#أحلى_شي_بالحمل

ملك الطيبة .. قلبو ولا أطيب .. بساعد بدون مقابل .. رغم كل الطيش يلي عندو بس مابيقصد يأذي حدا ما بيأذيه .. كريم وسخي ومافي شي عندو غالي على رفقاتو ..

#أحلى_شي_بالثور

ملك الذوق .. رايق وهادي وعشرتو ولا أحلى .. بيعرف كيف يعيش ويمتع حالو .. الطيبة يلي بملامحو بتخليك تحبو ..

#أحلى_شي_بالجوزاء

ملك النكتة .. بخليك تطلع من جو الكآبة بقعدتك معو .. بيعرف يتعامل معك وبيفهمك عالطاير .. رفقتو حلوة ومابتمل منو ..

#حلى_شي_بالسرطان

ملك الحنية .. انسان بكل معنى الكلمة .. قادر يصل لقلبك بسهولة بالمشاعر يلي عندو .. سريع البديهة وبحس فيك وبشيل همك ..

#احلى_شي_بالأسد

ملك الكرم .. اذا حبك عطاك كل شي .. قوي وشخصيتو بتعطينا القوة .. مابينكسر وبعلمنا الصبر .. المحبة عندو شي اساسي وبتحس بالحنية تحت هالشخصية الفولاذية ..

#أحلى_شي_بالعذراء

ملك الدقة .. مابتفوتو كبيرة ولا صغيرة .. انسان رائع بساعد الكل .. بحب يقدم النصيحة دايما .. ووقت يصعب عليك شي بتلاقي الحل عندو ..

#أحلى_شي_بالميزان

ملك الفن .. أي فنان بكل شي بيعملو .. بتلاقي بلمستو ذوق وحس عالي ودايما مميز شغلو .. هو صديق الكل والشخص الموقوق دائما ..

#أحلى_شي_بالعقرب

ملك الجاذبية .. العقرب مغناطيس متنقل وخاصة للجنس الآخر .. بيتمتع بطيبة كبيرة للناس يلي بحبن .. ذكي ومحل للثقة وبامكانك الاعتماد عليه ..

#أحلى_شي_بالقوس

ملك التفاؤل .. هو الشخص يلي مابتفارقو الضحكة .. الانسان النبيل يلي دايما بفكر كيف يفرح الناس .. صحبتو حلوة رغم أنو عندو قصص مجنونة ..

#أحلى_شي_بالجدي

ملك النجاح .. الجدي بيعرف يشق طريقو ويصل للي بدو ياه .. عندو قدرة صبر رهيبة .. كريم ودايما بياخد على عاتقو الاشيا الصعبة .. مابيستسلم ولا بيتنازل عن نجاحو .

#أحلى_شي_بالدلو

ملك التجديد .. بكل شي قادر الدلو يغير لو كان هالشي غريب ومجنون .. هروب الدلو من الملل بخليه يخترع عالم جديد علم مميز ورائع .. الدلو بحب فعل الخير للكل ..

#حلى_شي_بالحوت

ملك الرومنسية .. مشاعر الحوت والمحبة يلي جواتو مابتنتهي .. بيعطي الحب والأحاسيس الدافية وبيتأثر من أقل المواقف .. كيف مابدنا نحب شخص بيعطينا قبل مايعطي حالو ..

أعجبني