القمر بينتقل لبرج الثور ♉

💥توقعات عامة 🔥
عم نشوف حاليا اقتران القمر بعطارد ببرج الحمل مع زاوية تربيع مع بلوتو ببرج الجدي وهالشي بخلينا نتسرع احيانا بقراراتنا وبيتعرض بعض المشاهير لتشويه سمعة بهي الأيام بالاضافة لانو منحس انو ماعنا صبر وبدنا كل شي يمرق ويخلص بسرعة..
الكواكب عم تتحرك باتجاه برج الثور وعم يكون عنا اورانوس بالاضافة للشمس باقتران خلال الايام القادمة وبزاوية تربيع مع زحل ببرج الدلو وهون منشوف انو في تغييرت اقتصادية كبيرة حصلت وعم تحصل وسبق وحكينا انو السنة لتغييرات كبيرة بالاقتصاد العالمي والأمن الغذايي ورح نشوف دول ىح تنهار وتطلع دول جديد وتتغير موازين القوى والسلطة..
منلاحظ كمان تواجد بلوتو والمشتري بالجدي والشمس واورانوس وبكرا المسا القمر ببرج الثور ووكلو كواكب كبيرة بأبراج ترابية وهالشي ممكن يأثر على القشرة الأرضية وغالبا ورح نشوف نشاط بالزلازل والبراكين بدرجة أقل والاعاصير كمان وتأثر لحركة الطيران وغالبا في تغييرات مهمة بتخص الاقتصاد العالمي وعم نلمس هالشي حاليا..
غالبا تسارع الاحداث يلي عم يحصل على المدى البعيد ايجابي لكن نحنا بحاجة وقت لتمرق هالقصة وبشوف في احداث جديدة خلال الشهر القادم..
تأثيرات الفترة القادمة على كل برج ضمن التوقعات اليومية..