♒ زحل بينتقل للجدي ♑

#الحمل

يوم اجتماعي دعوات وطلعات ومشرق انت اليوم وملفت للأنظار لاتضل لحالك في كتير قصص حلوة ناطرتك اليوم بس خليك متفاعل مع محيطك .. عاطفيا .. كون بعيد عن الوحدة وخليك مع الاصحاب حتى ما يضعفك الحنين للماضي وتتعب نفسيا .. زحل بالجدي : انت بحاجة لتتحمل مسؤولية أكبر بالعمل عندك وانتله من تعاملك مع المسؤولين وفي تغييرات مهمة مهنيا عندك وممكن كتير تستلم منصب أو ترتقي بعملك وحتى أنك تصل للشهرة لكن انتبه على عاتقك في كتير أشياء لازم تلتزم فيها وتجتهد لتنجح وتصل ..

#الثور

اليوم بدي منك تركيز وماتترك شي يفوتك يمكن تلاقي فرصة شغل مهمة .. حافظ على مكانتك وسمعتك حتى بتزيد شعبيتك وبساعدك صديق لتحل قصة .. عاطفيا .. لاتكون عصبي ومتسرع وحاول تبتعد عن التفكير وخليك حاسم شوي زحل بالجدي : موقع مريح إلك ووضع أفضل رح تشعر بأنو زحل بموقع مناسب لبداية دراسة جديدة أو حتى سفر ومال ممكن لكن انت لازم تنتبه لثناء سفرك من الحوادث وتكون ذكي لتصل للي بدك ياه ..

#الجوزاء

بعد ايام طويلة يوم حلو كتير انفراجة كبيرة بأمورك .. عندك سفر اذا بدك او اتصالات من حدا بعيد اثبت قدراتك اليوم ورح تلاقي الحلول لكتير اشيا ناطرتك وفرص مهمة .. عاطفيا .. بادر والحظ بيدعمك الحظ لتصل لقلب الحبيب اليوم وتعيش اوقات حلوة زحل بالجدي : بس سنين عاكسك فيها زحل ببيت الشراكة وعطاك دروس كتير بالتعامل مع الشركاء عاطفيا ومهنيا اخيرا عم يريحك بوضعو بالجدي وبيمنحك لفرض مالية من شراكات او ميراث او استرداد دين او حتى شراكة زواج ورح تلاقي فرص لاستقرار عاطفي بعد وضعك يلي كان بس مع هيك لازم تنتبه ..

#السرطان

عم ترتاح اليوم وترجع امورك افضل نسبيا عم تناقش شغلات بتخص مصاري ممكن دين او شراكة او فرصة مالية وعم ترجع تثبت حالك مهنيا .. عاطفيا .. في حدا معجب فيك هالفترة وحب بحاجة لاهتمام .. زحل بالجدي : معاكسة زحل الك ببيت الشراكة رح تعطيك دروس مهمة بالتعامل مع الناس المحيطة الك وتغير قناعاتك ممكن تنهي علاقات ضعيفة عندك وتفوت بعلاقة طويلة او تستقر بارتباط لكن لازم تعرف انو مارح تحصل على هالشي بسهولة مشان هيك بدك تصبر ..

#الأسد

من أصعب الايام عليك مو طايق حدا من يلي معك فترة عصبيتك فيها عم تزيد عم تغلي من جواتك خليك هادي واستغل هاليوم لتحسن امور الشراكة مو تخربها لأن الوضع أبدا مو متحمل .. عاطفيا .. انت بموقف حساس بعلاقتك والكلمة ممكن تخرب كل شي فلا تتسرع وفي فرصة لارتباط .. زحل بالجدي : ممكن تنهي عملك وتبدأ عمل جديد وتكون مو مرتاح من تعامل الزملاء معك مشان هيك لازم ما ترد على الضغوط يلي رح تكون موجودة وتثبت حالك وصحيا مالازم تهمل المعاينة دايما حتى لو كان موضوع عادي ..

#العذراء

مو مرتاح عم يتعبك الشغل والمسؤولية وتأخير بشغلك حتى في تراجع بالمعنويات واليوم عم تحس بارهاق كبير ووقت مافيه انتبه من هالشي نظم وقتك ولاتهمل صحتك .. عاطفيا .. اهمال الحبيب عم يحسسك بالحزن ومو مرتاح بالمجمل وبدك تطلع من هالحالة .. زحل بالجدي : وضع مناسب الك وبترتاح بعد تغييرات كبيرة ومتعبة على صعيد البيت والعيلة اثرت عليك كتير وسنة فيها تحسن كبير وانفراجات لكن بتعاني بعض المشاكل يلي بتخص الأولاد بدك تكون حكيم فيها وممكن ترتبط وتلاقي استقرارك ..

