#الحمل
بكر لشغلك لاتحاول تهمل شي اليوم صحتك شغلك اكلك كلو لازم يكون ضمن اولوياتك حتى تخلص يلي عليك لأن الوقت ابدا مو لصالحك والناس ناطرتك على غلطة وانتبهلي كتير من المرض .
عاطفيا .. الحياة بحاجة لشوية تنازلات رغم كل شي وخفف من عنادك وساير لتنحل امورك ..

#الثور
عم يحملك اليوم اخبار حلوة حل لمشاكل بالعيلة واحساس بالراحة بعد ايام من التعب حاول تستغل فرصك ولاتخاف الحظ معك ..
عاطفيا .. حب ورومنسية اليوم فبادر اذا عم تفكر تتقرب من الشريك ..

#الجوزاء
اليوم شاغلك وضع حدا من اهلك او عم تغير ببيتك وبدك تعمل شي جديد انتبه وخليك هادي بدون انفعال لان انت بحاجة للراحة حتى ماتتعب صحتك ..
عاطفيا .. بين الحب القديم والفرصة لحب جديد كتير عم تضيع وتحس انو رح تخسر التنين ..

#السرطان
يوم عم تتحرك فيه وتشعر بانك قادر تحل مشاكل ممكن تتلقى اتصالات كتير وتتواصل بشكل جيد وتسافر اذا بدك وتحل مشاكلك بطريقة سهلة بس خليك متفهم .
عاطفيا .. دايما عم تبحث عن الهدوء بعلاقتك وماعم تلاقي لازم تعرف وين المشكلة لتحلها .

#الأسد
بتحصل اليوم على المال وبكون اغلب تعاملك بصص دفع او قبض وبتحس انو في بداية لمشروع جديد او شغل ..
عاطفيا .. عندك رغبة انك تستمر بحب جديد وتعوض العلاقات يلي مرت وتطلع من حالتك .

#العذراء
عم تشعر انك افضل وتحل مشاكل انت اليوم مدعوم بطاقة وحظ حاول تغير الأمور لصالحك وتفكر بحياتك بطريقة غير بعيدة عن القيود ..
عاطفيا .. عم تلاقي حل لمشكلة عاطفية بس مو مرتاح بالمجمل يمكن لازم تفكر كيف تنسى قبل ماتبدا من جديد ..

#الميزان
من اصعب الأيام بتحملك عرقلة ومشاكل بشغلك وعدم قدرة على الانجاز هالشي ابدا ماعم يريحك وعم تحس انو الدنيا مسكرة بوجهك فاهدى ..
عاطفيا .. تعامل مع مجرى الأمور بلامبالاة حتى ما تفوت بحالة تعب وانكسار وكون بعيد عن المشاكل

#العقرب
مابنصحك اليوم تضل لحالك لأن الأجواء الاجتماعية عم تدعيل ليوم حافل بالاصدقاء فلا تفوت هالشي وانتبه من مشاكل مفاجئة او قصص مو متوقعة ..
عاطفيا .. التوتر ماعم يتركك وعم تحس بأنك تعرضت للخداع والحب عم يتعبك فحاول تبعد عن التفكير بعاطفتك ..

#القوس
كل شي بشغلك بيتوقف على انتباهك يوم مهم وحاسم بس انتبه كتير لأن الأعداء حولك كتار وبدن يعملو مشاكل فحافظ على شغلك وسمعتك ..
عاطفيا .. لاتتخذ اي قرار ممكن يأثر على مستقبلك العاطفي وخليك هادي بتعاملك مع الشريك ..

#الجدي
يوم مميز عم تفكر فيه بسفر او عم تلتقي بناس من خارج البلد عم تكون متحرر وافكارك جديدة وبدك تتعلم شي وتبدا من جديد ..
عاطفيا .. اخبار حلوة ممكن تسمعها اليوم فخليك متفائل وشارك الحبيب لحظات رومنسية ..

#الدلو
لاتعطي أهمية للمشاكل ولاتكبرها اليوم عندك للحلول وعندك مشاكل قضائية بتنحل كمان وانتبه كتير لمصاريفك الزايدة حتى ما تعلن افلاسك وتصرف بهدوء ..
عاطفيا .. بعدك مشتت وبدك مبادرة من الشريك لترجع الأمور افضل بعلاقتك معو ..

#الحوت
يوم بيحملك حالة من الضغط والتوتر عم تحطك بمواقف صعبة وتحس انو كل شي حولك عم يتعبك بس بالمجمل فيك تبدا شغل جديد مع شركة ..
عاطفيا .. يمكن البعض عم يفكر بارتباط هاليوم خطبة زواج وعم يحس بنوع من التوتر وعدم فهم الشريك الو .