#ســتايل_الأبــراج🍀 #تنسيق_ألوان_ #تياب_مكياج_عطر_وكلشي👇

#بشكل عامّ راح اشرح ستايل كل برج طبعا" وقت يكون عندو مشوار مهمّ وحتى ان كان طالع من البيت يعني لو بقرّب شوي عالواقع ☺🍀👇

#الحمــل

 مجهّز كلشي من المسا يعني محدد شو راح يلبس عالدوام أو المشوار ..أهمّ شي الجزدان هي للصبايا يكون مرتب وماركه ومناسب التياب ..والشباب بيعلّقو ع كم قطعه وحذاء ولوكانت الخزانه مليانه ــ خلص بيعبدو القطعه ــ الحمل ستايلو فخم وبيحبو كتير الأناقه ومشتقات البيج والعسلي والكموني والأبيض ..وبينوعو كتير بستايلون بيحبو يجربو كلشي وخاصّه الموضه والصرعات والجينزات واكسسوار مميز ناعم ــ أظافر البنت الحمل ع آخر طرز

#الــثــور

يعني أهمّ شي يرتاح بالتياب والأحذيه ..ماكتير بيغيّر شكل بتحفظلو تيابو كلن والصبح بيلبس بسرعه ..مافي داعي يحتار قبل ويفكر شو راح يلبس.. الثور ستايلو غريب مثلا" موشرط الألوان نفسها ..أو متناسقه ..بيعتمد نفس الخط والستايل ..شي ممكن بسيط مريح ومميز ماكتير بيلبسوه الناس ..بيلبسو السبور اكتر من الرسمي ..والصبايا ماكتير بيبالغو بالمكياج ..ناعم وبسيط ومابيحبو الصرعات كتير ..وماكتير بيبخبخو عطور ..عادي رشتين ..

#الــجوزاء

بيحبّ الأناقه وعندو ثقه كبيره بالنفس لوكان لابس خيشه ..بس يكونو ملتزمين بدوام مثلا" أو بمشوار اكيد راح يصحصحو بكير مشان يتهندسو ويترستقو .. الجوزاء بيحب الستايل الفرايحي يعني الألوان الحلوه والأحذيه الموضه وموشرط كمان يرتب بالألوان مهمّ بنظرو ماحدا لابس متلو.. كتير بيحب اللون الابيض والازرق والتركواز وكمان بيحب لبس الساعه والنضاره ..وكتير بيحبو العطورات والروائح الطيبه ..مابيقطع حالو من العطور وبيهتمو باليدين جدا"

#الــسرطان

يعني كتير بيعرف يقلّد ستايل الفنانين والناس اللي بيعجبوه..مابيحب اللبس الرسمي أو يلي بيعطي عمر.. بيحب يلبس كلشي دارج وخاصّه جينزات وبيشوف كلشي جديد لازم يشتريه ويجربو .. السرطان بيميل للبس يلي كتير فاشن ودارج وبيعتبر حالو اكتر حدا أنيق ..مارح ياخود رأي حدا بتيابو بس هو بيقدر يقيّم غيرو ..بيحب اللون الأسود والفضي والجينز ..الصبايا ماكتير بيعنيلون المكياج قد التياب ..والاكسسوار مافي داعي يشتروه لابأس يستعيروه من الاصدقاء المقربين

#الأســد

سيّد الأناقه بكلّ الفصول.. بيعرف يختار القطعه المرتبه والحلوه والأنيقه ..الأسد بيعرف كتير شودارج وبيختار كزا ستايل بالرسمي بيختار الشي الشيك واللي بيناسب عمرو ..وبالجينزات بيحب الصرعه والمخزق ماكتير بيهتمّ بالجزادين بس الأحذيه جدا" مهمّه وبتكمّل أناقتو ..بيحب الاكسسوار جدا" وبيدقع ليشتري اكسسوارات واضافر وساعات مهمّ تكون خزانتو مكدسه.. ومابيبخل عحدا إنو يعير رفقاتو شي من عندو..وكتير اصدقاء بيتكلو عليه بالستايل لإلهم ..يعني خدو رأي الأسد باللبس وبالشكل دغري بيقيمك بنظره ..والأسد بيحب العطور بس باعتدال يعني بيختار ريحه مميزه وناعمه… وبيعشقو الألوان بالملابس وبشكل عام عندو كل الألوان وخاصّه الأبيض والسماوي والأسود

