#الحمل
الصبح عندك ركود وتعبان وفي عرقلة بمشاريعك مع انو افضل انت
من بعد الضهر اخبار حلوة وفترة مميزة ورح تكون مرتاح ومبسوط من شغلك انت ذكي اليوم وعم تصل لاهدافك لاتتردد وادفع بمصالحك وحل مشاكلك بطريقة هادية واطلع من جو العصبية تبعك وغير واستعد لتكون بحال افضل
عاطفيا .. كون هادي لانك غيرة وشك بنهار ومن بعد الضهر من احلى الاوقات لتقضيها مع الحبيب وتعيش فترة حلوة ولو مو مرتبط فرصة لتبدا علاقة جديدة وترجع وضعك لطبيعتو برغم كل شي استغل سحرك لتصل وفي ناس جديدة ممكن تدخل حياتك وتساعدك

#الثور
مو مرتاح وامور الشراكة تاعبتك ببحر النهار ومن بعد الضهر عندك شغل مهم لازم تخلصو لاتكون عنيد وصعب لان اي شي رح تعملو رح يرجع عليك ويمكن تربح شي قصة مالية او تكسب وانتبه لمصروفك هالفترة لان رح تحتاج مساعدة مالية ولاتخاف امورك بالمجمل عم تتحسن وعندك حل لمشكلة
عاطفيا .. حاول تمرق قد مافيك لان نهار ضاغط ومشاكل وخناق وقسم بعدك عم تعاني من مشاكل فيها لاتتسرع واستنى والامور رح تكون احسن ويتحسن وضعك والتوتر رح يخف عندك وممكن خبر يريحك ومصالحة جاية

#الجوزاء
تعبان نهارك متعب وفيه شغل كتير عليك وماعم تلحق
ومن بعد الضهر بتدخل بحالة توتر وممكن تنفهم غلط فكون هادي وحافظ على اعصابك عم تفكر بامور الشراكة وعندك شغل كتير وضعط كبير هالفترة لاتتسرع باحكامك ولاتتهور لأن ممكن تخرب كل شي
عاطفيا ..انت ضايج و الوقت عم يسرقك وعم تكبر المشاكل مع الحبيب وخاصة بهالوقت فانتبه كتير لمشاعرو وخود قسط من الراحة لتفهمو وهدو الأجواء المشحونة

#السرطان
ايجابي وضعك بالنهار و عندك اشيا مهمة عم تنجزها وتنجح فيها وفرص حلوة عم تفرحك
من بعد الضهر انتبه شغل كتير حاول تنظم وقتك واكلك لتلحق كتير منو لاتشكك بقدراتك وابدا لتخلص كل شي وانتبهلي لصحتك هالفترة كمان ممكن التعب ينال منك ولاتتكاسل
عاطفيا .. عندك حنين بالرغم من عروض حب جديدة للبعض وعم تشتاق لحدا غايب وعم تفكر كيف تستقر عاطفيا او تحصل على الرضا

#الأسد
ماعم تعرف شو صاير وشاغلتك مواضيع العيلة بالنهار وزاعجك الوضع المتوتر
من بعد الضهر بتكون قادر بمهارتك تخلص شغلك بس انتبه من حظك المالي وخليك رايق ورجع الامور لطبيعتها هالفترة لان نشيط وعندك القدرة تنهي امورك
عاطفيا .. افضل امورك العاطفية و التوتر والحيرة يلي عم تعاني منها بتنقلب بالليل وعم تفكر بالتقرب من احبابك وتعزز علاقاتك

#العذراء
انجز يلي عندك ببحر النهار لان انت افضل وعم توصل كلمتك
اما بعد الضهر عم تفكر كتير بامور بتخص العيلة والبيت عندك كون قد المسؤولية ولا تنفعل هالفترة عيلتك بحاجتك خليك هادي وتصرف بحكمة قدر الامكان واستغل الوقت لتهدي الأجواء وتحلها
عاطفيا .. نهارك في لقاء حلو وبعد الضهر افكار عم تاخدك وتجيبك وانت متل الضايع بس لاتخاف فترة وبيستقر ووضعك ..

