:: مواضيع منوعة ::
الابراج اليومية العامة - الاثنين - 21-01-2019
حجم الخط

القمر عم ينتقل لبرج الأسد ♌
🌙🌚 خسوف شبه كلي للقمر في برج الأسد بكرا وبتشوفوه بيبدا حوالي الساعة 5 صباحا وبأثر علينا بجوانب بتخص العاطفة اكتر شي ومشاعرنا بتشهد تقلبات كبيرة حسب كل برج وخاصة الثور والأسد والعقرب والدلو بتمنى الخير للكل بهالفترة ..

#الحمل ♈
يومك افضل وتطورات حلوة وحظ وعاطفة عندك ..
بتشعر بطاقة ويمكن هاليوم منيح لترتاح وتحل مشاكلك العائلية ويوم من الأيام الحلوة وعم تطلع من اوضاعك الصعبة تدريجيا وخاصة بالبيت وعم يكون في حلول بهاليوم وعندك فرص مهمة ومابيمنع بهاليوم تهتم بموضوع الاطفال عندك وانتبه عاطفيا كمان بسبب الخسوف ..
عاطفيا .. كتير حلو يومك اذا بدك تقضي وقت حلو مع الشريك او حتى اذا اعذب فرصة لتلافي حب جديد او يرجعلك حب قديم ..
■النسبة المئوية :
●مهنيا : %81

●ماليا : %84

●عاطفيا : %89

●صحيا : %80

#الثور ♉
توتر عائلي وتغييرات عندك بالسكن وعقار ..
انتبه لأن مو عبعضك هاليوم وبكون في قصص عائلية بتشغلك وامور بالبيت ماعم تريحك يمكن مشغول بالك على حدا من الاهل وعم تفكر بحل وانتبه لوضعك الصحي فانتبه وخليك متفهم وهادي وفكر كيف تحل أمورك والخسوف بنبهك لاهلك والمقربين والقصص العقارية ..
عاطفيا .. عندك قصة عم تكركب علاقتك وخاصة اذا الوضع في حكي ناس كتير ولت وعجن ..
■النسبة المئوية :
●مهنيا : %61

●ماليا : %67

●عاطفيا : %65

●صحيا : %59

#الجوزاء ♊
منيح هاليوم لتسافر وتنجح وتصل ..
شاطر انت هاليوم و عم يكون وفي تواصل مع كتير عالم وملفت ومميز وعم تحصل على دعم الكتار من الناس قادر تقنع وتوصل رأيك وكمان عندك فرصة لتسافر بس انتبهلي من الحوادث ودير بالك من مشكلة او قصة بموبايلك بسببها الخسوف وحاول تقلب الأمور لصالحك ..
عاطفيا .. عم تكون مميز بطلتك وحضورك وفي نظرات اعجاب الك بيوم جيد عاطفيا عندك ..
■النسبة المئوية :
●مهنيا : %75

●ماليا : %78

●عاطفيا : %73

●صحيا : %80

#السرطان ♋
اضبط وضعك المالي ولاتتسرع بشي مهني ..
يوم بطيء كتير عم تشغل بالك الأمور المالية ووضع الشغل وبدي منك تحاول بهاليوم انك تعيد حساباتك المالية وتفكر اكتر بقصة او مورد جديد للمال وانتبه الخسوف يخلي حدا يخسرك مال كمان انتبه من بعض المصاريف يلي ما الها لزوم وحاول تلاقي حالك بشغل جديد ..
عاطفيا .. في كتير قصص عم تخليك مو راضي لكن الوضع جيد بس انت ساعد لتستمر علاقتكن ..
■النسبة المئوية :
●مهنيا : %69

●ماليا : %82

●عاطفيا : %73

●صحيا : %79

#الأسد ♌
يوم مهم ومصيري وانفراج بوضعك العام ..
بتكون مميز بعد أيام من الضغط الكبير يلي عانيت منها عم تكون افضل وعم ترجع لوضعك تدريجيا عم يكون في عندك حلول واخبار حلوة واحساس بانو رجعتلك الطاقة اما بالنسبة للخسوف فانتبه صحيا وعاطفيا وحاول ماتنفعل حتى يمر على خير اكيد ..
عاطفيا .. كتير عندك جاذبية بهاليوم وكمان قادر اذا بدك انو تبدا حب جديد وتغير حالتك العاطفية ..
■النسبة المئوية :
●مهنيا : %78

●ماليا : %84

●عاطفيا : %87

●صحيا : %82

#العذراء ♍
انتبه من مؤامرة البعض عليك وصحيا كمان ..
في ناس مابتردلك الخير وخاصة مع الخسوف بالأسد وفي شي عم يعاكسك وعم تكون مو مرتاح بالمجمل كتير قصص عم تكون ضدك مشان هيك عم تفكر كيف تحلها انا بدي منك تصبر وحاول مابتقى لحالك ومع الأيام مل شي بينحل بس روق وهدي هاليوم وانتبه لصحتك
عاطفيا .. حالة من الضياع عم تعاني منها حتى الشريك ماعم يفهمك ولا عم يقدر وضعك ..
■النسبة المئوية :
●مهنيا : %58

