القمر مستمر كمان ببرج الثور

#الحمل

عم تشغل بالك امور الشغل والحسابات المالية ولازم تراجع حالك وتعرف شو عم تصرف وشو عم تقبض وكمان لازم تفكر بشغل جديد وتنتبه لمصروفك ضمن البيت ولازمك نوم اكتر وراحة وانتبه من السمنة ..

عاطفيا .. يومك بارد بالعاطفة ولازم تعرف منيح كيف تصل للاستقرار بعلاقتك لان مو دايما الحظ معك ..

■النسبة المئوية :

●مهنيا : %71 ●ماليا : %80 ●عاطفيا : %73 ●صحيا : %70

#الثور

بعدك عم تغير من حالتك وفيك تحصل هاليوم على طاقة اضافية لتبدأ بشي جديد دراسي او سفر او لتنجح وفيك تلاقي حلول وترجع الثقة مع محيطك و حتى عندك عائليا امور جيدة والاخبار كلها لصالحك ..

عاطفيا .. يومك جيد نسبيا وعم تدق بابك علاقات جديدة وحتى جاذبيتك عم ترتفع فاستغل هالشي ..

■النسبة المئوية :

●مهنيا : %94 ●ماليا : %83 ●عاطفيا : %88 ●صحيا : %81

#الجوزاء

عم تمرق بفترة فيها شوية ضغط ومشاكل عم تحس انو مافي شي عم يرضيك بحياتك هاد الشي طبيعي هدي وروق وفي شي بخص المقربين منك بأثر عليك وكمان بدي منك تنتبه من الافكار السلبية والاحلام ..

عاطفيا .. يبدو انو الشريك عم يستفزك ويمكن يكون في شي بخص علاقة سرية عندك وانتبه كمان ..

■النسبة المئوية :

●مهنيا : %67 ●ماليا : %60 ●عاطفيا : %63 ●صحيا : %58

#السرطان

الأمور جيدة نوعا ما وعم تميل باتجاه الشراكات بشغلك ويبدو في قصص عم يساعدك فيها صديق او شخص مقرب وبكون في مصالحات وعزايم وناس كتير حولك بس بنفس الوقت في منن لازم تهدي معن ..

عاطفيا .. اطمن لأن عم يكون الوضع جيد وخاصة انو بعض الصداقات عندك ممكن تتحول لحب ..

■النسبة المئوية :

●مهنيا : %74 ●ماليا : %75 ●عاطفيا : %80 ●صحيا : %70

#الأسد

بكون يومك حافل وماعم تعرف كيف بيطلعلك الشغل فجأة ويمكن للبعض بداية شي جديد وعلاقات مهمة وقصص مع الأب وعم تكون الاضواء عليك وانتبه لصحتك وفكر كيف تستغل وضعك صح ..

عاطفيا .. انت بفترة حلوة بالعاطفة لكن بدي منك تعرف تختار الشخص المناسب يلي بيعطيك الاستقرار العاطفي ..

■النسبة المئوية :

●مهنيا : %71 ●ماليا : %67 ●عاطفيا : %66 ●صحيا : %69

#العذراء

حافظ على علاقاتك وطورها هاليوم وخاصة انو في محبين جداد وتواصل مع اشخاص بعاد وفكرة سفر وكتير ناس عم تدعمك وحتى ضمن البيت في تحسن ويمكن يجيك مبلغ مالي من شخص بعيد ..

عاطفيا .. وضعك جيد وفرصة هاليوم عندك لتعمل علاقات جديدة وتحسن من حالتك العاطفية ..

■النسبة المئوية :

●مهنيا : %88 ●ماليا : %83 ●عاطفيا : %84 ●صحيا : %80

#الميزان

عم تلاقي حالك مسؤول دايما عن العيلة والاهل وهالشي بشكل عليك عبء مالي كبير ولازم تعرف تتصرف ولازم تكون دبلماسي ورايق وحكيم مع المقربين وحتى بتحصل على مبلغ مالي من ميراث او شراكة عقار ..

عاطفيا .. اطمن لأن وضعك منيح وخاصة انك عم تقدر تتقرب من شخص وتعيش معو اجواء رومنسية ..

■النسبة المئوية :

●مهنيا : %68 ●ماليا : %77 ●عاطفيا : %70 ●صحيا : %72

#العقرب

في قصص شاغلتك مع اشخاص مقربة ومن العيلة ويمكن تدخل مواجهة وتنفعل ولازم تهدي وحاول تمرق يومك حتى تعرف تختار وخاصة انو ماكتير الناس منيحة معك وفي فكرة شراكة مع أخ ممكنة او بسيارة ..

عاطفيا .. لاتتسرع بشي هاليوم وهدي مع الشريك حتى ماتكبر القصص وتنهي علاقتك معو ..

■النسبة المئوية :

●مهنيا : %68 ●ماليا : %60 ●عاطفيا : %67 ●صحيا : %62

#القوس

عم تبلش تحس ببعض الاعراض الصحية يلي مافي داعي للخوف منها ولازم كمان تعمل يلي عليك وخاصة اذا شغل كتير وتراكمات من قبل وحاول ماتصرف كتير مال لان انت بحاحة ولاتتكاسل هاليوم ..

عاطفيا .. اطمن لأن وضعك العاطفي بخليك تحس بشوية برود لكن جمال عم يزيد ..

■النسبة المئوية :

●مهنيا : %69 ●ماليا : %61 ●عاطفيا : %64 ●صحيا : %59

#الجدي

بتحصل هاليوم على كتير اطراءات وكلام حلو وبمكن تعيش يوم حلو مع أشخاص غالية على قلبك وكمان عندك حضور قوي وقدرة على الابداع وعلاقات مهمة وقصص بتنحل ضمن العيلة وخاصة بموضوع طفل ..

عاطفيا .. عم تزيد عاطفتك ويوم جيد عاطفيا وممكن يحملك اوقات حلوة وبداية حب وهدية من الشريك كمان اليوم ..

■النسبة المئوية :

●مهنيا : %90 ●ماليا : %86 ●عاطفيا : %88 ●صحيا : %81

#الدلو

انتبه من التغييرات يلي ممكن تحصل هالفترة بمكان سكنك أو حتى بقصص ضمن البيت ومع العيلة واهتم باهلك وصحتك وصحتن وحاول تنتبه من اي قصة ممكن تخليك تواجه حدا قريب منك وروق ..

عاطفيا .. يبدو انك ماكتير عم ترتاح ووضعك العام عم يأثر على وضعك العاطفي ..

■النسبة المئوية :

●مهنيا : %67 ●ماليا : %61 ●عاطفيا : %68 ●صحيا : %58

#الحوت

عم تكون ملفت للأنظار هالفترة وشعبيتك كبيرة وكتير أشخاص عم تتواصل معك واستغل شهرة عبر السوشل ميديا وبالاعلام بتدعمك وحتى في مناسبة ممكن تحضرها وبتتقرب من اخ وناس كتير ..

عاطفيا .. لاتقلق لأن انت بيوم بيدعمك بعلاقات عاطفية تحسن كبير بينك وبين الشريك ..

■النسبة المئوية :

●مهنيا : %78 ●ماليا : %72 ●عاطفيا : %80 ●صحيا : %70

أعجبني