❤ القمر من بعد الضهر بالحوت ♓

#الحمل

لا تتأخر بشي بدي منك تستغل الصبح وحاول تخلص امورك لأن من بعد الضهر بتهدى الوتيرة عندك وبتحس بالتعب وانتبهلي لصحتك فترة ضعيفة الحظ لاتحاول تتسرع بشي وحاول تمرق هالفترة على خير ودير بالك على سمعتك وشغلك ولا تكبر الأمور وكون ملتزم ومابدي منك مجازفات ورح تمر على خير بس كون هادي انت وخاصة بالشغل .. عاطفيا .. حاول تكون هادي ولاتكبر الأمور وساير لان عم يصير امور عم تخليك تتردد وتخاف من مجرى العلاقة ..

#الثور

انت بعدك مو مرتاح الصبح عندك توتر مو طبيعي وروتين وقصص عم تزعجك ومن بعد الضهر بتتحسن حالتك الاجتماعية تعامل بشكل مرن مع الناس قادر من المسا تصل لافضل النتائج وتكون مبسوط من الوضع استفيد من دعم الصداقات الك وتصرف بسرعة وكل شي رح يكون على أفضل حال .. عاطفيا .. لا تفكر كتير بالعلاقة ولا تحملها اترك الامور تمشي وخليك شوي رومنسي ورح تكون امورك تمام

#الجوزاء

الصبح في عندك وقت حلو استغلو وفي انجاز عندك وخبر حلو ومن بعد الضهر عندك فترة مهمة وصعبة انتبه في عندك قصص رح توترك حافظ قدر الامكان على هدوئك وحاول لاتنفعل اذا بدك تلاقي شغل جديد ممكن كتير هاليوم ولاتشغل تفكيرك كتير بس خليك هادي لتعرف شو بدك منيح عاطفيا .. اخبار حلوة من حدا غايب ببحر النهار ومن بعد الضهر عم تحس انو ماحدا عم يقدر مشاعرك فترة ضاغطة ويمكن في توتر عندك من ناس قريبة منك

#السرطان

الصبح عندك ركود وتعبان وفي عرقلة بمشاريعك مع انو افضل انت من بعد الضهر اخبار حلوة وفترة مميزة ورح تكون مرتاح ومبسوط من شغلك انت ذكي اليوم وعم تصل لاهدافك لاتتردد وادفع بمصالحك وحل مشاكلك بطريقة هادية واطلع من جو العصبية تبعك وغير واستعد لتكون بحال افضل عاطفيا .. خليك رايق ولاترد عالكلام يلي بتسمعو وانتظر المسا لتصير الامور افضل عندك

#الأسد

انت مو مرتاح وامور الشراكة تاعبتك الصبح ومن بعد الضهر عندك شغل مهم لازم تخلصو لاتكون عنيد وصعب لان اي شي رح تعملو رح يرجع عليك ويمكن تربح شي قصة مالية او تكسب وانتبه لمصروفك هالفترة لان رح تحتاج مساعدة مالية ولاتخاف امورك بالمجمل عم تتحسن وعندك حل لمشكلة عاطفيا .. حاول تمرق قد مافيك لان نهار ضاغط ومشاكل وخناق وقسم بعدك عم تعاني من مشاكل فيها لاتتسرع واستنى والامور رح تكون احسن ويتحسن وضعك والتوتر رح يخف عندك وممكن خبر يريحك ومصالحة جاية

#العذراء

تعبان صباح متعب وفيه شغل كتير عليك وماعم تلحق ومن بعد الضهر بتدخل بحالة توتر وممكن تنفهم غلط فكون هادي وحافظ على اعصابك عم تفكر بامور الشراكة وعندك شغل كتير وضعط كبير هالفترة لاتتسرع باحكامك ولاتتهور لأن ممكن تخرب كل شي عاطفيا ..انت ضايج و الوقت عم يسرقك وعم تكبر المشاكل مع الحبيب وخاصة بهالوقت فانتبه كتير لمشاعرو وخود قسط من الراحة لتفهمو وهدو الأجواء المشحونة وممكن البعض يتم خطبة او زواج ..

