صرلي ساعة بقلك !؟

واحد معو صورة عموبايلو فيا حبة دوا نصا اخضر ونصا ابيض بالاخير قال هيي للمعدة... عطيناه الدوا بعد ماعرفناه...
ولا بقول كأن يلي بالموبايل حبتا أخضر أفتح من هاد ؟!

بدا الدوا اللي بتاخدو بالعادة... بس ما بتعرف شو اسمو ونسيانة العلبة بس قال انتي فرجيني شو عندك وانا بعرفو بس شوفو

عطيني استون للمعدة عيار عشرين
وابو غبلين عيار 75
طلعو ايزستوم وبيوغبلين

عطيني حب وجع راس هاد اللي لون العلبة احمر و في صورة بنت حاطة ايدا ع راسا و عم تشكي من صداع
هون صفنت شوي...قلتلو ريليف؟؟!
قلي اي هاد هوي

اجى شخص بعمر كبير شوي
قال بدي دوا ل سكري بيطلع ع تلفزيون ، بيطلع ع قناة 51

اجت وحده بدا كاشف حمل....قال معلش جربو عندك!!!

وحدة بدا دوا التهاب لوجع الضرس

وحدة سالتني اذا في شوربة خضار !

اجى واحد بدو تيتاكولامين و ضل نص ساعة يهجيها بالأخير طلع بدو سيتاكودائين

وحده اجت ومعها ورقه مكتوب فيها بدنا ابره للمفاصل والعظام ...بس يادكتوره انا معي كبد بالمراره

ووحده تانيه كاتبه بدي دوا دغض زكاتيك...
وواحد تالت بدو بارسيتامول من دون سيتامول...شلون زبطت معو ماعم اعرف

بدي الدوا يلي مرسوم عليه عصفور
(بيطلع العصفور هوي المعدة)
عطيني دوا الضغط تبعي
عفوا عم بس شو اسمو
ما بعرف شو اسمو
طيب عيارو سعرو شو لون الكرتونة
اي تذكرت لون الحبة بيضا ولا تقلي مقطوع من شهر اخدت علبتين

مرة اجت مرا معاها وصفة مكتوب فيها زهرة الربيع المسائية
سألتني لشو هالدوا
قلتلها لاعراض سن اليأس
قالتلي مظبوط كلامك انا صرلي فترة حاسة حالي يئسانة من هالدنيا

فاتت الحجة _انت الصيدلانية؟
*اي انا
_عطيني قطرة عين
*شو القطرة خالة؟
_عم قول قطرة عين شه
*اي خالة فهمت بس شو اسم القطرة
_لسا بتقلي شو اسمها لك عيني عم نحكي عربي قطرة عيييين
*طيب ما معك وصفة من الدكتور؟؟
_مبلى معي
*يرحم جدك على مين معيب بزمناته هاتي الوصفة لنشوف هاتي
وبالأخير بعد ما عطيتها قالتلي والله ما بعرف على شو عم يعطوكم هالشهادات ويسموكم دكاترة

من طيبنا منموت بكير