لما يشرد الخيال

بدي أقطع الشارع مشان اشتري فلافل , انا عين على السيارات وعين على الفلافل الي ريحتهم دخلت جوا راسي , وانا اقطع الشارع ما لقيت الا سيارة ضربتني ضربة خفيفة بس ما صرلي شي انا وما اشفلك الا بنت بتشلق نزلت من السيارة انا عملت حالي متوجع وصرت اتقلب كأني صرصور مقتول ب زنوبة , اجت علي بتحكيلي مالك صرلك شي , بحكيلها لا اصابة خفيفة ما شفت الا هالشباب حملوني وزتوني بهالسيارة بتحكيلي وين ادويك ع اي مستشفى بحكيلها وديني ع الدار , بتحكيلي شووو بحكيلها على اي مستشفى بطريقك , واحنا بطريق اجت اغنية اليسا وبيستحي انا هون استحيت ع الاخر من جمالها لما نزلنا من السيارة بتحكيلي انا بدي اتجوزك , بحكيلها انا ما معي حق اكل كيف بدي اتجوزك بتحكيلي ما بهمني الفلوس المهم انا بدي اتجوز شب بحبو وهسا بدي اوديك ع بابا تتعرف عليه لسا ما لحقت احكي كلمة ركبنا بسيارة وصلنا الفيلا ماشاء الله تقولو بيت ملك يعني المسافة من الباب الي برا لباب الفيلا الف متر ولما وصل ابوها كان لابس اواعي فوق 1000 ليرة ونظارة هدول الغالين مد ايدو سلم عليه وحكتلو بابا هاد الشب بحبو وبدي اتجوزو , حكتلو يا عمي انا ما معي حق بدلة عرس كيف بدي اتجوز حكالو انا بهمني تكون زلمة وتعال عندي بسلمك شغل الشركة وما عليك ,,
صحصحت لما كان ينادي علي صاحب محل الفلافل السندويشة جاهزة وقاعدة بتشر طحنية !

 

أعجبني