#الميزان

عم يكون ايجابي وضعك الصبح و عندك اشيا مهمة عم تنجزها وتنجح فيها وفرص حلوة عم تفرحك من بعد الضهر انتبه شغل كتير حاول تنظم وقتك واكلك لتلحق كتير منو لاتشكك بقدراتك وابدا لتخلص كل شي وانتبهلي لصحتك هالفترة كمان ممكن التعب ينال منك ولاتتكاسل عاطفيا .. عندك حنين بالرغم من عروض حب جديدة للبعض وعم تشتاق لحدا غايب وعم تفكر كيف تستقر عاطفيا او تحصل على الرضا

#العقرب

ماعم تعرف شو صاير وشاغلتك مواضيع العيلة بالنهار وزاعجك الوضع المتوتر من بعد الضهر بتكون قادر بمهارتك تخلص شغلك بس انتبه من حظك المالي وخليك رايق ورجع الامور لطبيعتها هالفترة لان نشيط وعندك القدرة تنهي امورك عاطفيا .. افضل امورك العاطفية و التوتر والحيرة يلي عم تعاني منها بتنقلب بالليل وعم تفكر بالتقرب من احبابك وتعزز علاقاتك

#القوس

انجز يلي عندك الصبح لان انت افضل وعم توصل كلمتك اما بعد الضهر عم تفكر كتير بامور بتخص العيلة والبيت عندك كون قد المسؤولية ولا تنفعل هالفترة عيلتك بحاجتك خليك هادي وتصرف بحكمة قدر الامكان واستغل الوقت لتهدي الأجواء وتحلها عاطفيا .. نهارك في لقاء حلو وبعد الضهر افكار عم تاخدك وتجيبك وانت متل الضايع بس لاتخاف فترة وبيستقر ووضعك ..

#الجدي

اهدى لان بعدك الصبح عم تناقش امور مالية وشغل اما بعد الضهر فترة حلوة عم ترجع فيها لنشاطك نسبيا وعم تستعيد قدرتك على الحوار وبتحسن وضعك بس قدر الامكان لا تيأس لأن الظروف ملائمة للنجاح والتقدم وحركة وسفر اذا بدك عاطفيا .. لاتخاف حيرتك الصبح عم تنقلب بعد الضهر لفرص حلوة جديدة عم تدق بابك واذا كنت مرتبط فيك تطلع برحلة او مشوار مع الحبيب بس فضي بالك ولا تتعب حالك بالتفكير طول الوقت

#الدلو

في تغيير ومشرق انت الصبح وطاقتك عالية ونشيط من بعد الضهر فرص مالية ومكاسب مهمة خليك واضح ورح يكون وضعك منيح ورح تحصل على تعويض او مبلغ بس انتبه من زيادة المصاريف وتصرف بحكمة اكتر .. عاطفيا .. طاقتك عالية وساحر انت بالنهار وعم تعيش فترة حلوة والعيون عليك ولاتسمح من بعد الضهر للمشاكل تخرب علاقتك او تبعد بيناتكن وعندك فرصة تطور علاقتك اكتر لارتباط

#الحوت

بتحس حالك مو مرتاح وتعبان كتير صعبة اوضاعك بالصبح وامورك ماعم تمشي وضايج لكن من بعد الضهر عم ترجع لنشاطك والحظ عم يوقف معك افتح صفحة جديدة واستغل هالشي لتدعم مكانتك ولتغير الأمور لصالحك لاتتردد وكون مبادر فترة حلوة وفيها تغيير مهم وحال افضل الك لاتخاف .. عاطفيا .. أمور كتير بتتغير باتجاه الافضل ضمن النهار فلا تقلق وكل شي رح يصير تمام وجاذبيتك بتصاعد .. 

أعجبني