❤ القمر مكمل بالعقرب ♍

#الحمل

بعد اسبوع صعب ممكن هاليوم تهدى فيه وتعيد حساباتك المالية بما يخص الشراكة وتنتظر حلول لمشكلة قضائية او شفاء من شي مرض اتعبك قبل .. عاطفيا .. لاتضغط على الشريك وتحملو هالفترة لان رح تكون صعبة وفيها مشكل وفرصة هاليوم لمصالحة ..

#الثور

يوم بيحملك عقد لشراكة لكن الأجواء بالمجمل كتير فيها توتر خليك منتبه او خلي الناس يلي معك تنتبه من ردة فعلك يلي رح تكون مؤذية اذا انفعلت زيادة او اذا استفزوك .. عاطفيا .. يمكن عم تفكر ترتبط بهاليوم او اذا كنت مرتبط فعلاقتك عم تمر بحالة من العصبية وعدم الرضا فانتبه ..

#الجوزاء

من الصبح عندك شغل كتير وبتحس انك متعب ومرهق ومو قادر تعمل شي هالحالة لازم تتخلص منها وتحاول تنهي الاعمال الضرورية وتنتبه كمان لصحتك .. عاطفيا .. كتير من الاشخاص يلي معك بتظهر اعجابها فيك لكن انت عم تبحث عن الشخص يلي ممكن يعملك فارق بحياتك ..

#السرطان

التوتر يلي كان وحالة عدم الراحة بتنقلب لاوقات حلوة بهاليوم وبتحل مشاكلك وبتسمع اخبار حلوة وبتنبسط بيوم ايجابي رغم كل ضغوط الفترة الماضية .. عاطفيا ... حاول تطلع من حالتك وعيش رومنسية وحب مع الشريك واذا اعذب فرصة لتلاقي حبك ..

#الأسد

انت مشغول بالك على حدا من اهلك بهاليوم وهالشي عم يخليك قلق ومو مرتاح بالمجمل حاول تكون هادي وحكيم لتمر الامور على خير .. عاطفيا .. بعدك عم تحلى والعيون عليك بس للأسف ماحدا عم يعطيك الحب والاستقرار اللازم ..

#العذراء

يوم بيحملك دعم بالمعنويات وتحسن على على كتير من الاصعدة بتقدر تسافر وتغير جو وتتلقى اتصالات وتعبر عن رأيك وبتصل للي بدك ياه المهم تكون مستعد وتتواصل صح وتنتبه كمان لحدا من الاخوة بكون بحاجتك .. عاطفيا .. لاتزعج حالك بقصص صغيرة وحاول اليوم تعزز علاقتك بالشريك ..

#الميزان

من الصبح عم تعيد حساباتك المالية ممكن يكون في دفع كتير وناطر هيك تفرج عليك وترجع امورك المالية تصير منيحة وهالشي قريبا ويمكن انت عم تفكر بمشروع جديد .. عاطفيا .. تعامل مع اي علاقة عاطفية متعبة الك بالنسيان وبكفي تعب من الماضي ..

#العقرب

انت اليوم امام فرصة لتحسن اوضاعك وتطلع من الأجواء الكئيبة يلي سيطرت عليك لازم تستغل هيك ايام لتكون بموقع ايجابي وتقدر ترجع ثقة الناس فيك وماتفكر بالماضي .. عاطفيا .. خليك واضح بتعاملك مع الشريك واليوم اذا كان في مشكلة ممكن تنحل ..

#القوس

يمكن عم تحس انو مو مرتاح وانو في ناس اعداء الك عم تحاول توقعك والأمور كلها واقفة عندك خاصة ماليا هالشي عم يخليك حذر زيادة ولاتخاف فترة وبتمر .. عاطفيا .. عم تتفاجئ بشخص وعم يصدمك تعاملوا معك لاتتسرع وانتظر لتوضح الامور ..

#الجدي

انت اليوم اجتماعي عم تتلقى دعوات وعزايم من الاصدقاء او انت يلي عم تعزم حاول لاتضل لحالك لان طاقتك بتستمدها من رفقاتك واترك قلقك بعيد عنك .. عاطفيا .. يبدو انك بحاجة لخيارات اوضح بعلاقاتك لأنك ماعم تعرف شو بدك ..

#الدلو

الأخطاء يلي ممكن تحصل معك بالشغل عم تكون سبب عند أعدائك ليحاولوا يأثرو عليك خليك دقيق ولاتخاف كل شي رح يكون منيح بس انتبه لاتسمح لشخص يستفزك .. عاطفيا .. الشريك ماعم يقدر ظروفك يمكن وعم يكون في حدة بالتعامل معو فانتبه وهدي الاجواء ..

#الحوت

يوم بيحمل سفر واتصالات بعيدة وانتبهلي من حوادث السير وممكن تتعامل مع ناس غريبة اول مرة بتحكي معن يوم ايجابي داعم الك حاول تستفيد منو وادعم مصالحك لتحصل على يلي بدك ياه .. عاطفيا .. يمكن صار لازم نحط حد للماضي ونفكر بحياتنا وفي حب عم يكبر بالاجواء ..

أعجبني