#الحمل

- وضعك بنهاية التعب اطمن لاتتسرع بشي وأصبر شوي وبلا عصبية لأنك رح ترتاح تدريجيا ..
- انت كنت امام ضغوط كبيرة وعم تعاني منها من زمن وماعم تعرف ايمت رح تخلص وتحس بالراحة ..
- يمكن ماضل حدا الا عدو الك مع انك ماعم تقدم للناس غير كل منيح وماعم تعرف سبب هي المعاملة ..
- انخفاض بالطاقة وعدم راحة بس هالشي مارح يدوم بس اصبر وتأكد انو ايام ورح ترجع افضل بكتير ..
- عاطفيا .. امامك فرصة للارتباط ويمكن بدك تستقر بس ماعم تلاقي الشخص يلي بيستاهل او مناسب لعقلك ..

#الثور

- وضعك ماعاد يحتمل بس يمكن شعورك بانو الراحة قربت لازم يخليك متفائل شوي لأن عنجد هانت ..
- تعبت كتير بالشهرين الاخيرين وحاسس انو مافي شي بسر او بفرح يحياتك وانو طاقتك منخفضة ..
- مشاكل كتير كبيرة عم تعاني منها بعلاقاتك بالناس عم تحس كأنن أعداء الك وناطرينك على غلطة ..
- انت أمام خيارات صعبة وبدك هدوء لأبعد الحدود مع انو مافي بس لازم لأن حركة الكواكب عم تهدد علاقاتك واذا ماكنت متمسك فيها رح تنتهي فانتبه ..
- نهاية هالشهر رح تشهد تحسن الك بس مرق هالفترة على خير ولاتخاف المهم تحسم امورك وتفكر قبل ماتقرر ..
- عاطفيا .. ممكن تتم ارتباط هي الفترة وهالشي بدو تفكير قبل ويلي ممكن اكتر تكون نهاية علاقة للمرتبط اكيد بتمنى الانتباه ..

#الجوزاء

- مرهق هيك فينا نقول عنك بهالفترات وضغوط يمكن أول مرة بتمر فيها ومزعجة الك ..
- من شهر ولهالوقت وانت شاغلتك صحتك ممكن قصص عم تصير معك لأول مرة وعم تحطك بوسواس المرض ..
- حتى أعمالك الروتينية عم تشعر انو مو قادر تقوم بواجباتك وعليك شغل وتعب كتير ..
- لازم تتبع نظام غذائي وتفكر بصحتك وتعمل رياضة اذا بدك حتى تمر هالفترة الصعبة ..
- كون بعيد عن الأهمال بأعمالك الضرورية ومن اليوم انت افضل نسبيا فحاول تتفائل دايما ..
- عاطفيا .. انت مدعوم بأوقات رومنسية ياجوزاء حاول تستغلها وتقضي اوقات ممتعة وفيك اذا استمريت بالحب انو يكتمل بارتباط اخر الشهر ..

#السرطان

- اجواء وفرص عم تمر فيها لكن في عندك قلق داخلي وحتى بتفكر كتير بصحتك وبتخاف عليها ..
- يمكن لأنك سرطان ذنبك أنك مزاجي والاجواء العامة فيها ضغوط نفسية فلازم قدر الامكان تضبط اعصابك ..
- الفترة القادمة مهمة الك وممكن تحمل الك فرصة لعمل جديد فكون جاهز لهالشي ولتحمل ضغوط العمل ..
- انت أمام تحديات وفرص كبيرة لكن ممكن تنجر ورا أماكن غلط وتندم فيما بعد مشان هيك بدي منك تنتبه وماتشوف كل شي حلو من أول نظرة ..
- الأجواء ايجابية لكن الظاهر احيانا بكون غير الباطن بدي منك تعد للعشرة قبل ماتعمل أي شي ..
- عاطفيا .. حاول تكون قدر الامكان بعيد عن التردد لان الحب عم يدخل حياتك حتى فرصة للاعذب يرتبط او يفوت علاقة ..

#الأسد

-تعبت من وضعك وماعم تعرف شو تحكي يمكن مافيك تحكي لأن كتاؤ بكونو أقوى فيك وكبريائك كمان ..
- أحيانا كتير بتكون مشاكل البيت من أصعب المشاكل وبتحطنا بخيارات صعبة بس لازم مانفقد السيطرة على حالنا ..
- بتمنى منك التعامل بهدوء مع التغييرات يلي عم تصير ببيتك وعدم التصرف بأي شي حتى ماتندم ..
- بعرف أنو الحكي سهل بس الفكرة انو بدها شوية صبر حتى ماتكبر المشاكل وابتعد عن الاستفزاز بتصرفاتك ..
- ممكن تعاني من مشاكل عقارية كمان لهيك بتمنى منك الحذر اثناء البيع والشراء ..
- نهاية الشهر بتحملك انفراجة ووضع افضل بكتير فلا تقلق وبلشت يمكن تحس بالراحة يلي عم تدور عليها ..
- عاطفيا .. خليك بعيد احيانا عن جو البيت واطلع غير جو مع الشريك بس لاتخلي الشريك يكون سبب بمشكلتك مع أهلك هيك انت يلي رح تخسر ..

