#الحمل
حالة من الضغوط عم تعاني منها وحاسس انو كل شي مسكر بوجهك يوم صعب عم تواجه فيه كتير من المشاكل حاول تنتبه من انفعالك وتصبر حتى يمر وتتحسن الامور قريبا ..
عاطفيا .. لاترد على الناس وخليك بعيد بعلاقتك عن المشاكل يلي ممكن تصير ..

#الثور
بتنعزم اليوم وبكون في دعم كبير من الاصدقاء الك ليساعدوك بشغلك وهالشي بخليك بوضع افضل حاول تستغل هالشي ولاتهمل الامور الضرورية ..
عاطفيا .. انت محل اعجاب كتار والرومنسية عم تزيد لكن انتبه من مشاكل مفاجئة ..

#الجوزاء
خليك ايجابي وخاصة بالشغل بتتعرض ممكن للانتقاد لكن انت قادر تقلب الأمور لصالحك وتنجح وتفوز بفرصة لتطور شغلك وتكون بمكان افضل ..
عاطفيا .. لاتعتب على الناس وحاول تفكر كيف تريح قلبك ومخك وتطلع بنتيجة بحبك ..

#السرطان
يوم منيح بيحملك تحسن بعد ايام صعبة وعم ترجع بقوة وفرصة سفر ممكن او تتعرف على ناس جديدة وتغير بوضعك ممكن حتى تبدا بقصة جديدة تغير فيها وضعك ..
عاطفيا .. يوم عاطفي بساعدك لتتقرب من الشريك ولتفرح باوقات حلوة معو وحب جديد للأعذب ..

#الأسد
تعرضت لكتير من المشاكل الفترة الأخيرة واثرت عليك وعلى نفسيتك بس هاليوم لتطلع من هالحالة لتناقش امور مالية وتطلع بحلول مرضية الك بمشاكلك ..
عاطفيا .. حاول تصالح اليوم وبعرف صعبة عليك وانك ما بتتنازل بس الامور رح تنحل لاتخاف ..

#العذراء
كل شي اليوم عم يزعجك من أقل كلمة او تصرف وهالشي طبيعي لكن حاول توجه طاقتك باتجاه الشراكات الجديدة يلي ممكن تفيدك وتدعمك ..
عاطفيا .. اذا عم تفكر ترتبط فهو يوم ايجابي وممكن واذا مرتبط فانتبهلي لعلاقتك وبلا عصبية ..

#الميزان
يوم عم يحملك شغل كتير وماعم تلحق وهالشي بخليك تحس حالك تعبان وممكن يأثر على صحتك حتى فانتبه ورتب امورك بحيث تخلص الضروري وتنتبه لصحتك ..
عاطفيا .. الامور ايجابية رغم كل شي انت مدعوم بالشمس وعم يزيد جمالك ..

#العقرب
يوم مميز بيحملك حظوظ واوقات ممتعة اذا عرفت تستغلو طبعا الضغوط عليك كبيرة بعرف وهالشي ماعم يريحك لكن يوم ايجابي داعم وفيه فرص وحلول فاستغل هالشي ..
عاطفيا .. يوم بيحملك العاطفة يلي انت بحاجتها لتحسن قلبك ..

#القوس
بهاليوم بدي منك تفكر اكتر شي وتدعم بيتك وعيلتك يمكن هنن بحاجتك وهالشي بدو حكمة وصبر حتى ما تزيد المشاكل وكل شي رح يكون منيح ..
عاطفيا .. لاتترك المشاكل البيتية تأثر على حبك وحاول تخفف انفعالك ..

#الجدي
لازم اليوم تتحرك لتحسن وضعك وشغلك وتنجح لان يوم بيحملك النجاح التواصل الاقناع فلا تتوقف وفكر بكيف تصل وممكن تسافر وتتلقى اتصالات مع ناس مهمة ..
عاطفيا .. لاتخاف على حبك بس خليك واثق من نجاحك وبالآخر الكل رح يرجعلك ..

#الدلو
انت عم تعيد حساباتك مصاريف زايدة وانت ماعم تنتبه حتى وضعك المال عم يتحسن وعم تدور على موارد جديدة يمكن فيوم بالمجمل مالي ..
عاطفيا .. لاتنسى واجباتك تجاه الشريك حتى لو هو كان مهمل فلازم تبدادر احيانا ..

#الحوت
عم تعيش يوم ايجابي بعد خيبات كبيرة حصلت معد عم تغير تفكيرك وتعرف الناس على حقيقتها لكن انت قدام بدايات جديدة ورح تطلع من هالحالة وتنجح وتثبت حالك عن جديد ..
عاطفيا .. لاتسمح لحدا يستغل طيبتك بكفيك وجع صار لازم تكون حازم شوي ..