قصة حب حقيقية تدمع لها العيون

كان في شلة شباب و بنات ...
قاعدين سوا و مأحلااهن .. فجأة ..
راحو كل الشلة و ضلو شب و بنت ..
صارو يحكو عن الحياة .. و عن صعوبة الحياة ..
البنت غصت .. شافت كل رفقاتا مرتبطين الا هي ..
و الشب رفيقاا .. كمان حالتو نفس حالتهاا
قالت البنت للشب : كل رفقاتنا ارتبطوا إلا نحنا متل ما نحنا
قال الشب صح كلامك شو الحل ؟؟
شو قادرين نعمل .. شفنا حل مناسب و ما عملناه !
قالتلو : انا عندي حل شو رأيك ؟!
الشب : اي هاتي لنشوف ..
البنت : تعا نلعب هاللعبة منرتبط 30 يوم و منضل حبايب لحتى يخلصو ... شو رأيك .
عجبتوو الفكرة كتيير و حباا ..  لن تسْتطيع بِدْء صَفحة جَديدة فِيْ حَياتك طَالمَا أنْت مشْغولاً بِقرَاءة صَفحاتك القديمَه ..
وافق الشب عالفكرة و صارو يطلعو سوا ...

 

 

أول يوم الن سواا ..
فاتوا عالسينما لاول مرة سوا ؛ ماسكين ايدين بعض هنن و عم يتفرجو ع فيلم رومانسي ..
فجأة البنت بتحط راسا على كتفو بتشد على ايدوو و هوو قلبو رح يطلع من صدرو ..
تاني يوم ...
راحوا عالبحر و انبسطو و ركدوا و اتصورو و سبحوو .. عاشوا يوم مميز كتير كتيير ..
و حكو المسا عالواتس .. قرر الشب يعزما للبنت ع فيلم رعب ... بقا ..
تالت يوم ...
عزما ع فيلم رعب وهي كانت خايفة كتير و حاولت تمسك ايدو من الخوف بس مسكت ايد بنت بالغلط ..
ضحكو كتير عهالموقف و قضوا يوم ما بينتسى
رابع يوم ...
راحو عند البصارة ليعرفو كل واحد شو حظو
و حكتلن البصارة لا تضيعوا لحظة من حياتكن و خليكن مبسوطين ..
مافي احلا من الحب .. الحب هو الحياة كلا لانو كل تنين بحبو بعض عنجد رح ينبسطو كتير و انتو شكلكن بتحبو بعض ..
اتطلعت البنت بالشب و ضحكت ..
و فجأة دمعو عيون البصارة و طلبت منن كل واحد يروحو ...
ستغربوو .. ما اخدوا و عطوا راحوو ..
خامس يوم ..
هي عزمتو على حفلة رفيقتا و اكلوا و شربوا و رقصوا سوا و ضلو كل السهرة و كأنو مو شايفين غير بعض .. عاشوا ليلة من العمر ..
و البنت قالت شغلة للشب بس كان ضجة و ما سمعا ..
سادس يوم ..
ركبوا بالسيرفيس و السيرفيس عمل حادث و كانت اول مرة البنت بتبوسو للشب لانو الحادث سببلو جروح كتير ..
مع مرور الايام ..
منوصل لليوم ال 29 ...
الساعة 11:27 ....

 

 

كان بقيان 33 دقيقةة لتخلص اللعبة كانوا قاعدين بنفس المكان يلي ارتبطو فيه اول مرة
قلا الشب للبنت : بدك تشربي شي ؟؟
قالتلو : ياريت .. بشرب سيفن آب ...
راح ليجبلا 20 دقيقة مرقو و اسى الشب ما رجع ..
لحد ما اجى شخص غريب لعند البنت و قلاا :
الشب يلي كان قاعد معك ضربتو سيارة و حالتو خطيرة كتير راحت البنت لعندو عالمشفى متل المجنونة الساعة 11:57 الدكتور طلع من غرفة العمليات و كان بإيدو علبة سيفن آب و رسالة ...
و قلا هدول كانو مع الشب خليين معك ..
فتحت الرسالة و لقت مكتوب فيا :
الرسالة هي انا كتبتا من كم يوم انا لقيتك انسانة رقيقة و حلوة و مؤدبة و كلك عبعضك بتنحبي لقيت حالي بحبك عنجد بدون ما حس .. ابتسامتك يلي حبيتا مارح انساها ..
ما رح انسى حنيتك عقلبي .. عصة ايدك ع ايدي .. نظرات عيونك بعيوني ..
و قبل ما يخلصو ال 30 يوم حبيت قلك انك كنتي حبيبتي عنجد و لاخر لحظة بعمري بحبك
كمشت الرسالة و دخلت ع غرفة العمليات و عيونا مليانة دموع ..
و قالتلو : انا ما بدي ياك تموت .. انا بحبك بتتذكر يوم كنا بالحفلة ؟؟
انا يومتا قلتلك بحبك بس انتا ما سمعتني كان ضجة و انا كنت بتمنى وقتا انو نضل مع بعض للأبد و نضل مستمرين باللعبة لاخر يوم ...
حرام عليك تعمل فيي هيك ..
وقتاا الساااعة دقت .. 12:00 ..

 

و قلبو بطل يدق وكأنو 30 يوم متل ما اتفقوا بالضبط و فعلا حبا لاخر لحظة بعمرو وساعتا هي عرفت ليش البصارة دمعوا عيونا بهداك اليوم
الحب .. متل الموت .. ما بتعرف ايمت بيدق بابك ..
لهيك عيش حياتك تمتع بالحب .. عيش احساسو .. مشاعر صادقة .. حنين ابيض .. شوق قاتل ..
وقت بتحب انسان من قلبك رح بتحس انو مافي غيرو بحياتك ولا حتى شايف غيروو ..

أعجبني