القمر عم ينتقل لبرج الثور

#الحمل

عم يكون يومك كلو طاقة وفي اخبار حلوة لشغل عندك بهاليوم وفي كتير مصاريف عندك لازم تعرف شو الك وشو عليك و كمان ممكن تحصل على مال من شغلك ولازم تعيد حساباتك حتى ماتوقع بأزمة ..

عاطفيا : عندك كاريزما وانت بوضع منيح وعم تتقرب من الشريك وممكن يجبلك هدية بهاليوم ..

■النسبة المئوية :

●مهنيا : %80 ●ماليا : %77 ●عاطفيا : %73 ●صحيا : %79

#الثور

حاول تمرق الصبح على خير وماتعمل مشاكل مع حدا ومن الضهر بترجع اوضاعك أفضل وعندك حضور مميز وطاقة كبيرة وحظ متصاعد واخبار حلوة وحلول بتسمعا بكرا انشالله وفرص جديدة كمان ..

عاطفيا : لاتقلق لأن بعد ايام صعبة يومك حلو عاطفيا وعندك فرصة لحب جديد ممكن يدخل حياتك ..

■النسبة المئوية :

●مهنيا : %82 ●ماليا : %80 ●عاطفيا : %79 ●صحيا : %86

#الجوزاء

حاول تستغل نهارك وانهي امورك المتراكم لإن بعد الضهر بتحس انك مو رايق وعم يكون يومك في شوية كركبة لكن بمر على خير بدي منك ماتبقى لحالك واختار اصدقاء طاقتن ايجابية وانتبه عائليا ..

عاطفيا : مو مرتاح وعندك الشريك ماعم يفهمك بدك تهدي معو وخاصة اذا كان قليل صعب يفهمك ..

■النسبة المئوية :

●مهنيا : %66 ●ماليا : %73 ●عاطفيا : %65 ●صحيا : %63

#السرطان

من الايام الجيدة عندك لكن بدايتها بتكون متوتر ومو مرتاج كتير ويوم بيحملك لقاءات مابتخلص مع الاصدقاء بتعزز الروابط الاجتماعية بتنعزم وبتعزم وبكون يومك حلو وفي شراكات واكيد رح تزيد شعبيتك ..

عاطفيا : يبدو انك افضل من مسا هاليوم وكتير اصدقاء معك وانت بحاجة لشريك وممكن ارتباط عندك ....

■النسبة المئوية :

●مهنيا : %75 ●ماليا : %83 ●عاطفيا : %86 ●صحيا : %80

#الأسد

حاول هاليوم تستغل علاقاتك وعم تفكر بشغل وقصص بتخص الأب ولازم تكون رايق بعلاقاتك المسا ونجاح مهني كبير ناطرك وتطورات حلوة حاول تستغلا وانشالله بكون يومك مميز متل شخصيتك ..

عاطفيا : لاتتسرع لأن شوية كلام منك وشوية كلام من الشريك والعلاقة بتكون غير شكل ..

■النسبة المئوية :

●مهنيا : %77 ●ماليا : %78 ●عاطفيا : %68 ●صحيا : %76

#العذراء

عم يكون يومك جيد وخاصة انو في مال رح يجيك ورح تتحسن اوضاعك وبعد الضهر في علاقات وعندك افضلية بكل شي فخليك ذكي تعامل مع الناس المحيطة بايجابية ورح تنجح أكيد بكل شي ..

عاطفيا : اطمن عندك يوم عاطفي حلو بيحملك حديث مع الشريك وحب عم يكبر ..

■النسبة المئوية :

●مهنيا : %82 ●ماليا : %80 ●عاطفيا : %85 ●صحيا : %87

#الميزان

من الايام يلي ببلش صعب وفي مواجهات وقصص بالبيت زاعجتك وبعد الضهر بيتحسن الوضع وبيحملك حلول ومال من شراكات وتحسن كبير بالمعنويات العامة واحساس بالراحة وهدوء جواتك بعد الضغط ..

عاطفيا : هدي بالنهار مع الشريك واستغل يومك لتحسن علاقتك وتتقرب من الشريك وتكون عاطفتك أفضل ..

■النسبة المئوية :

●مهنيا : %67 ●ماليا : %77 ●عاطفيا : %72 ●صحيا : %60

#العقرب

حاول تهدي لان كتير شغل عندك وقصص اوراق ومال ولازم تنهي امورك وبعد الضهر شراكات ولازم تعزز علاقاتك بمحيطك وعندك حضور جيد حاول قدر الامكان تفكر بانك تتفق مع الناس وماتنفعل وتعمل مشاكل ..

عاطفيا : يبدو هاليوم البعض عم يفكر بارتباط ووضعك العاطفي عم يشهد مناقشات كتير بينك وبين الشريك ..

■النسبة المئوية :

●مهنيا : %65 ●ماليا : %67 ●عاطفيا : %68 ●صحيا : %63

#القوس

من الايام الجيدة ببدايتها بين مال وعلاقات وناس وحضور حلو لكن بعد الضهر شغل كتير ناطرك وعندك كتير مسؤوليات ولازم تخلصها وتتم اكتر من شي بوقت واحد حاول ترتب امورك وكل شي رح يكون منيح ..

عاطفيا : فكر بعلاقتك ويبدو الوضع العاطفي بيحتاج لاهتمام اكبر من الشريك وانشالله يوم جيد ..

■النسبة المئوية :

●مهنيا : %66 ●ماليا : %61 ●عاطفيا : %69 ●صحيا : %60

#الجدي

من الايام يلي عم تسافر او تغير فيها بالنهار وفي قصص عائلية لكن بعد الضهر بترجع طاقتك وبتكون بوضع افضل بكتير بدعم الحظ وحتى ترجع مكانتك وكمان في فرص بتجيك لشغل جديد واوقات ممتعة ..

عاطفيا : تفائل لأن يوم مناسب لترجع حب قديم ويبتسملك الحظ بالعاطفة مع الشريك ..

■النسبة المئوية :

●مهنيا : %81 ●ماليا : %87 ●عاطفيا : %89 ●صحيا : %74

#الدلو

استغل علاقاتك بالنهار وهدي المسا لان في توتر عائلي وقصص بتشغلك بالبيت او حتى عم تفكر تنقل على بيت جديد خليك اجتماعي ودير بالك على افراد عيلتك وكل شي رح يكون تمام ..

عاطفيا : يومك متقلب وعم يكون في قصص بدها حل بعلاقتك وانت محتار بموضوع الشريك ..

■النسبة المئوية :

●مهنيا : %70 ●ماليا : %77 ●عاطفيا : %72 ●صحيا : %71

#الحوت

من الايام يلي فيها مبلغ مالي ممكن يجيك وتحسن بوضعك وبعد الضهر بتتحرك بشكل أفضل ويمكن تطلع مشوار لتكون مع اخ وتنعزم وكمان في كتير قصص بساعدك فيها هاليوم لتنحل لكن انتبه من الحوادث ..

عاطفيا : عم يكون وضعك العاطفي منيح اذا بدك تلتقي الشريك ويكون في حظوظ جيدة ..

■النسبة المئوية :

●مهنيا : %74 ●ماليا : %76 ●عاطفيا : %80 ●صحيا : %68

أعجبني