❤ القمر مستمر بالقوس ♐

#الحمل

سفر وعلاقات جديدة .. انت امام يوم بترتاح فيه من الضغط وبتكتر عندك الاتصالات وفي احتمال سفر الظروف ملائمة لورشة شغل او عمل جديد اذا بدك .. عاطفيا .. عم تفكر باحبابك اليوم وفي اخبار حلوة جاية وانت عم تحل مشاكلك

#الثور

تحسن مالي وحلول . . افضل اليوم عم تبلش امورك تنحل خليك هادي ومتسامح وفي عندك فرصة لمكسب مادي وخليك واعي لتصرفاتك وانتبه من الناس يلي حوليك كمان .. عاطفيا .. انت بحاجة لحدا يفهمك ويكون حدك بهالفترة لان ماحدا عم يعرف يتعامل معك ..

#الجوزاء

شراكة وارتباط ممكن .. متوتر اليوم وعم تركز على امور الشراكة ممكن يكون عندك عقد او مشروع مشترك مع حدا لاتخلي المسؤوليات توترك انت بحاجة للتركيز والهدوء وعدم التسرع .. عاطفيا .. انتبه لمشاعر الشريك وخليك رايق ولاتعصب على اصغر الامور واذا عم تفكر بخطبة يوم مناسب ..

#السرطان

امور صحية وتراكم بالشغل عليك .. مرهق بس اهم شي اليوم لاتخلي الشغل يتراكم عليك وانت قادر تنجز الكتير نظم وقتك وارتاح ولاتفقد تركيزك وانتبه لصحتك ولاتهملها .. عاطفيا .. ممكن يساعدك الحبيب ويساهم براحتك هالفترة رغم انك عم تحس بالأهمال من ناحيتو ..

#الأسد

رومنسية وحظوظ ناطرتك .. استفيد من هاليوم ومن الفترات الحلوة كتير عم تفكر بانك تتقرب من ناس غاليين عندك لاتتردد ولطف الاجواء واستغل الحظ يلي بيدعمك وعزز وضعك .. عاطفيا .. امورك تمام عم تسحر بحضورك اليوم بس في قلق جواتك وضغط مخبى ..

#العذراء

قلق على الأهل والعيلة .. مسؤوليات وعيلة وبيت هيك انت اليوم خليك هادي وخاصة مع عيلتك تفهم الامور بعقل وحاول تحلها ولاتتسرع بالحكم ولا تعند وعندك تعاملات عقارية اذا بدك .. عاطفيا .. عم تحس بانو الحبيب بعيد عنك هاليوم ومدايق كتير من هالشي ..

#الميزان

حركة سفر وتواصل واقناع .. نشيط اليوم اتصالات وسفر يمكن عم تجتاز اختبارات صعبة وعندك سرعة بديها وقادر على انجاز الكتير من شغلك وتصل لأماكن متقدمة بعملك .. عاطفيا .. فرصة منيحة اذا حابب تقضي وقت حلو او تلاقي الاعجاب من حدا ..

#العقرب

امور مالية عم تشغلك .. يوم للمال مكاسب او خسارة انتبه لمصروفك واطلب مساعدة اذا احتجت اليوم وحاول تدفع بأمور الشغل عندك وممكن يجيك مبلغ مالي منيح .. عاطفيا .. انت محتار وعم تحس انك ماعم تلاقي الشخص المناسب و مو راضي عن شي انتظر الفرصة المناسبة ..

#القوس

طاقة وانفراج وحلول .. انت افضل وعم ترتاح اليوم بتكون مميز و عندك انفراج وابدأ بخطوات جديدة الحظ معك وبيدعمك وتغييرات مناسبة اذا بدك وعم ترجع ثقة الناس فيك وتكون بوضع جديد لتغير امورك للافضل .. عاطفيا .. بكفي تعب انت بحاجة لحب جديد حتى يغير حياتك ويعطيك العاطفة يلي انت بدك ياها ..

#الجدي

عدم راحة وتأجيل .. حاول تكون بعيد عن الاجواء المشحونة ومابعرف شو قلك عم تمر بفترة متعبة مافييها حظوظ حاول ترتاح وانتبهلي لصحتك ولا تفوت بمشاريع جديدة حتى ما تخسر وانتظر يمر هاليوم على خير ولاتحاول تحسم شي .. عاطفيا .. مدايق لان عم يستغل الشريك ظروفك الصعبة حتى يحسسك بالضعف والحاجة هالفترة وعم تعتب على كتير ناس حوليك ..

#الدلو

علاقات اجتماعية وصداقات .. انت قدام يوم اجتماعي عندك عم تلتقي رفقاتك وتشارك بفعاليات مهمة عم تهتم لحدا بيقربك وعم تحس براحة اليوم وعم يساعدك صديق عاطفيا .. فرصة مناسبة لترجع العلاقة لمسارها الطبيعي وتحس بالاهتمام من الشريك بس انتبه من المشاكل

#الحوت

تغيير بالعمل مهم .. انتبه لشغلك وكمان اليوم بدك تخففلي حساسيتك وتحافظ على سمعتك بالشغل وعلاقتك بالمسؤولين تصرف بهدوء وانجز شغلك بدون مشاكل ونرفزة .. عاطفيا .. الشريك تعب من مشاكلك مع انو لازم يكون حدك وهالشي عم يزعجك 

أعجبني