القمر الضهر بينتقل لبرج الثور

الخسوف الجزئي بالثور .. بعد الكسوف الماضي بالميزان رح يكون عنا بكرا الساعة 9المسا خسوف قمري جزئي بيستمر لتقريب الثلاث ساعات

خسوف قمري جزئي ببرج الثور وهو نتيجة وجود الأرض بين الشمس والقمر وحجب ضوء القمر بشكل جزئي ..

طبعا خسوف قمري وحدث فلكي مهم بيستمر تأثيره على المدى القريب من تلت لخمس ايام وحاليا عم نعيش تأثيراته وبيستمر التأثير البعيد حتى ست أشهر من الامور يلي بتحدث معنا بهي الفترة ..

تأثيرات الخسوف القمري بالثور بتكون هامة وممكن سلبية لان عم تكون بالدرجات الأولى لبرج الثور وبتقدر بشكل أكبر على العشرية الأولى لكل الابراج ..

و بسبب اقتران القمر بالمشتري واقتران المشتري بباورانوس الثور ومقابلتها للشمس والمريخ بالعقرب وبدرجة اقل عطارد عم تعمل حالة توتر وضغط و شوي بصعب الامور ..

فترة تأثيراتها كبيرة بالنسبة القرارات المالية والاقتصادية العالمية وضخ الأموال والامن الغذائي وتقلب سوق العملات والثروات الباطنية ..

بالاضافة انو هية فترة حسم ونهايات وقرارات متسرعة ولازم ننتبه حتى مانوقع تحت قرار نندم عليه بعدين ..

القمر المكتمل بدون خسوف كامل بيعمل حالة من الهيجان العاطفي والتوتر والضغط والحساسية والعدوانية احيانا وزيادة في الرغبة المكبوتة فكيف اذا كان مع خسوف هون بكون في امور خفية عم تطلع ولازم كتير نضبط حالنا ونحاول نفرغ طاقتنا بالرياضة والتأمل ونخالط اشخاص تعطينا طاقة حلوة وما تستفزنا ..

طبعا اكتر الأبراج تأثرا هو الثور والأسد والعقرب والدلو باعتباره المربع يلي بتكون التأثيرات عليه قوية .

بالاضافة لكل من القوس والجوزاء من الجانب الصحي ..

والسرطان كون الخسوف بالقمر وهو الحاكم الو فبيعلن عندو نهاية قصة ما لبداية جديدة ..

غير هيك برأيي هي الفترة نتجنب عمليات البيع والشراء وخاصة بمبالغ كبيرة وكمان الصفقات والدخول بمشاريع والعمليات الجراحية واي شي بخص العاطفة او العلاقات نحاول نعد للعشرة قبل ما نتصرف او ناخد قرار ..

كمان في قرارات عالمية تصعيد باكتر من منطقة وصراعات وامور بتخص التطورات الحاصلة يلي ممكن تزيد وتكبر ..

لكن بالنهاية دايما الخسوف والكسوف بيجو ليغيروا شي بحياتنا بعد فترة طويلة وهالشي ممكن يكون منيح لبعدين ويخلصنا من قصص ماكنا قادرين نخلص منها وانشالله ايام وبتمرق على خير عالكل ..

أعجبني