قبل عرسي باسبوع ...

صار معي موقف غيرلي كل حياتي وخلاني ألغي العرس واتراجع ....
يوما مرضت ستي كتير ، ورحنا على المستشفى .. اول ما وصلت لقبت جدي قاعد جنب باب غرفة العناية المشددة وعم يبكي.. قعدت جنبو ولأول مرة بحياتي بشوفو هيك ...
قلتلو عم تبكي يا جدي !
مسح دمعتو وقلي ستك تعبانة كثير ....
اطلعت فيه وقلتلو نشالله رح تطلع بالسلامة ادعيلا ...
قلي هي قطعة من القلب جوا ....
انا طبعا استغربت يعني جدي بالعادة شخص صارم بشكل ومن جيل ايام زمان الي كنت مفكرة انو ما عندن رومانسية وحب متلنا
حبيت غير الجو وهيك و خليه يحكي
قلتلو جدي انت كنت تعرف بنات غير ستي ...
هون ضحك .. وقلي يووووه مليون بنت كانو بيحبوني لاني حليوة وغنيي
انا هون ضحكت وقلتلو يعني ستي مو حلوة !
هون جلّس قعدتوو وقلي ...
ستك روحا حلوة، عيونا قصة بتعرفي يوم كنت بدي ياها شفتا وهي رايحة من الأرض، ماسكة اخواتا بايدا وعرقها على جبينها وبتبتسم !
ابتسامتا خلتني حبا ...
قلتلو طيب اسألك سؤال ...
كم مرة تقاتلت انت وياها ؟! وكيف لليوم هيك بتحبو بعض
قلي يوووووه ياما تقاتلنا .... بس ولا مرة قللنا من احترامنا لبعض ....
هون تذكرت خطيبي اللي عالطالعة والنازلة بقلل احترام وبعايرني بكل شي ... وبشكلي انو مو عاجبو كتير وبدو انحف ١٠ كيلو !

بهالوقت اجا الدكتور .. جدي قام .. طمني شو صار معا؟
قاو الحمدلله ، هلا هي منيحة
منقدر نفوت نشوفاا؟
طبعا بس لا تتطول...
فتت معو
فات جدي متل الولد الصغير الي متلهف عشوفة امو ...
والأحلى من هيك كانت نظرات ستي إلو ... اسدق من هيك نظرة حب بحياتي ما شفت
مسك ايدا وقلا هيك يا قطعة من القب بتتعبي وبتتركيني لاول مرة لحالي !
ضحكت ستي وقالتلو ؛ ما انت تركتني قبل يوم عمليتك !
قلا يعني هيك اخذتي بتارك ...
شدت عأيدو وقالتلو لا ما رح اتركك بالمرة ....
انا طول هالوقت وانا مستغربة كيف علاقة عمرا تقريبا 45 سنة ولساتت بهالقة والحب هاد !
برغم كل الظروف الصعبة الي مرو فيها ....
بهالوقت اتصل خطيبي، كان معصب لاني ما عم رد عليه من الصبح واول ما فتحت الخط قلي شو وينك يا حقيرة !
انا بالعادة كنت بمشيلو ياها لانو حبيبي قبل ما يكون خطيبي بس تذكرت جدي لما قلي الاحترام اهم شي ، وكيف قلي انو علاقتن استمرت بسبب هالشي ....
قلتلو لا تغلط عليي ...
رد علي شو ؟؟ من ايمتى عندك كرامة!
بس حكى هالكلمة عصبت بزيادة وسكرت الخط ...
طبعا خلال ١٠ دقايق كان باعت ١٠٠ رسالة وكلهم بهادل وسب وعلى شو شايفة حالك ومن هالحكي !
وبهالوقت كنت سرحانة بجدي الي ماسك ايد ستي وهي نايمة وبيلحمس ع راسا وبيبوس ايداا ...
طلعت من عندن والدموع بعيوني ..
بعد ما احترت .. شو هو الحب !!
هو عنجد كلمة بحبك الي بيحكيلي ياها خطيبي عالطالعة والنازلة بس تصرفاتو نهائياً ما بتدل على هالشي
ولا الحب نظرة جدي لستي !
خوفو عليها
حبو الها ...
وكيف هالعمر ئضوه مع بعض باحترام !
وصلت عالبييت ولسا خطيبي عم يبعت مسجات ويبهدل ...
نمت ...
وفقت الصبح وقلتلن ما بدي كمل معو ...
الكل نصددم ... الكل عارضني ...
بس بالنهاية انا اخدت قراري وما رح اتراجع !
فسخت الخطبة وحسيت انه احسن قرار اخدتو بحياتي

أعجبني