#الحمل
انت بحيرة وبدك حل وبعدك مشغول بامور الشغل حافظ على اعصابك هادية ورجع الامور لوضعها الطبيعي لاتتوتر وانتبه لسمعتك من المسا بتحس بدعم من الاصدقاء الك ..
عاطفيا .. فترة مهمة بعلاقتك انت قدام خيارين اما الاستمرار او تتحمل وخاصة انو ماعم تعرف شو بدك

#الثور
يوم جديد وعم تكتر اتصالاتك ويمكن في عندك سفر فترة مميزة وقادر تدفع بمصالحك وتتوج جهودك بنجاح وتقدم لكن المسا بتنحط ضمن اختبار لقدراتك كون منتبه ولاتنفعل ..
عاطفيا .. حاول انت تبادر لان الحبيب بحاجة الك هي الفترة فلا تكون عنيد وخليه يحس بالأمان معك

#الجوزاء
لا تتسرع ويوم بدك تنتبهلي على صحتك فيه بعد فترة طويلة تعبتك وكان فيها ضغط عليك حاول ترتاح وتحل الامور على مهل وعندك امور مالية ومن المسا مصالحات وتحسن كبير بالاجواء ..
عاطفيا .. بعد عن النرفزة اليوم وريح بالك وخود استراحة والمسا افضل بكتير وحب ناطرك

#السرطان
نهار ضاغط بعدك متوتر وعندك شغل كتير وعم تركز على امور الشراكة وشاغلك موضوع بخص عقد مع حدا وعم تحس انو كل شي ضدك وضايج ومعصب اما المسا بتخف الضغوط وبترتاح نسبيا ..
عاطفيا .. معصب و محتار وماعم تعرف كيف تصل لاستقرار العلاقة والوضع تاعبك كتير ..

#الأسد
شغلك كتير لاتتأخر ونظم وقتك ولاتهمل شي انت قادر تخلص جزء كبير بس انتبهلي لراحتك وصحتك كمان انت مو مرتاح ومرهق والمسا انتبه من انفعالك والمواجهات ..
عاطفيا .. مشغول بالك وماعم تعرف كيف تصل لحل وحاسس بفتور بالعلاقة

#العذراء
مارح تكون مرتاح بس يوم للانجاز ولخطولت مهمة لتتقدم بس انتبه لاتفوت بجو الروتين وانت نشيط اليوم وعندك لقاءات مهمة وفرص لتحسن بوضعك اما المسا فبيتراكم الشغل عليك وماعاد بتلحق واحتمال تتعب صحتك .
عاطفيا .. لاتهمل مشاعر الحبيب اليوم ولاتخليه يحس بالغيرة كون رايق حتى ما يصير مشاكل

#الميزان
انت امام يوم متقلب مابيخلى من التعب بس فيه فترات صعبة عائليا اذا بدك ترتاح كون مع الكل و لا تعاند واثبت حالك دون استفزاز لحدا ومن المسا اجواء مميزة ناطرتك
عاطفيا .. مشاكل عم تسيطر على العلاقة وعم تلاقي صعوبة بفهم الحبيب بس المسا في رومنسية وحب عندك

#العقرب
مشرق اليوم وافضل نسبيا وقادر تسيطر وتعمل شي ورح تلاقي امورك افضل وفي سفرات قصيرة ممكنة عندك وامكانية لتشتري قطعة الكترونية اما المسا فعندك امور عائلية وبيتية عم تشغلك
عاطفيا .. من الاوقات الحلوة بالشهر استغلها وعيش لحظات حلوة خاصة بالنهار

#القوس
بعدك مشغول بامورك المالية وضبط ميزانيتك عم تتزايد المصاريف عندك وفي فرصة لمكسب او هدية من حدا اليوم طبعا قبل المسا يلي رح يحملك نشاط وطاقة وحظ
عاطفيا .. لاتكبر القصص كون رايق قدر الامكان وتفهم وجهة نظر الحبيب واتصالات بتريحك المسا

#الجدي
صفحة جديدة وانفراج عندك لاتتردد بحسم الامور لصالحك وبداية شغل جديد ممكن انت قوي وقادر تغير كل شي لصالحك اليوم وترجع الامور افضل من المسا اهدى ورتب امورك المالية ..
عاطفيا .. عم ترجع امورك العاطفية وتحسن كبير بعلاقتك ناطرك

#الدلو
يوم جديد من التعب والارهاق وعدم الرضا عم يسيطر عليك حاسس انو ماعندك قدرة تعمل شي انو مافي شي عم يمشي متل مابدك اصبر وانتبهلي لصحتك ومرقلي هالنهار لأن من المسا رح تتغير امورك كليا ورح تحس بنشاط كبير
عاطفيا .. شعور بالوحدة او حتى الشك عم يزيد تعبك ارتاح ولاتفكر وانطر خبر حلو المسا

#الحوت
اجتماعي اليوم وعم تتفاعل بين الاصدقاء والناس عم تساعدك لتصل وامورك فيها قلق انتبه من رايك لأن المسا رح تفقد الطاقة والحظ ورح تحس بتعب ممكن يأثر عليك سلبا ..
عاطفيا .. عم تعيش اوقات حلوة بالرغم من الضغط الكبير عليك ومشرق بس انتبه من سوء تفاهم بالعلاقة المسا