الابراج اليومية العامة - الاثنين - 30-10-2017

❤ القمر بينتقل للحوت ♓

#الحمل

مو مرتاح وعم تفوت بيوم متعب وقليل الحظ بدي ياك تنتبه لصحتك وتشتغل الضروري بشغلك لاتعمل اي شي ولاتحاول حسم موضوع هاليوم تأخير وتأجيل متوقع لكن بمر .. عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ

#الثور

فترة حلوة ومثمرة بما يخص الاصدقاء بس انتبه من مشكلة عندك لقاءات مع رفقاتك انت عندك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك .. عاطفيا .. عندك شي رح يفرحك اليوم واعجاب من صديق ممكن ..

#الجوزاء

يوم مهني مهم بس بتهدى وتيرتك كون منتبه وحافظلي على سمعتك وعلاقاتك وانتبه من الحكي المخفي وكون صاحي لاي شي يوم ماشي حالو بس بدك تكون رايق وصاحي ودقيق لأن في ناس بدها توقعك .. عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..

#السرطان

ايجابي هاليوم بتحس عندك طاقة زايدة وقوة بتكتر اتصالاتك وبيتحسن وضعك ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك .. عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..

#الأسد

استغل هاليوم انت ذكي وعم تهتم بامورك المالية وشغلك وعندك فرصة لربح او مكسب بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان لاتكون كتير المصروف حتى ما تفلس .. عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..

#العذراء

بعدك تعبان وضغط كتير عليك وعم تفكر بامور الشراكة فيك تتم شراكة بس لاتفقد هدوئك لان توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان .. عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك ..

#الميزان

عم تحس بالتعب ويتراكم الشغل عليك مشان هيك نظملي وقتك ولاتهمل شغلك وانتبه لصحتك انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك .. عاطفيا .. عم تنصدم باشخاص كانو كل حياتك وصارو انانيين ماهمن غير حالن ..

#العقرب

افضل عم تكون عم تتحسن امورك عم تشعر بشوية راحة وتلاقي انو بدك تعمل شي بادر الحظ بيدعمك اليوم واستغل الوقت والفرص المتاحة لتحصل على نتائج بترضيك عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..

#القوس

انت مو كتير مرتاخ يمكن اهتماماتك بيتية عائلية وعندك ضغط وتعب كون قد المسؤولية ويمكن عم تصلح او تشتغل شي ببيتك ساعد اهل بيتك وتحمل المسؤولية ولا تكون منفعل .. عاطفيا .. لاتنفعل و استغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..

#الجدي

نشاط عندك ويوم حلو للحركة عندك فرص حلوة للسفر وعم تكتر اتصالاتك ممكن يكون في مواعيد مهمة استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك .. عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو لكن حلو المشاكل بهدوء

#الدلو

يوم بطيء بتهدى اليوم وعم تفكر اكتر بامور المصاري وعندك مكسب او ربح اليوم خليك منتبه ولا تزيد مصروفك وتعامل بحذر بشغلك وحاول تعمل شي مميز وناجح وبيحملك اليوم ممكن شغل جديد . عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي

#الحوت

انت افضل بكتير ورح تحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك افتح صفحة جديدة وبادر واذا بدك افتح مشروع جديد الحظ عم يدعمك ومعك عاطفيا .. رح تكون مسيطر وقادر انو تصل لقلب الشريك ورومنسية رح تفرحك بالاجواء .

أعجبني