●ماليا : %60

●عاطفيا : %57

●صحيا : %62

#الميزان ♎
عم تنعزم ويكون عندك اجواء اجتماعية حلوة ..
عم تحس بوجود كتير أصدقاء حولك وداعمين الك وبدي منك تستغل يومك لتكون طلتك مميزة وخاصة مع اصدقاء مقربين الك وتقضو مع بعض وقت ممتع تطلع فيه من جو الروتين يلي عايشو وحاول تستفيد من مساعدة صديق الك اذا احتجت وانتبه الخسوف يخسرك صديق ..
عاطفيا .. كتير عم تكون جذاب بحضورك استغل هالشي وحاول تتقرب من الشريك وتحسن العلاقة ..
■النسبة المئوية :
●مهنيا : %69

●ماليا : %72

●عاطفيا : %77

●صحيا : %74

#العقرب ♏
يوم مصيري عندك وتغيير متوقع بالشغل ..
قصص مهمة عندك فحاول تكون جاهز لأن عم يكون يوم مافي حل وسط اما تصل وتحصل على ترقية وتكون ملفت او تتلقى الملامة وتكون مهدد بترك الشغل لهيك كون جاهز لتقدم احسن ماعندك وانشالله رح تنجح فلا تخاف والخسوف بحذرك من مخالفة القوانين ..
عاطفيا .. يوم في لقاء مهم عندك وبدك تعرف مصير علاقتك انتبه وكون ذكي لتعرف تمشي الأمور ..
■النسبة المئوية :
●مهنيا : %77

●ماليا : %75

●عاطفيا : %80

●صحيا : %73

#القوس ♐
معارف جديدة سفر ولقاءات حلوة ..
مع الخسوف يعتبر من الأيام الحلوة يلي بتدعمك بشدة وبتساعدك فعندك يوم مميز بيحملك كتير احداث ايجابية حاول تستغل هالشي وتعرف تستفيد من كل الوقت ورح يكون عندك سفر ممكن او حتى دراسة او قصة جديدة لكن انتبه من الحوادث واتصالات جديدة عندك ..
عاطفيا .. الامور منيحة استغل هيك يوم لتحصل على أفضل الأوقات رومنسيا ..
■النسبة المئوية :
●مهنيا : %82

●ماليا : %89

●عاطفيا : %85

●صحيا : %81

#الجدي ♑
قصص مالية ومهنية وتغييرات لافضل ..
انت افضل وبتحس بارتياح بعد ضغط كبير عانيت منو بالايام الماضية عم تطلع من هي الحالة ويكون في فرصة لتحل الامور وتصالح بعض الناس لتحصل على مال ممكن من شراكة او ميراث كمان حل قصة قانونية لكن يمكن تخسر حدا هالفترة من تأثير الخسوف وانتبه ماليا ..
عاطفيا .. انت بحال افضل وتحسن بعلاقاتك وعم يكون في عاطفة كبيرة جواتك وممكن حنين ..
■النسبة المئوية :
●مهنيا : %66

●ماليا : %76

●عاطفيا : %74

●صحيا : %71

#الدلو ♒
يوم نهاية شراكات وبداية شراكات وفي توتر ..
عم تدخل يوم في انخفاض بطاقتك مشان هيك لازم تهدي ويوم في ضغط عم تكون منفعل بلحظة ممكن تنفجر بوجه الأشخاص يلي معك مشان هيك لازم ينتبهو بمعاملتك وكتير عم يكون في توتر بالجو بسبب الخسوف لكن ممكن تتجنب هالشي وتعمل شراكة جديدة ..
عاطفيا .. امكانية الارتباط عندك بهاليوم مابتمنع من حالتك الصعبة بعلاقاتك ..
■النسبة المئوية :
●مهنيا : %59

●ماليا : %60

●عاطفيا : %68

●صحيا : %65

#الحوت ♓
انتبه صحيا ولاتحاول تترك الشغل يتراكم بيومك ..
خليك جاهز انت أمام بداية مسؤوليات جديدة ناطرتك بهاليوم وعم يكون يومك كلو شغل يمكن ماعم تفضى تحك راسك وبتحس الوقت قليل مشان هيك كل شي و تنظيم كمان صحتك ماعم تساعدك ولازم تنتبهلا وتحاول تتأقلم وبدون حساسيتك يلي بتزيد بسبب الخسوف ..
عاطفيا .. يوم بيحملك حالة من عدم الرضا عن شي وبدك شريك يفهمك ومايزيدها عليك ..
■النسبة المئوية :
●مهنيا : %60

●ماليا : %62

●عاطفيا : %65

●صحيا : %59


39 : تسجيلات الاعجاب
3,744 : مرات المشاهدة
2019-01-20 :تاريخ أضافة الموضوع
شارك عبر الوتساب شارك عبر الفيس بوك
:: التعليقات ::

أكتب تعليق جديد