#الحمل
بتبدأ نهارك بشغل كتير وتراكم وممكن تحس بالارهاق وانو صحتك مو منيحة انتبه لأكلك وغذائك ونظم وقتك متل مامنعرفك ولا تتعاطى مع الناس ..
عاطفيا .. حاول تكون رومنسي شوي مع الشريك رغم التعب يلي انت فيه لان هو بحاجة هالشي ورغم انك عم تحسو ماعم يفهم عليك ..

#الثور
ضغط كبير مريت فيه وماعم ترتاح بس عندك يوم مميز بيحملك حلول وفرص وجظ لتحل مشاكل لاتخاف في عندك شي ايجابي بهاليوم ..
عاطفيا .. تعامل مع الحبيب بكل الرومنسية اليوم لأن رح تعيش اوقات حلوة معو ..

#الجوزاء
انت ماعم تعرف شو بدك ووضعك بحاجة لحل خاصة بامور البيت والعيلة عم تكون عصبي حاول تفهم الامور وانتبه من انفعالك قدر الامكان ..
عاطفيا .. عندك رغبة بالارتباط بس انت بحاجة لوقت حتى تستقر علاقتك وتفهم الشريك اكتر ..

#السرطان
يوم بتتواصل فيه مع الناس بسهولة بتزيد حركتك ممكن تسافر وتتلقى اتصالات كتير وتكون مقنع بحديثك وتطور شغلك للأفضل ..
عاطفيا .. لاتتسرع بالحكم على الشريك وكون متفهم حتى تستمر العلاقة ..

#الأسد
تعاملك اليوم بالمصاري عم تصرف وتدفع وتقبض ممكن حاول تنتبه لامور شغلك وخاصة انو ممكن تبلش شغل جديد وبحاجة انتباه ..
عاطفيا .. ماعك تعرف كيف تتصرف مع الشريك وبدك طريقة لحل المشاكل حتى لو صغيرة ..

#العذراء
بعد التعب يلي مريت فيه من هاليوم رح تطلع من هي الحالة و رح تلاقي حالك افضل بكتير والحلول رح تجي لحالها حاول تفكر بالمستقبل وانسى يلي صار ..
عاطفيا .. الاجواء السلبية يلي مرت فيها العلاقة ممكن تتحسن هاليوم بشرط ماتكون نهيت كل شي وبامكانك تفتح صفحة جديدة .

#الميزان
بدي منك ترتاح اليوم وماتحاول تحسم شي لأن الأمور مسكرة بوجهك والمشاكل ماعم تتركك فترة وبتمر حاول تنتبه من كل يلي حوليك ولاتتعاطى مع حدا ..
عاطفيا .. ماتسمح لشخص يخليك تزعل او تعصب الحياة مابتوقف عند حدا ..

#العقرب
بتحصل على مساعدة من صديق لحل مشكلة بالشغل وبتكون اجتماعي قادر على التقدم بعملك يوم مميز بيحملك حلول واوقات مميزة مع رفقاتك ..
عاطفيا .. هدي الأجواء مع الشريك وحاول تعزز العلاقة يوم رومنسي وانت ملفت وحليان ..

#القوس
لاتهمل شي اليوم خصوصا بامور الشغل يلي ممكن تشهد تغيير وانتبه لسمعتك من حديث الناس يلي معك ولاتترك فرصة لحدا يحط عليك شي ..
عاطفيا .. لازم تبني حبك على اساس ثابت فلا تفوت بعلاقة مبينة مو واصحة ..

#الجدي
فرصة اليوم للسفر وعم تفكر تبدا مشروع جديد او عندك فكرة وبدك تدرس موضوع معين وعم تتلقى اتصالات من اماكن بعيدة والحظ عم يكون معك ..
عاطفيا .. استغل هيك يوم لتحصل على اوقات رومنسية وتكون بحال افضل بعلاقتك ..

#الدلو
يوم اريح من الايام الماضية عم تناقش امور مالية وعم تحل مشكلة ممكن قضائية او استشفائية وعم ترتاح من موضوع شغل بالك ..
عاطفيا .. لاتعطي اهمية للمشاكل الصغيرة ولاتكبرها وخلي دايما في خط للرجعة ..

#الحوت
بتتوتر كتير اليوم وبتحس بالعصبية من اقل الأمور انتبه من المشاكل يلي ممكن يسببها الناس الك اذا استفزيتن وكون بعيد عنها وفكر بتعزيز شراكة بدون مشاكل ..
عاطفيا .. لازم تكون هادي قدر الامكان لان الوضع صار لا يحتمل الشريك ماعم يقدر ابدا ..