قصة حب من الواقع - اغلبنا عشناها

قصة تنين تعرفو على بعض بجروب على الفيسبوك صارو يمزحو ويضحكو وصارو اصدقاء كتييييييييير
اصدقاء واكتر كمان
صاروو متل الاخوة
وبعد شهر من الحكي على الجروب الشب حكى للصبية انو يحكو عالخاص احسن وبوخدو راحتهم

اكتر البنت ترددت فالاول بس بعدين وافقت وصارو يحكو عالخاص ويحكو كلشي لبعض وما بخبو شي عن بعض

وتعلقو ببعض كتييييير وما بيكتمل اليوم بدوون ما يحكو مع بعض ويحكو لبعض كلشي صار معهم

 

البنت بلشت تحب الشب بس ما عترفتلو ابدا

لانها كانت اكبر منو كانت كتير خايفة وهو كمان كان يحبا وكان خايف يحكيلها

وتتركو وتبطل تحكي معوو بس هو كان اقوى منها واعترفلها انو بحبها كتيييير هي خافت تحكيلو وانا كمان بحبك كانت كتييير

مترددة بس قووت حالها وحكتلو انها بتحبو كتيييير ومن زمان بتحبو وحكتلوو :-
يا اهبل انا بحبك وبمووت فيك

 

لا انا ما بحبك .. انا بعشقكك .. انا مجنونة فيك
هوو بطل يعرف يرد ولا يحكي من الفرحة كانت الارض مو واسعتو من الفرحة كان طاير من الفرح واخيرا البنت الي حببا حكتلو انا بحبك
بعد ما صحي على حالو وركز حكالها
انتي الي رح تكوني .. ما رح اسمح لحدا تاني يوخدك مني .. انتي مرتي الي وام ولادي ..انتي رح تكوني ام الياس ..انتي مجنونتي ..وهبولتي وعمري وكل حياتي
هي خجلت كتييير ودابت بحكيو وكلامو الحلو وحبتو اكتر من قبل
ومرقت الايام وحبهن صار يزيد ويزيد
وبلشت الغيرة ..
صار يغار من كلشي
من امها وابوها
من التياب الي بتلبسهن
من ولد صغير بتحضنو وبتبوسو
وهي كانت تحب غيرتو وتحب تعصبو وتجننوو كانت تخليه يعصب كتييير ولما يعصب .. تحكيلو :-
حبيبي
يرد عليها نعم من دون نفس
تحكيلو بحبك مجنوني
هو كان لما تحكيلو هيك كان ينسى حالو وينسى انو كان معصب وينسى ليش كان معصب كان يروق وبهدى كانت تعرف كيف تعصبو وتروقو

 

كانت تفهمو وتعرف كيف تسعدو وهو كمان كان يعرف ازا كانت مدايقة او لاء من طريقة حكيها بالمختصر التنين حافظين بعض
وبتمرق الايام والحب بكبر وبزيد وتعلقهم ببعض بزيد صارو يحكو مع بعض كتيييير والشب صار بدو يشوف صورة البنت الي بحبا لانو صعب يشوفها
طلب الصورة
البنت رفضت بالاول وكانت مترددة بس حبها وثقتها فيه شجعوها وبعتتلو الصورة
ولما بعتتلو الصورة
الشب راح فيها
داب
ما عرف شو يرد حكالها
اخخخخخ يا قلبي
- مالك شوفي
ولك .. شو هاد
-

 

شوفي خوفتني
ولك مش عارف شو احكي
- كنت متوقعة انو مش رح تعجبك الصورة
قال مش رح تعجبني ولك بتجني
ولك جننتيني .. شو عملتي فيي
اكيد سحرتيني
البنت خجلت وما عرفت شو ترد
ولك وينك ؟؟ وين رحتي ؟ رد ..
- هيني معك
بحبك
- بمووت فيك مجنوني
ولك دخيلها مجنونتي شو بعشقها
وكملو سهرتهم وهمي يتغزلو ببعض
وبيوم من الايام الشب طلب يحكي معها صوت
بدو يوصللها مشاعرو وحبو
لانو مجرد حروف على شاشة صغير ما بتكفي توصل حب كبير واجا الوقت الي رح يحكو فيه صوت
البنت خجلانة ومتوترة
والشب متحمس كتيير وفرحان
رن عليها ترررن ترررررن .. ردت
-

 

 

الو
اووويل قلبي انا دخيلها مرتي شو ناعمة
خخجلت البنت كتير وصار تضحك بصوت واطي وبطلت ترد
صار ينادي عليها
مرتي .. حبيبتي .. يا عمري وينك ردي ؟؟
- هيني معك
احكيلي بحبك
اخدت نفس عميق وحكتلو
- بحبك مجنوني
هو خلص صار خارج التغطية
داب قلبو
هو كلو على بعضو داب

 

 

هي حكتلو بحبك وسكرت الخط
وصلها مسج منو :
دخيلو الي بخجل من زوجو .. ولك يا بنت انا زوجك ما تستحي مني .. وع فكرة صوتك بجنن وكلمة بحبك طالعة بتجنن من تمك وانا كمان بحبك
وكملو سهرتهن كتابة مش صوت لانها خجلت كتير
وصارو كل يوم يحكو صوت مع بعض وصارو ينامو مع بعض ويصحو مع بعض وهو ثار ينام على كلمة بحبك ويصحى على قوم يا دب اشتقتلك
ولك انا دب يا ام كرش استني شوي لحتى اصحى منيح وبفرجيكي شو رح يصير فيكي .... وانا كمان اشتقتلك يا دبة
وضلو هيك .. حبهم بكبر وحلمهم بكبر

أعجبني