#العذراء

- نشاط عندك ومحاولة لتصل لأفضل مكان وانت ناجح لكن في كتير اشخاص مزعجين حولك ..
- افكار عم تاخدك وتجيبك وانت عندك كتير مشاريع بس بدها ترتيب حتى تصير على أرض الواقع ..
- التواصل مع الناس عم يتأثر بعوامل عم تخليك تكون بحيرة والأعداء يلي بتسببلك بعض المشاكل ..
- حاول تحسم امورك وتصرف بذكائك المعتاد لتطلع من الأوضاع السلبية يلي عم تنحط فيها وخاصة انو الناس ماعم تقدر مجهودك ..
- الأيام القادمة بتحملك حركة وطاقة لكن انتبه اثناء سفرك من الحوادث وتعامل بهدوء اثناء نقاشك ورح تنجح ..
- عاطفيا .. لاتكون صعب مع الشريك حتى لو كان حدا صعب يفهمك بسرعة الأمور بدها تروي حتى تصلو لحل وفي تحسن بعلاقتك من الثلاثاء ..

#الميزان

- كتير من المصاريف عم تكون بهي الفترة بس بنفس الوقت في شي يعوض بالأيام المقبلة ..
- الحياة عندك بلشت ترجع لوضعها الطبيعي بس بدي منك تفاؤل لأن القادم افضل بكتير ومن مسا اليوم ..
- حاول تطلع من حالتك ولاتسمح لوسواسك يتعبك وحاج بكفي لازم تكون نظرتك ايجابية ..
- انت امام ايام داعمة الك وفي امور عم تتغير لصالحك بس انت خلي ثقتك كييرة بنفسك وتأكد انو الحظ معك ..
- عاطفيا .. انت عم تزيد حلا وثقة بنفسك وهالشي لازم ينعكس على قلبك وتستفيد من جاذبيتك للجنس الآخر لتحصل على الحب يلي انت بانتظارو ..

#العقرب

- الأمور رح تتغير لكن بحاجة لتفاؤل منك ولاتخاف من القادم لان فيه تحسن الك ..
- أنت أفضل على كل الأصعدة شهر بيحملك الكتير من الآمال بعد سنة متعبة ..
- حاول تبتعد الفترة القادمة عن اي شي ممكن انو يأثر على نفسيتك لأنك رح تكون بوضع ملائم وحظوظ عاطفية ومالية ممكنة ..
- عم تخرج من نفق مظلم عم تغير الأمور لصالحك كل شي عم يدعمك فلا تخاف بس بادر بخطوات جديدة وتركلي الماضي بقى ..
- تقدم الزهرة ببرجك عم يدعمك ويعطيك فرص مالية وعاطفية ..
- عاطفيا .. حاول تبحث عن استقرار الك و الحظوظ رح تدعمك حتى نهاية الشهر فانطلق بعواطفك ..

#القوس

- حالة من الركود على أغلب الاصعدة عم تأثر عليك وتتركك بحالة من عدم الرضا والتعب ..
- يمكن انت بحاجة للرعاية بحاجة لسند عنجد لشخص يقدر يساعدك لأنك وصلت لمراحل صعبة وتعبت صبر ..
- لاتخاف راح الكتير وماضل غير القليل ونهاية الشهر رح ترجع وضعك للأفضل وتحسن أمورك وانفراجة قادمة ..
- انت من اليوم بلشت تتحسن وتكون نظرة أفضل لحياتك وتطلع من وضعك الصعب ..
- عاطفيا .. لاتعمل شي وانتبه لعلاقاتك اذا كنت مرتبط اما اذا كنت اعذب فأفضل الك واصبر هي الفترة ..

#الجدي

- أنت أمام تحديات كتير والوضع بحاجة لهدوء ودراسة منك حاول قدر الامكان تفكر قبل ماتقرر ..
- الوضع العام ممكن انو يحملك مساعدة من صديق لكن لازم تعرف مين هالصديق يلي ممكن يلبيك ..
- الحياة عم تعطيك دروس بالصبر وأنت يمكن تعبت من سنة كان من المفترض تكون أفضل من هيك وكانت من الأسوأ ..
- تعامل بهدوء وخليك صلب متل مامنعرف وامورك من الثلاثاء افضل وفي شي جديد ..
- عاطفيا .. الظروف الحالة بدها طولة بال منك أول شي وتحمل الشريك لأن الضغوط النفسية مو بس عليك ..

#الدلو

- يمكن حياتك المهنية عم تنقلك رأسا على عقب هي الفترة وماعم تعرف شو عم يصير ..
- التغيير الحاصل مزعج بس مع الوقت رح يكون ايجابي نسبيا وماتستسلم للظروف الحالية ..
- حاول تصبر لأن عندك تحسن آخر هالشهر ومساعدة كبيرة من بعض الأصدقاء لحتى تحسن الوضع عندك ..
- بتمنى منك تشوف الجانب الايجابي وتمشي مع التغيير لان رح ياخدك لمكان انسب الك ..
- عاطفيا .. انت عم تحظى بجاذبية كبيرة من الجنس الآخر لكن بحاجة انو يتترجم هالشي بخطوات جدية ..

#الحوت

- شهر كان بيوعدك بأمور بتحبها يلي هية السفر والتغيير بحياتك والعلوم الجديدة وحتى التعامل مع ناس من غير بلدك ..
- لكن الاحداث يلي عم تصير هالشهر بتتطلب منك الانتباه وخاصة اثناء السفر او التنقل ..
- حياتك رح تشهد تغيبرات الفترة المقبلة لازم تكون جاهز لهاد الشي وتحاول تتأقلم معها بايجابية ونهاية شهر فيها تطور او تراجع بمجال المهنة حسب مجهودك انت ..
- خود الأمور ببساطة ورح تتحسن حالتك وفكر بأنك تنجح مهنيا وماتسمح للأخطاء ..
- عاطفيا .. بعدك بحيرة بخياراتك الكتيرة بالحب وماعم تعرف شو بدك انتظر الفترة القادمة وفيها تحسن لقلبك ..

أعجبني