#الميزان
اهدى لان بعدك بالنهار عم تناقش امور مالية وشغل
اما بعد الضهر فترة حلوة عم ترجع فيها لنشاطك نسبيا وعم تستعيد قدرتك على الحوار وبتحسن وضعك بس قدر الامكان لا تيأس لأن الظروف ملائمة للنجاح والتقدم وحركة وسفر اذا بدك
عاطفيا .. لاتخاف حيرتك بالنهار عم تنقلب بعد الضهر لفرص حلوة جديدة عم تدق بابك واذا كنت مرتبط فيك تطلع برحلة او مشوار مع الحبيب بس فضي بالك ولا تتعب حالك بالتفكير طول الوقت

#العقرب
في تغيير ومشرق انت بالنهار وطاقتك عالية ونشيط
من بعد الضهر فرص مالية ومكاسب مهمة خليك واضح ورح يكون وضعك منيح ورح تحصل على تعويض او مبلغ بس انتبه من زيادة المصاريف وتصرف بحكمة اكتر ..
عاطفيا .. طاقتك عالية وساحر انت بالنهار وعم تعيش فترة حلوة والعيون عليك ولاتسمح من بعد الضهر للمشاكل تخرب علاقتك او تبعد بيناتكن وعندك فرصة تطور علاقتك اكتر لارتباط

#القوس
تعبان كتير صعبة اوضاعك بالنهار وامورك ماعم تمشي وضايج بس من بعد الضهر عم ترجع لنشاطك والحظ عم يوقف معك افتح صفحة جديدة واستغل هالشي لتدعم مكانتك ولتغير الأمور لصالحك لاتتردد وكون مبادر فترة حلوة وفيها تغيير مهم وحال افضل الك
عاطفيا .. بترتاح بعد فترة احباط و رح تلاقي امورك من بعد الضهر غير ورح تتحسن نفسيتك وتكون أفضل بكتير تصرف برومنسية لان الحبيب بحاجة هالشي وصلح الأمور

#الجدي
بدي منك تستغل نهارك وحاول تخلص امورك لأن من بعد الضهر بتهدى الوتيرة عندك وبتحس بالتعب وانتبهلي لصحتك فترة مافيها حظ لاتحاول تحسم شي وحاول تمرق هالفترة على خير ودير بالك على سمعتك وشغلك ولا تكبر الأمور وكون ملتزم ومابدي منك مجازفات ورح تمر على خير بس كون هادي انت وخاصة بالشغل
عاطفيا .. صلح بالنهار عندك اتصالات حلوة ولقاءات ومحبين كتار بس امورك من بعد الضهر رح تتغير و تحس بنوع من الشك او ابتعاد الحبيب خليك صبور هالفترة بس ولاتزيد العلاقة مشاكل ولا تفوت بمناقشات تندم عليها بعدين

#الدلو
انن تعبان ببحر النهار عندك ملل مو طبيعي وروتين وقصص عم تزعجك
ومن بعد الضهر عندك حالة اجتماعية تعامل بشكل مرن مع الناس قادر من المسا تصل لافضل النتائج وتكون مبسوط من الوضع استفيد من خبراتك وتصرف بسرعة وكل شي رح يكون على أفضل حال بدعم الأصدقاء الك
عاطفيا .. لا تفكر كتير بالعلاقة ولا تحملها اترك الامور تمشي وخليك شوي رومنسي ورح تكون امورك تمام

#الحوت
بالنهار في عندك وقت حلو استغلو وفي انجاز عندك وخبر حلو ومن بعد الضهر عندك فترة مهمة وصعبة انتبه في عندك قصص رح توترك حافظ قدر الامكان على هدوئك وحاول لاتنفعل اذا بدك تلاقي شغل جديد ممكن كتير هاليوم ولاتشغل تفكيرك كتير بس خليك هادي لتعرف شو بدك منيح
عاطفيا .. اخبار حلوة من حدا غايب ببحر النهار ومن بعد الضهر عم تحس انو ماحدا عم يقدر مشاعرك فترة ضاغطة ويمكن في خيبة امل عندك من ناس قريبة منك