#العــذراء

هون حدا بيضيّع مصاري ع تيابو بس ماكتير بيختار شي معقد بيحب البساطه اكتر.. بيحب اللون البني والبيج وكلشي ترابي بتلاقيهم بخزانتو.. العذراء حدا أنيق بس مابيصدمك بإطلالتو ..جدا" بيكون مرتب وبسيط وألوانه متناسقه ..وأهم شي النضاره والساعه ..بيغيّر لوك كل فتره ..وبيرجع لشي قديم.. ماكتير بيحب الاكسسوار بس بيعشق المجوهرات والذهب.. بيلبس الشي الذهبي ان مافيه يشتريه يعني خاصّه المرأه العذراء راح تشتري دهب روسي لتبين إنها مشبشله دهب .. بيحبو العطور المركزه والتقيله ..ودائما" بينتبهو ع مظهر الآخرين وبيدققو على اللباس ان كان مكوي ونضيف ومتناسق

#الميــزان

الميزان والسبور قصة عشق ..حدا كتير بيحب اللبس الغالي والمريح والسبور.. يعني لشوي بيلبسو بوط بالعرس ..هالمولود جدا" بيهتمّ بالأحذيه ..بيكره الرجل الميزان الكرافات كتير ..بس بيحب بجامه غاليه ومعاها بوط أجنبي أصلي وساعه أنيقه.. والمرأه الميزان بتهتمّ بمظهرها وخاصّه الشعر السابل والمصبوغ وكمان الأحذيه المريحه كتير والناعمه ..مابتحب كتير الاكسسوار عادي بتلبسها بالمناسبات ..بس دائما" العطور مكدسه عالمرايه ..وبيعانو من جفاف البشره لأنهم خلقانين بالخريف لهيك بيضل معهم مرطب ..الميزان ذكي بتقييم اللباس للآخرين بس بيختار لإلو بشكل احسن مايختار لغيرو. يعني لاتتكلو عليه وتاخدو رأيو ..الميزان بيحب اللبس الغالي بيدفع لأناقتو مارح يبخل ع حالو ..

#العقــرب

بيعشق الألوان متل الخمري والعنابي والأحمر والأسود ..اكتر رجل انيق هو العقرب بيعرف يختار لبس غريب لوماكان غالي ..وبيهتمّ بالكماليات متل ساعه عطر خاتم فضي وموبايل فخم.. يعني المرأه مومتل الرجل مابتعرف كتير تنسق الالوان ويمكن تشتري شي وتندم إنو ياربي أنا اشتريتها؟ بس إطلالة العقرب حلوه وواثقه لهيك التياب هو يلي بيحليها وشخصيتو بتنعكس ع برا… العقرب بيحب كلشي غريب ومتجدد وكتير بيفهم بالموضه بشكل كبير وبيعرف شودارج وشو الموضه لقدام يعني سباق بهالمجال وبيدقق كتير.. اصلن يمكن يعرف شومنزل إيلي صعب وعقل فقيه ــ مع هيك يمكن يعيد لبس القطعه كتير وأوقات الألوان قوس قزح بس ماعلينا.. مهم ضحكتو وجاذبيتو بتغطي عالتياب والعطر مابيهدي عندو بيتحمم بالعطر والمرأه ماكتير بتحب الاكسسوار ــ بس بتتمنى تعمل منيكور هي لحالا مابتعرف بس رائعه بوضع الميكاب

#الــقوس

اللوك للقوس حسب مزاجو ..يمكن يكون مزعوج ..هون راح نشوف هستره مافي شي متناسق مع شي ..أوقات بيكون الرجل القوس انيق ومرتب من الحذاء للساعه للجينز ماكتير بيحب اللباس الرسمي ..واوقات بتلاقيه اشعث بدقن وهامل حالو.. بس بالمناسبات كتير شيك ودائما" بيلبس الجينز مع القميص والكرافات… والمرأه بتحب اللبس اللقطات المهمّ السعر يعني بيصير حلو ان كان رخيص… بتنوع بالألوان كتير ويمكن تلبس عشر ألوان سوا ..وماكتير بتحب الاكسسوار بس عالمناسبات. بس بتحب الأحذيه المرصعه حتى يمكن تلبس بوط مرصع ومشكوك ..المرأه القوس بتحب اللباس العملي وبتهتمّ بالبجامات ومابتعرف تلبس كعب عالي .. العطور بتنتقي دائما" شي جديد لتلاقي الريحه اللي بتستقر عليها ..اضافرها مرتبه بالطلعات وبتعرف تقيس الناس من الاسفل للأعلى وبتقيّم شخصيّتهم ع أساس الظاهر واللباس الفخم وبتعترف بجمال غيرها مومتزمته بهالخصوص ..

