الابراج اليومية العامة - الثلاثاء - 31-10-2017

القمر مكمل بالحوت ♓

#الحمل

حاول تروق لأنو انت ابدا مو مرتاح فوضى تأخير تأجيل تعب هي حالتك اليوم لاتخاف رح تمر انتبه من الخسائر و حافظ على الامل واصبر انتبهلي لصحتك وارتاح كمان ولاتكون مزاجي وكون بعيد عن الاستفزاز ومرقلي اليوم .. عاطفيا ..ممكن خيبة امل جديدة عم تمر فيها وقلق من القادم لاتحكم بسرعة وانتظر بس هاليوم ..

#الثور

مشرق عم تذدهر اليوم حياتك الاجتماعية اطلع ولاتضل لوحدك شوف رفقاتك وقضي اوقات حلوة تفاعل مع الناس ورح تحصل على يوم مميز اجتماعيا لكن لاتتصرف بتسرع .. عاطفيا .. فرصة لتكون مع الحبيب اليوم وتجاوز المشاكل يلي عم تخرب العلاقة ..

#الجوزاء

يوم فيه أمل بالرغم من الضغط يلي انت فيه اثبت حالك بالشغل واستغل الفرص لاتقلق وخليك دبلماسي وممكن تبلش شغل جديد وممكن تتعرض لنقد انتبه . عاطفيا .. كون بعيد عن القرارات الحاسمة بعلاقتك ولاتعطي كل ثقتك اذا ماكنت واثق من حبك .

#السرطان

أخبار حلوة وتحسن كبير ويوم منيح يمكن تطلع مشوار او تشوف حدا غالي على قلبك ممكن تكتر اللقاءات عندك وتلاقي الكل معك وفرصة للتعامل مع ناس غرباء وسفر واتصالات .. عاطفيا .. من الأيام الداعمة ويلي بتلاقي حالك فيها عم ترجع شي من الرومنسية مع الشريك ..

#الأسد

عندك اليوم مشكلة مالية وانتبه لصحة حدا بيقربك و لطف الأجواء و حسن علاقاتك ودير بالك على مصروفك وممكن تحل امور قضائية او تصالح او حتى تشفى من مرض .. عاطفيا .. المشاكل ماعم تخلص بينك وبين الحبيب حاول تحلها بهاليوم وقرب وجهات النظر

#العذراء

توتر كبير وللاسف عم تحس بالظلم تعبان يمكن اليوم لاتحاول تنفعل واهدى توترك ممكن يسببلك المواجهات مع محيطك ابتعد عن الأجواء المشحونة قدر الامكان لأن بتحس الكل ضدك . عاطفيا .. لاتكون عنيد دايما وخليك دبلماسي العلاقة بدها اخد وعطى ومو مرتاح و عم تنفعل من أقل كلمة

#الميزان

شغل كتير وتعب لاتخليه يتراكم واستعمل قدراتك واستعين بحدا ودير بالك على صحتك اليوم ومشغول كتير بس انت قدها اذا بكرت لشغلك وتصرفت بتنظيم .. عاطفيا .. طريقتك وحساسيتك هالايام عم تزيد العلاقة توتر وسوء حاول تساير شوي لتنحل .

#العقرب

عندك يوم ايجابي في نجاح لإلك في اخبار حلوة وانت نشيط وقادر على اتمام امورك بافضل حال لاتتسرع وخود وقتك لتحصل على افضل النتائج يلي بدك ياها ... عاطفيا .. حب ورومنسية عم يعطوك اوقات كتير حلوة انت بحاجتها لتعزز علاقتك ..

 #القوس

امور ومسؤوليات العيلة تاعبتك حاول لاتستفز افراد عيلتك وحافظ على هدوئك وانتبه من التعصيب ولصحتك كمان وممكن احد افراد عيلتك بحاجة لمساعدة خليك متعاون عاطفيا .. أنت لازم تخفف من انفعالاتك قدام الحبيب عم ينزعج من هالشي و انتظر تحسن عاطفي .

#الجدي

يوم حلو للدراسة والسفر والمشاوير انتبه عالطرقات من الحوادث واستغل الحظ لصالحك وادفع بمصالحك خاصة بمجال الاتصالات والانترنت عندك القدرة تغير بش انتبه يتجاوزك الوقت .. عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..

#الدلو

يوم للشغل والمال لكن انتبه لمصروفك ومن التحايل واستغل اليوم لتكسب مصاري اذا بدك ناقش مشاريعك بحكمة وذكى لتصل لهدفك وحاول تكون أسرع بشغلك وعادي اذا حدا ساعدك ولاتتردد بطلب هالشي .. عاطفيا .. انت محتار بالعلاقة حاول تحدد موقفك وتبحث عن ثوابت واستقرار ..

#الحوت

انفراج عندك بعد ايام صعبة اليوم قادر تنجح وتسمع اخبار حلوة ومفاجآت والامور رح تنحل متل مابدك تفائل وبادر لان الحظ عم يدعمك بقوة وعم تكون قادر تحل مشاكلك وخاصة العائلية والمهنية وخليك متفائل .. عاطفيا .. خبر حلو ولقاء مميز وتحسن بالمعنويات اليوم فلا تخاف وكون واثق من حبك ..

أعجبني