القمر مكمل ببرج العقرب ♏

#الحمل ♈

عندك قصص مالية وقضية قانونية وحل عندك ..
يوم أريح الك وعم تناقش أمور مالية بتخص موضوع شراكة وحاول تحل القصص يلي كانت عالقة خاصة اذا قانونية وعندك تحسن والضغوط يلي كانت بتبلش تروح وبتحس حالك افضل بكتير ..
عاطفيا .. ساحر عم تكون بهالفترات حاول ماتستفز الشريك ورح ترجع الأمور معو افضل اما الأعذب فرصة لتبدأ رحلة حب جديد ..
■النسبة المئوية :
●مهنيا : %67

●ماليا : %77

●عاطفيا : %70

●صحيا : %74

#الثور ♉

شراكات جديدة عندك وفرصة ارتباط للبعض ..
مدايق وعليك ضغط بس انت قادر تعمل عقد شراكة مع حدا بس خليك منتبه ودقيق لكل شي يمكن مو مرتاح وهالشي رح ينتهي قريبا فلا تحملها زيادة وحاول ماتصعد الخلافات مع محيطك ..
عاطفيا .. بتشعر أنك بحاجة لشخص غير كل يلي قابلتن بحاجة لحدا مميز يقدر يقنعك بحبو الك وفرص ارتباط للبعض ..
■النسبة المئوية :
●مهنيا : %60

●ماليا : %58

●عاطفيا : %67

●صحيا : %63

#الجوزاء ♊

شغل كتير عندك وعم يقلقك موضوع صحي ..
عندك كتير قصص والتزامات وبهاليوم قادر تخلص كل شي اذا بكرت وما تاخرت بشي ورتبت أمورك وبدي منك تحافظ على صحتك خاصة من الناحية النفسية وتبتعد عن المشاحنات وعندك بداية شغل جديد ..
عاطفيا .. متردد بعلاقتك وعم تحس انو مابدك تغلط او مابدك تكفي والأمور عم تحيرك ..
■النسبة المئوية :
●مهنيا : %63

●ماليا : %59

●عاطفيا : %67

●صحيا : %61

#السرطان ♋

عندك حظ حلو بهاليوم واخبار بتدعمك ..
يومك حلو وبتتحسن اوضاعك العائلية وعندك يوم أفضل بيحملك اوقات حلوة وبتشعر انو نفسيتك صارت اهدى وفي شي منيح عم يصير وتحسن مهني تفاعل مع محيطك بايجابية ولاتخاف الحظ معك ..
عاطفيا .. من افضل الايام للعاطفة والحب فبادر وخلي ثقتك بحالك كبيرة لكن انتبه من سوء تفاهم ..
■النسبة المئوية :
●مهنيا : %85

●ماليا : %83

●عاطفيا : %91

●صحيا : %80

#الأسد ♌

امور عائلية عم تشغلك وقصص وتغييرات .. 
عندك امور بالبيت عندك وتغييرات وقصص عم تحلها وبتحس انو عليك مسؤوليات كبيرة ولازم تحل القصص العالقة هالشي بيتعبك وبحطك بوضع صعب بس انت قدها ورح تنحل وحاول تتفهم الوضع ..
عاطفيا .. عم تحلى وتزيد جاذبيتك وهالشي بيعطيك فرص حلوة لحب جديد ..
■النسبة المئوية :
●مهنيا : %62

●ماليا : %67

●عاطفيا : %65

●صحيا : %59

#العذراء ♍

يوم للقاءات وسفر وتحسن بالعلاقات ..
قادر تتواصل بهاليوم وتتلقى اتصالات من ناس كتير وقادر تصل وتعزز ثقة الكل فيك وممكن يشغلك موضوع بخص احد الاخوة أو الجيران وبالمجمل وضعك منيح بس انتبه من سوء تفاهم ومن حوادث ممكنة ..
عاطفيا .. حاول تختار صح بحبك اذا بدك يستمر ولا تتسرع وكون مع الشريك الصح ..
■النسبة المئوية :
●مهنيا : %72

