#الحمل
يوم منيح نسبيا بيحمل الك الدعم والفرص المناسبة للتقدم بيدعمك الحظ وبتحصل على النجاح ويمكن يجيك مبلغ مصاري فخليك متفائل ويوم ايجابي عندك لكن لاتخلي انفعالك يأثر..
عاطفيا .. اجواء رومنسية مميزة حاول انو تلاقي الطريق لقلب الشريك وحب جديد اذا كنت عازب..

#الثور
بيحملك اليوم توتر على صعيد العيلة وقلق حاول أنو تبقى منتبه لردة فعلك وانو تساعد في حل الأمور وبامكانك انو تعزز الروابط مع المقربين او اعطال وتصليحات ممكنة بالبيت ..
عاطفيا .. ما لازم أنو تقسو على الشريك وحاول تفهمو ويكون الحب بينكن مشاركة قدر الامكان ..

#الجوزاء
اليوم فيه سفر قصير وبتكتر عندك الاتصالات بس انتبه من الحوادث كتير منيح ان كان بالسيارة او بالاعمال الخطرة وممكن انو تشتري موبايل اليوم او تناقش بموضوع مهم ..
عاطفيا .. اليوم كون رومنسيا وعزز علاقتك مع الشريك وعندك خطوات مهمة بعلاقتك..

#السرطان
انتبه لمصروفك وكرمك الزايد ما الو لزوم اليوم عم تصرف كتير وممكن تخسر مبلغ مالي انتبه و الفرص افضل وملائمة والحظ مناسب وشغلك بلش يتحسن ..
عاطفيا .. ييحتاج منك الشريك الثقة لتبقى العلاقة بأمان وتتطور اكتر ..

#الأسد
انطلق بحذر قدر الامكان حاول الوصول للي بدك ياه ورح تحصل على الدعم المطلوب اليوم وافتح صفحة جديدة وغير كل شي لصالحك لكن انتبه من كل خطوة لأن الكسوف ممكن يأثر عليك سلبا ....
عاطفيا .. يوم محير عاطفيا بيحملك سحر خاص فيك وقدرة على جذب الكل لإلك ..

#العذراء
يوم متعب مرهق ما في اي تقدم الأمور عم تراوح مكانها وانت ما عم تعرف ليش حاول عدم التصرف باي شي مهم وانتبه لصحتك اليوم حتى يمر بسلام وخاصة بالكسوف يلي بالأسد ..
عاطفيا .. انت بحاجة لفترة من الراحة لقلبك حاول ما تعاند الشريك هاليوم حتى ماتخسرو ..

#الميزان
الكتير من القصص الاجتماعية عم تنتظر منك المشاركة اليوم رح تقابل ناس كتير عبر عن قدراتك ولاتبقى لحالك وتفاعل مع للأصدقاء حتى ماتفوت بحالة اكتئاب ..
عاطفيا .. الخيارات الكتيرة مابتعني انك مرتاح قلبك نار عم تغلي وفي شي ناقصك ..

#العقرب
عندك الكتير من الاعمال يلي بتحتاج منك الدقة والانتباه كون على قدر المسؤولية وحافظ على شغلك وانتبه من مخالفة القوانين وتعامل بحذر حتى ماتتعرض للمشاكل ..
عاطفيا .. لاتتسرع بالحكم على العلاقة ويمكن عدم فهم الشريك او اهمالو بسبب ظروف خاصة فيه ..

#القوس
يوم لترتاح نسبيا لتطلع من فترة صعبة مرت عليك لتعيد وضعك افضل للسفر والحديث مع اشخاص من خارج البلد والنجاح في الدراسات العليا بعد فترة اثرت عليك كتير وتعبتك لكن باي خطوة رح تعملها لازم تكون دقيق وتحسب كل شي منيح وانتبه من حوادث السير ..
عاطفيا .. يوم بيحمل الك الكتير من الحلول والتقرب من الحبيب اذا بدك ..

#الجدي
يوم افضل انتبه فيه لنفقاتك المتزايدة وحاول انو تنتبه لان رح تخسر المال من شراكة وانتبه كمان من الوقوع في المرض بعد التوتر يلي مريت فيه ..
عاطفيا .. لاتفكر بطريقة سلبية وكون ايجابي لتعيد العلاقة مع الشريك لوضعها الطبيعي ..

#الدلو
حاول انو تعزز من شراكاتك بدل ماتخربها لأن الوضع ابدا مو متحمل وكون دبلماسي وابتعد عن الاستفزاز بكلامك حتى لا توقع بالمشاكل يوم صعب ومافي راحة وعم تنخفض الطاقة عندك فخليك هادي ..
عاطفيا .. يوم بيحملك فرصة للارتباط اذا بدك وحاول لاتكبر المشاكل مع الشريك لان المرتبطين بخطر علاقتن هاليوم ..

#الحوت
تعب وشغل كثير عم ينتظرك انت بحاجة للانجاز بسرعة ركز على الضروري واترك وقت للرلحة وانتبه لصحتك قدر الأمكان لان ممكن تعاني من اوجاع بجسمك هاليوم ..
عاطفيا .. لاتكتر من الغيرة على الشريك وحاول أنو تقوي ثقتك فيه حتى تكون اوضاعك العاطفية منيحة ..