القمر عم يكون ببرج الحوت ♓

#الحمل ♈

انتبه لوضعك ولاتتسرع بشي جديد لان في تأجيل ..
مو مرتاح لحدا كلو عم يخذلك والناس يلي حوليك عم تثبت بجدارة انها مابتستاهل الثقة وانو كنت مخدوع فين لكن لاتخاف يوم وبمر وفكر ببكرا أكيد وخليك بعيد عن الأعمال الضرورية لان يوم بيحملك تأجيل ..
عاطفيا .. عم تعاني من العلاقة وعم تسمع حكي بخليك ماترتاح للشريك ..
■النسبة المئوية :
●مهنيا : %59

●ماليا : %60

●عاطفيا : %67

●صحيا : %62

#الثور ♉

يومك منيح والرفقات بيدعموك بهيك يوم ..
استغل دعم الرفقة الك وبتلاقي دعم حقيقي من الأصدقاء حاول تستفيد وتستغل هاد الشي وممكن صديق يساعدك لتحقق حلم عندك بدي منك ماتبقى لحالك ولقاءاتك عم تكون مثمرة هاليوم وعزايم ..
عاطفيا .. عندك صداقات كتير لكن ماعم تفكر بالحب وبدك تخلص من الأشخاص المزعجين بحياتك ..
■النسبة المئوية :
●مهنيا : %72

●ماليا : %70

●عاطفيا : %78

●صحيا : %74

#الجوزاء ♊

انت تحت الاختبار ويوم مهم لشغل عندك ..
شغل مهم عندك بشغل وشي مصيري و في قصة بتخص حياتك ولازم تكون جاهز يعني ممكن امتحان او منصب او مكان جديد بحياتك كمان لازم تنتبه من مخالفة القوانين وخاصة بالتعامل مع المسؤولين عنك ..
عاطفيا .. عم تتعرض لقصص عم توترك لكن هي حالة مؤقتة بس خليك رايق وبعد عن الاستفزاز ..
■النسبة المئوية :
●مهنيا : %69

●ماليا : %66

●عاطفيا : %72

●صحيا : %75

#السرطان ♋

يوم لعلاقات وناس جديد وسفر ودراسة ..
يوم مميز بتجديد ومابعرف اذا عم تفكر بسفر هاليوم او عم تتلقى اتصالات بعيدة او من ناس غريبة عنك ويمكن بهاليوم عم تفكر تبدا دراسة جديدة او تنزل عالنادي بالمجمل يوم منيح مهنيا وبالعلاقات ..
عاطفيا .. لازم تحسم خياراتك بعلاقتك بالشريك وبظن في شخص عم تتعرف عليه عن جديد وحابب يكون شريك عاطفي ..
■النسبة المئوية :
●مهنيا : %85

●ماليا : %80

●عاطفيا : %84

●صحيا : %82

#الأسد ♌

في حل لبعض الأمور ومال وورقة بتحصل عليها ..
بترتاح من الضغط وبعد ايام كانت صعبة وكلها قصص مؤذية الك نفسيا ومهنيا صار فيك ترتاح نسبيا وتفكر بحلول وحتى تحصل على مال من شراكة او ميراث حتى وفي حل لقضية قانونية وشفاء من مرض تعبك ..
عاطفيا .. انت بيوم جيد نسبيا فيك تصالح الشريك او تحل المشاكل واذا مافي شريك فعندك عاطفة قوية لشراكة جديدة ..
■النسبة المئوية :
●مهنيا : %65

●ماليا : %78

●عاطفيا : %72

●صحيا : %68

#العذراء ♍

يوم لشراكة وعقد وارتباط ممكن كمان ..
عندك افكار كتير براسك وضغط بهاليوم و عم تسمع اخبار ماعم تريحك وعم تلتقي بأشخاص تستفزك وانت بدك بس يهدى وضعك وتستقر وفيك كمان بهاليوم تتم شراكة او تشتغل ضمن شركة بس لا تنفعل ..
عاطفيا .. يوم بيحمل ارتباط للأعذب وعم يفكر يرتبط ومشكل بالعلاقة للمرتبط لأن كتير في ضغط عليك فخلي العالم تتجنب تزعلك ..
■النسبة المئوية :
●مهنيا : %61

