الابراج اليومية العامة - الاربعاء - 15-11-2017

❤ القمر في برج الميزان ♎

#الحمل

مابتعرف اليوم من وين بتجيك المشاكل مع الناس وبتكون مو قادر تتحمل حالك والعالم بتصير تستفزك بزيادة حاول تهدى ولا ترد على حدا حتى تتجنب المشاكل وعندك فرصة لاتمام شراكة اليوم .. عاطفيا .. لاتتخذ قرارات متسرعة مشان علاقتك وحاول تكون مساير حتى ماتخسر حدا ..

#الثور

عم تحس انك مرهق والشغل كتير عليك وماعم تلحق وهالشي عم يتركك بحالة من التعب لكن انت امام تطورات ايجابية اذا ما اهمل شغلت وكمان انتبهلي لصحتك .. عاطفيا .. لاتقلق مشان العلاقة لكن لازم تقدمو تنازلات انت والشريك حتى يكون في حلول ..

#الجوزاء

الأمور بالمجمل عم تحطك اليوم بالمكان المناسب عندك فرص وحظ واوقات حلوة ونجاح اذا بدك المهم استغل هيك يوم واستفيد من العروض المقدمة الك .. عاطفيا .. يوم رومنسي بامتياز فيك فيه تعزز علاقتك او تبدا حب جديد اذا اعذب ..

#السرطان

عم تشعر بمسؤوليات كبيرة عليك وانت مو قادر تحلها خاصة بما يخص بيتك وعائلتك لازم تهدى وتفكر بحلول لكن لا تزعل لأن مو ذنبك ولا تنفعل حتى ماتكبر القصص .. عاطفيا .. بتشعر بالاهمال ومو مرتاح حاول تلاقي شخص يريح قلبك مو يتعبو ..

#الأسد

يوم لتطلع من وضعك لتتحرك لتروح مشوار لتسافر لتتلقى اتصالات لتلتقي عالم ولتقنع برأيك هاد الشي كلو بايدك فلا تضل قاعد محلك وغير وضعك للافضل وانتبهلي من حوادث السيارات .. عاطفيا .. فترة ايجابية عم تمر فيها فيك اليوم تطلع مشوار مع الشريك وتعزز العلاقة ..

#العذراء

عم تفكر اليوم بموارد مالية جديدة او كيف بدك تحسن شغلك ويكون في مردود افضل او انو تبدا شغل جديد وانتبهلي لمصروقك لان ماعم تحسب شو ضل معك .. عاطفيا .. انت قدام نجاح عاطفي اذا قررت تستقر فكون جاهز واختار صح ..

#الميزان

امور كتير عم تتغير من اليوم عم تشعر بالطاقة وممكن تسمع خبر حلو عم تطلع من حالة الركود ويكون في شي الك ممكن سفر او شي جديد فخليك مستعد .. عاطفيا .. انت افضل وروحك افضل وقلبك افضل فلا تنطر الماضي ..

#العقرب

ملل وتعصيب وعدم راحة وحاسس انو الدنيا مسكرة طبعا انت هيك رح تكون لكن الأمور مو بهالسوء ورح تفرج عليك بس مرقلي هاليوم واطمن كل شي رح يكون منيح .. عاطفيا .. لازم تعيش بعيد عن طريقتك بالحب وممكن حب مفاجئ يجيك الفترة القادمة ..

#القوس

يوم اجتماعي عم تلعب فيه دور الصديق المقرب من الكل عم تتلقى مساعدة اذا بدك وعم تنعزم وهالشي بخليك بحال افضل ووضعك مريح نسبيا ضمن الضغوط العامة فاستغل هاليوم لكن بنفس الوقت بصير مشكلة مع رفيق الك .. عاطفيا .. لازم تفكر اكتر بعلاقاتك وتحاول تركز على شريك واحد حتى لو قلبك كبير بس عم ينأذى ..

#الجدي

حالة من التوتر عم تسيطر عليك حاول تبقى بعيد عن الانفعال وانتبه بمجال عملك حتى ماحدا ينتقدك وحاول تنجز شي وتكون دقيق بشغلك وانتبه من الناس يلي معك .. عاطفيا .. انت بحالة عاطفية مميزة لكن في شوية تعصيب انتبه من هالشي وروق ..

#الدلو

من الأيام الحلوة يلي بتحملك سفر واتصالات مع ناس غرباء عنك اول مرة بتحكين والاوضاع بتاخدك لبداية شي جديد بحياتك وبتفكر اكتر بناحية العلم والفلسفة .. عاطفيا .. يوم ايجابي حاول تفكر انك تحل مشاكل العلاقة واذا كنت اعذب فرصة لحب جديد ..

#الحوت

انت بحال افضل عم تطلع من ايام سيطر عليك فيها الضغط والتوتر حاول اليوم تحلص من القضايا العالقة عندك وحلها ورتب امورك المالية خصوصا بما يخص الشراكة عندك .. عاطفيا .. ابتعد عن الزعل ولا تفكر بالماضي الوضع رح يتحسن عندك قريبا ..

أعجبني