#الــجدي

ملك التسوّق والجلديات من جزادين متنوعه لأحذيه كتيره… حدا بيحب الشراء وبيصرف على أناقتو ..المرأه اكتر المواليد بالأبراج اهتمام بالمظهر وخاصّه وقت تظهر للناس بتحب تكون مميزه ويسألوها منين تيابك منين جزدانك وسكربينتك ــ واثقه كتير بحالا وقت تطلع وتعرف إنها لابسه حلو ..راح ترفع راسها وتمشي بغرور ..بتحب الألوان الترابيه والأحمر الغامق والأصفر يلي بيميل للكموني.. بتختار الأحذيه المتنوعه سبور وشيك وكعب وبالورين والجزمه بالشتويه اهمّ شي.. الرجل الجدي بيختار لوك صيفي ولوك شتوي بيضلّ عليهم..مهم نضاف ومرتبين ..مابيحب الساعه ولاالعطر غير بالمناسبات.. بس المرأه الجدي بتعشق العطر المركز والتقيل والعتيق… ويمكن ترش شي رجالي مومستبعد.. الاضافر نضيفه موطويله ..ميكاب بسيط مهم الحمره الواضحه… الجدي أنيقين ..

#الــدلــو

بيحتاج الدلو لحدا يساعدو باختيار ملابسه وأحذيته…بشكل عام بيحب يعيش عمرو وبيختار اللوك تبعو عهاد الأساس ..بس دائما" الرجل الدلو بيتكل ع انثى ان كانت حبيبته او زوجته أو صديقته باختيار ملابسه خاصّه.. يمكن ينسى يلبس جرابو أو يلبس تياب مومتناسقه ..ولوكانت غاليه راح يخفف من قيمتها ان كانت غير متناسقه… بيحب الدلو يدقق عالقماش المصنوع وبيحب الجينز بيرتاح فيه هو والكتان ..المرأه الدلو بتلبس وبتبدل تياب كتير بس دغري بيعتقو تيابها ..يمكن وقت ترجع تعبانه من الدوام بتنام فيهم أو بتزتن بالخزانه فوق بعض… جواكيت المرأه الدلو مميزين وكمان الأحذيه السبور ..ماكتير هالأنثى بتكدس ع مرايتها غراض تجميل بيكفي قلم حمره وكحل ومسكره ومافي داعي للمناكير بس بالمناسبات ..بتحب عطر معين وبتخبي العلبه لتضلّ اطول وقت… الدلو المميّز

#الــحــوت

دائما" شولابس الحوت هو كتير غالي كتير ومن محافظه تانيه ..هاد ع حكيو طبعا" ــ بيميلو هالمواليد دائما" للأناقه الشديده والمظهر الملفت ومابيطلعو غير بكامل الأناقه .. بيهتمّ الرجل الحوت بستايلو وخاصّه اللبس الشتوي الفخم من الكنزات للبجامه وبيحب اللوك الرسمي والغريب .. بيلبس ساعه عطول وبيحط العطر الغالي .. المرأه الحوت بتلبس شي ماحدا لبسو وماكتير بتركز عالجينزات ..بتدور ع شي جديد وملفت متل أفرول وفرو وجزدان واحد عادي ماكتير بتفرق مهمّ التياب والحذاء والأظافر والعطر والنضاره والشعر ..بس دائما" بتساوي موديل شعر واحد وبتحب اللون الأسود بالصبغات ..وماحدا بيسترجي يقرب غراضها وتيابها ولامكياجاتها ..بشكل عام هي مرأه كتير صاحبة إطلاله جذابه وملفته ..

أعجبني