#الحمل
حضورك مميز اليوم قادر تكون مقنع وتحصل على نتائج مميزة بعملك لاتوقف واستغل الوقت يلي عم يمنحك طاقة وقدرة على الوصول لهدفك ..
عاطفيا .. حاول تستقر بعواطفك على شخص معين وفكر بشكل جدي بعلاقتك ..

#الثور
انت بيوم متعب عم تحس حالك متوتر مو على بعضك في أشيا بالبيت ماعم تريحك وماعم تحصل على الاستقرار يلي بدك ياه ..
عاطفيا .. لا تفكر بالماضي كتير وحاول تطلع من القلق يلي عم تعيشو وتفائل ..

#الجوزاء
عم تحس بنشاط كبير عم تتواصل مع العالم بطريقة مبهرة قادر توصل رايك من الأيام المهم استغلها وتقدم فيها بعملك وقدرة على الاقناع ..
عاطفيا .. حاول تبتعد عن التردد شوي وارتاح من التفكير لتعيش اوقات رومنسية اذا بدك ..

#السرطان
لاتسجن حالك بوسواس التعب واطلع من الأجواء السلبية حاول تضل قريب من الأصدقاء وعندك تعامل بقصص مالية كون منتبه والاجواء حلوة وداعمة ..
عاطفيا .. عم تفرض على حالك وضع جديد لاتكبر القصص وحاول تكون رومنسي ..

#الأسد
يوم تاني من الطاقة قادر تعمل الكتير اليوم لاتتوقف تخلص من الماضي وابدا من جديد حدد خياراتك واهدافك وانطلق لتغير الأمور للأفضل ..
عاطفيا .. خبر حلو عاطفيا ورغبة بالاستقرار حاول تقرب وجهات النظر ..

#العذراء
تعامل بحذر قدر الامكان الاجواء مشحونة ومافي شي عم يمشي متل مابدك تعب صحي ممكن وحالة من الهدوء والركود عم تسيطر عليك طبيعي هالشي بس اصبر وبلا عنادك ..
عاطفيا .. عم توتر علاقتك بالشريك بدون اسباب مقنعة لاتتخذ قرار مهم واهدى ..

#الميزان
استمد قوتك من الأصدقاء يلي بتدعمك وبتعطيك الطاقة بهيك يوم حاول تنهي اعمالك الضرورية واستغل الفرص المناسبة ..
عاطفيا .. لاتفرض شخصيتك زيادة عالشريك وحاول تتفهمو قدر الامكان لتستمرو ..

#العقرب
عم تعاني من توتر مو طبيعي عم تحس بمؤامرات عم تنعمل الك خفف القلق ولاتخاف بس المهم انت خليك دقيق ورح تمر على خير وممكن تبلش شغل جديد ..
عاطفيا .. مو مرتاح والشريك عم يزيدها عليك خليك مرن قدر الامكان ..

#القوس
عم تفكر تسافر او عم تتلقى اتصالات بعيدة يمكن هي الأجواء المناسبة الك فكر بعلم جديد واستغل هيك يوم لتطور بحالك للافضل ..
عاطفيا .. كتير من الحب عم يحمل معو اليوم الك فاستغل عاطفتك بدون انفعال وغيرة ..

#الجدي
لاتبالغ بمصروفك اليوم لان ممكن توقع بمشكلة مادية وممكن كتير تعوض هالشي وتاخد مصاري ويوم بيحملك هدوء وترقب لوضعك ..
عاطفيا .. حاول تلاقي حب جديد او حسن الاجواء الرومنسية مع الشريك رح ترجع امورك افضل لأن ..

#الدلو
لاتصعد الخلافات بالشغل وماتتخذ قرارات تندم عليها انت بموقف ضعيف حاول قدر الامكان تصبر حتى ماتكون انت الخسران مع شركائك ..
عاطفيا .. انت بحاجة للخروج من جو التوتر يلي عم تعيشو وحابب تعيش شي غير ..

#الحوت
عم تتعب ويزيد الشغل عليك يمكن هالشي طبيعي بس ماتخليه يأثر على صحتك وخليك دقيق ورتب امورك ونظم وقتك لتنجز القدر الأكبر بهاليوم ..
عاطفيا .. لاتصعد الخلاف مع الشريك بأي موضوع او قصة حاول بس تساير هي الفترة ..