●ماليا : %70

●عاطفيا : %78

●صحيا : %75

#الميزان ♎

عندك مال رح يجيك وشغل كمان ..
عم يكون يومك حافل بالمال وفي بداية شغل و انت بحاجة لضبط مصروفك بهاليوم واحتمال تحصل على مبلغ مالي لكن لازم تعرف كيف تتصرف وتضب ايدك شوي لتحافظ على يلي بقي معك ..
عاطفيا .. الوضع العاطفي منيح عندك وعم تفكر كيف تحصل على الاستقار بعلاقتك ..
■النسبة المئوية :
●مهنيا : %71

●ماليا : %80

●عاطفيا : %73

●صحيا : %69

#العقرب ♏

عندك حظ واخبار حلوة بتسعدك بهاليوم ..
بتستعيد طاقتك وعم تحصل على دعم من الناس يلي حوليك وعم ترجع الثقة من جديد وتكون طاقتك غير حاول تفتح صفحة جديدة وانسى الماضي وفكر بخطوات مناسبة لوضعك وشغلك وحياتك ..
عاطفيا .. يوم بيحملك عاطفة وحب جديد اذا كنت عم تفكر بهالشي وفرصة حب جديد ..
■النسبة المئوية :
●مهنيا : %92

●ماليا : %82

●عاطفيا : %87

●صحيا : %84

#القوس ♐

مدايق من قصص عم تتأجل وناطر حلول ..
مو عبعضك هاليوم مدايق وماعم تعرف ليش حاسس حالك مو مرتاح وكأنو كل شي ماشي بالعكس وبدل ماتتقدم عم تتراجع بدي منك ماتخاف هي حالة ورح تنتهي بدي منك تصبر وتراعي صحتك هاليوم ..
عاطفيا .. لاتزعل على حدا المهم انت خليك بعيد عن الانفعال والعصبية ولاتحكم عالشريك ..
■النسبة المئوية :
●مهنيا : %61

●ماليا : %60

●عاطفيا : %58

●صحيا : %65

#الجدي ♑

تطورات حلوة بالعلاقات وعزيمة ومناسبة عندك ..
عندك لقاءات حلوة هاليوم وممكن اليوم تفكر بقصة وتطلب مساعدة لتصل للي بدك ياه لاتبقى لحالك ورح تحصل على الدعم المطلوب من وجودك مع رفقاتك وممكن تنعزم مع شخص غالي عليك ..
عاطفيا .. انت أكبر من انو تتنازل وهاد الصح برأيي حاول تنهي كل شي بمجرد انتهى الاهتمام ..
■النسبة المئوية :
●مهنيا : %74

●ماليا : %77

●عاطفيا : %79

●صحيا : %71

#الدلو ♒

عندك شغل حلو بهالفترة وامور مهنية مهمة ..
جهز حالك لأنك بهاليوم عم تفكر بشغل جديد او تغير شي بحياتك هي الفترة والتطور يلي عم تمر فيه يوم بيحتاج منك السرعة والتعامل السليم مع كل شي وخصوصا الاعداء وفي عندك موضوع مهم بيشغلك ..
عاطفيا .. بتشعر انو في فرصة من لقاءات عفوية ليصير حب وتكبر علاقة مستقبلا خليك جاهز ..
■النسبة المئوية :
●مهنيا : %74

●ماليا : %66

●عاطفيا : %73

●صحيا : %75

#الحوت ♓

اجواء حلوة بالناس الجديدة والسفر والحظ ..
احداث حلوة بتسعدك بهاليوم وعم تبدا شغل او علم جديد كلها احداث ايجابية بيوم منيح نسبيا حاول تستغل كل الوقت لتحسن وضعك بهاليوم وتصل لحلول وتفاهم مع محيطك وفرص سفر ..
عاطفيا .. انت مشرق وحليان وهالشي عم يعطيك اخبار حلوة رومنسيا ولقاء مع الشريك يمكن ..
■النسبة المئوية :
●مهنيا : %83

●ماليا : %81

●عاطفيا : %86

●صحيا : %85

أعجبني