#الميزان

يوم حلو لأنك عم توصل أفكارك صح وتقنع ممكن تعمل اليوم شي سهرة وتفرح وتنبسط بقعدة مع ناس بتحبن وتسمع اخبار حلوة فخليك جاهز .. عاطفيا .. عم تفكر تعزز علاقتك وتتقرب من الحبيب اكتر الحظ بيدعمك واليوم رح تعيش اجواء رومنسية مميزة بعد فترة تعب .. زحل بالجدي : رح يكون في تغييرات بالبيت أو العائلة غير متوقعة ممكن تغير مكان سكنك او يكون في ببيتك زواج او تقلق على صحة حدا من اهلك فترة متقلبة وفيها امور كتير رح تغير نظرتك لمحيطك لكن لاتكون منفعل وهدي وخاصة مع عائلتك ..

#العقرب

مو مرتاح اليوم يمكن جو البيت مكركب وفي وضع معين بدنا هدوء لحل المشكلة ومزاجك متقلب اليوم حاول ترتاح وما تكبر القصص وتكون حكيم .. عاطفيا .. مليت من القصص الفاشلة ويمكن بدك تستقر بحب يعطيك الرومنسية يلي بتحتاجها زحل بالجدي : انت بوضع أفضل بكتير والجدي صديق الك مشان هيك ممكن تكون انت قادر تنجح وكلمتك مسموعة رح يكون في كتير من المحيطين فيك ورح يعتمدوا على رأيك بالاضافة انك ممكن تغير سيارتك او اي جهاز الكتروني عندك او تصلحوا وانتبه بتعاملك مع الاخوة والجيران ..

#القوس

نشيط اليوم سفر او اتصالات مهمة في مشاريع شغل جديدة انت ذكي وقادر تصل يمكن تهتم لحدا من الاخوة اليوم وتركز اهتمامك بقصة بتخص علاقتك بحدا .. عاطفيا .. تردد كبير بعلاقة جديدة وخايف من ارتباطك بحب مع انك بحاجة لاستقرار عاطفي زحل بالجدي : لازم تنتبه بالفترة المقبلة لوضعك العام وخاصة وضع الشغل والوضع المالي ممكن يكون في تأخير بالموارد عندك وبدك تتابع امورك بحذر وتنتبه من بعض الناس يلي ممكن يستغلوك ..

#الجدي

بعد نشاط وتطورات عندك اليوم انتبهلي لمصروفك الكبير في فرص لمكاسب مالية وتحسن على على كل الأصعدة وممكن تحصل على مكافأة كمان .. عاطفيا .. لاتفرض طريقة تعاملك على الشريك وحاول تساير لان الحب مشاركة .. زحل بالجدي : بينتقل زحل لبرجك بعد حوالي ال30 سنة وبكون ضيف ليغير كتير اشيا بحياتك ليغير بتفكيرك ويحملك المسؤولية ويعطيك الوضوح يلي انت بحاجتو لتحكم على الأمور ولتبدا بطريق جديد او صفحة جديدة خليك واثق من حالك والاجتهاد يلي انت فيه رج يوصلك للنجاح ..

#الدلو

بترجع بطاقة كبيرة كتير والاضواء عليك عم تعمل كتير اشيا والحظ بيدعمك ابدأ مشاريع جديدة واستغل طاقتك يوم ممكن يكون انطلاقة الك بعد فترة ركود وتحسن على كل الأصعدة .. عاطفيا .. حاول ترجع علاقتك وحبك القديم اليوم اذا كنت ناطر هالشي وحليان .. زحل بالجدي : بخليك تعيد حساباتك بكتير امور بحياتك وحتى انك تميل لتشتغل لحالك بعيد عن الناس او حتى العزلة احيانا انتيه من الأعداء المخفيين يلي بكونو بالظاهر شي وبالباطن شي وحاول انك تستغل شغل بمؤسسة كبيرة ..

#الحوت

يوم تعب بدك تهدى وتروق و لاتحاول تخلص امورك اليوم ركزلي عالقصص الضرورية بس وارتاح وانتبهلي لصحتك ولاتنفعل وحاول تتجنب المشاكل قدر الامكان عاطفيا .. لاتخلي افكارك السودا تسيطر عليك وتخرب حياتك اترك الامور للأيام ورح تكون احسن عاطفيا .. زحل بالجدي : بموقع صديق الك هالشي بساعدك وبيمنحك ظروف ملائمة لتحكم على الاشخاص بطريقة أفضل وتفرق بين الصديق والمنافق وتعرف الاشخاص على حقيقتها ممكن تتأثر علاقاتك الاجتماعية لكن بالنهاية انت الكسبان .. 

أعجبني