●ماليا : %60

●عاطفيا : %68

●صحيا : %65

#الميزان ♎

يوم لبداية شغل جديد ومسؤوليات وقصة صحية ..
يوم لبدا شغل عندك وبكون حافل بقصص كتير ويمكن عم تتعرض لوعكة صحية بتأثر عليك وعم تحس بالتعب والتراكم بالمسؤوليات مشان هيك لازم ترتاح وتنظم وقتك واكلك بهاليوم وتكون جاهز ..
عاطفيا .. عم تكون جذاب للجنس الآخر وماعم تعرف تختار او مابدك شخص كيف ماكان بحياتك العاطفية ..
■النسبة المئوية :
●مهنيا : %63

●ماليا : %57

●عاطفيا : %62

●صحيا : %58

#العقرب ♏

يوم في حظوظ وعاطفتك بأفضل حال ..
عندك يوم حلو واوقات بتدعمك وقصص بتساعدك لتستغل فرصة او تحصل على طلب ناطروا من زمان ورح تلاقي الحظ اليوم وممكن بعض الاناث يحصل عندن حمل او قصة بتخص احد الابناء ..
عاطفيا .. يوم مميز وممكن يشهد رجعة حب قديم ليحكيك غير ان بتكون جذاب وبتحصل على رومنسية بهاليوم ..
■النسبة المئوية :
●مهنيا : %87

●ماليا : %80

●عاطفيا : %88

●صحيا : %82

#القوس ♐

يوم لبيت جديد وقصة عقار وموضوع عائلي ..
بيشغلك وضعك بالبيت ويمكن مسؤولية عيلتك تاعبتك وممكن كتير تكون عم تغير مكان سكنك او حتى مكان شغلك بهاليوم خليك رايق وتعامل بحكمة واعتني بأهلك وبحالك صحيا وممكن بيع عقار شاغلك ..
عاطفيا .. في احساس جواتك انو رح تسمع خبر عاطفي ومن حب قديم ممكن انتظر هاد الشي وافتح قلبك وافصل بين حبك وعيلتك ..
■النسبة المئوية :
●مهنيا : %63

●ماليا : %60

●عاطفيا : %66

●صحيا : %62

#الجدي ♑

يوم لسفر قصير اتصالات كتير واقناع برايك ولقاءات ..
قصة سيارة او موبايل بتشغلك وعم تتحرك كتير بهاليوم ممكن تسافر او تطلع مشوار وكمان تحكي لفترات طويلة باتصالات او عالنت وانتبهلي من الحوادث ولاخواتك لان بحاجتك وكمان في تطورات حلوة ..
عاطفيا .. من الأيام الحلوة يلي اذا حبيت تشوف فيها الشريك رح تكون طلتك غير شكل ..
■النسبة المئوية :
●مهنيا : %76

●ماليا : %72

●عاطفيا : %78

●صحيا : %73

#الدلو ♒

يوم انت بحاجة مال في وعندك مصاريف زيادة ..
أفكار كتير براسك والقصص بهاليوم عم تدور بالمجال المالي عندك يمكن ناطر مبلغ من حدا او بدك تبدا شغل جديد لكن عم تحس انو في ناس بدها تنصب عليك فانتبه وغير هيك ضبلي ايدك لان زايد مصروفك ..
عاطفيا .. انت عم تبحث عن استقرار بهالفترة وقلبك ماعم يعرف يثبت على حدا بدها شوية دراسة علاقاتك ..
■النسبة المئوية :
●مهنيا : %64

●ماليا : %75

●عاطفيا : %70

●صحيا : %73

#الحوت ♓

بتستعيد مكانتك وألق وبتنحل الأمور عندك ..
بتكون ساحر وطاقتك مرتفعة و عم يكون فرج بهيك يوم فيك تقلب الأمور لصالحك تعمل شي جديد تأكد انو كل شي عم يخدمك حتى لو حسيت بضغط لكن عادي وانت رح تتجاوز هالفترة ورح تنجح اكيد ..
عاطفيا .. كتير قصص عم تتغير بحياتك العاطفية حتى انك ممكن تبدا جب جديد وعندك جاذبية كبيرة ..
■النسبة المئوية :
●مهنيا : %93

●ماليا : %84

●عاطفيا : %88

●صحيا : %86

أعجبني