#الحمل
بتعيش فترة ازدهار عاطفي بوجود الزهرة عندك ..
حالة من تجدد الحب واللقاءات الرومنسية بانتظارك..
فرصة لاتمام خطبة وأنك ترضي قلبك فلا تردد وابحث عن الاستقرار ..
استغل الفترة المقبلة وعيش أجواء رومنسية مميزة ..
حظوظك الأفضل عاطفيا فشوف حالك بجمالك وسحرك ..

#الثور
الحب عندك ماعم يصل للرضى بكل علاقاتك ..
عم تخاف تدخل علاقة جديدة وبتحس بعدم الراحة ..
مافي شي كان عم يزبط معك وتذكر كان ..
من 5 حزيران بتنتقل الزهرة لبرجك وبتدعمك عاطفيا لتبحث عن الفرصة المناسبة ..
حتى جمالك رح يشهد تحسن كبير الفترة المقبلة فخليك مطمن ..

#الجوزاء
يمكن ماعم تلاقي الوقت تهتم بحالك وحتى قلبك تاعبك كتير مع تفكيرك ..
حاول تكون واقعي وابتعد عن اي علاقة ممكن تجبلك وجع الراس ..
خلي علاقاتك الشهر المقبل بعيد عن عيون العالم حتى ماتفشل ..
انت بحاجة لشخص يفهمك وهالشي ماعم يكون موجود بالحب يلي عم تعيشو هالايام ..

#السرطان
عم تشتكي وتقول انو أنت ماعندك حظ بالحب ..
لا ابدا مو هيك القصة ويلي بجرب احساسك مستحيل يتخلى عنك ..
بس فعلا الحظ بهالفترات ماعم يدعمك عاطفيا وعم يخرب كل شي ومافي شي عم يكمل ..
لاتخاف ولاتحملها زيادة لأن جاية فرصتك بس لاتستعجل عليها ولاتفوت علاقات اذا ما درستا منيح هي الفترة ..
اذا في حب معلق وعم يتعبك بفضل تبعد هالفترة حتى مايتعبك ..

#الأسد
من فترة طويلة واي حب عم تدخل فيه ماعم يكمل يمكن مشان هيك قررت تعيش بدون حب ..
عندك الحظ بس وجود زحل عم يعرقل قصص الحب عندك ..
وانت من الناس يلي مابيرضين أي حب مشان هيك عم تكون غير راضي ..
حاول تفكر بالحب هالفترة بطريقة جدية ورح تلاقي هالشي من يوم الاربعاء القادم ..

#العذراء
عم تفكر بالارتباط كتير بالفترة الاخيرة وعندك حظوظ لنجاح هالشي بس بدراسة لأن في كتير اشيا لا تكون موجودة بالشريك حتى تضمن الاستمرار ..
لاتتسرع بأي قرار وكون بعيد عن عاطفة خليك عقلاني باختيارك ..
فرص العلاقة رح تزيد مع انتقال الزهرة للثور ورح تمنحك فرصة حب جديد بعد 5 حزيران ..

#الميزان
ماعم تعرف شو عم يصير وليش ماعم تستقر او ترتاح عاطفيا ..
طبيعي هاد الشي انتظر عودة الحب الشهر القادم وتقدم المشتري ب10 حزيران ليرجع الحظ يدعمك ..
كون رايق ولا تسمح لمشاعرك تاخدك لحب بيتعبك اكتر مابريحك ..
انت بحاجة لشخص مناسب فانتظر فرصتك ولا تدور عليها ..

#العقرب
انت من الناس يلي تعرضت للأذى عاطفيا الفترة الماضية يمكن تكون نهيت علاقتك وبعدو الجرح ماطاب ..
حاول تكون مساير قدر الامكان اذا علاقتك بعدها ولاتسمح للظروف تزيدها عليكن ..
تفهم وضع الشريك واذا كنت اعذب بدك تنطر ليوم الاحد ممكن يكون في شي ايجابي عندك عاطفيا ..

#القوس
ياحرام ياقوس ماعم تعرف شو عم يصير معك وعم تتفاجأ بكتير ناس ..
حتى الغالي ماعاد غالي والاصدقاء صارت متل ورق الخريف عم تتساقط ..
لاتزعل ابدا هيك افضل الك لتخلص من الناس المزيفة بحياتك ..
عاطفيا عم تعيش رومنسية بس ضمن ضغوط كبيرة وهالشي عم يأثر عليك وعلى الشريك ..
بنصحك اذا أعذب فيك تلاقي حبك هالفترة واذا مرتبط خلي حبك بعيد عن مشاكلك فهمت ..

#الجدي
متلك متل القوس لما تجي لترتاح وتلاقي حبك بتلافي الحياة كلها صارت تعب وضدك ..
حاول تستفيد من الحب وخليه يكون دافع الك ومحفز للحياة وحتى تلاقي شي تتفائل فيه ..
عندك فرص عاطفية هي الفترات فحاول تستغلها واكيد بعد 5 حزيران رح تنتعش أكتر ويكون في شي ايجابي الك ..

#الدلو
عانيت من فشل عاطفي وكنت مو مرتاح لفترات وتعرضت لكتير من الأوقات السلبية يلي أثرت عليك بس أنت قادر تطلع من كل هالشي وبدي بشرك بأنو الأمور بلشت تتحرك باتجاه الحلول ورح يكون في حب قادم الك ..
انتظر الفرصة اذا اعذب وانتظر الحلول اذا مرتبط ومن بكرا في عندك اوقات رومنسية حاول تستغلها وخاصة مواليد العشرية الأولى ..
ماتخاف من حبك وحاول تخليه بعيد عن الناس لأن اذا بتذكر انو الناس سبب الفشل قبل ..

#الحوت
انت اكتر حدا ناطر الحب وبهمك تعيش رومنسية واستقرار عاطفي ..
من الاحد في شي رومنسي ناطرك وحل لمشكلة مع الشريك ..
عيش حبك وحاول تركز يعني ماتفكر بأكتر من حب مشان إذا حب تخلى عنك ..
اي عم احكي هيك حتى تفكر بشي ثابت تكون واثق فيه ويوثق فيك فالحب كل حياتك مشان هيك حاول تكون كل حياة شريكك ..