القمر بيبقى مكمل ببرج الجوزاء ♊

#الحمل ♈
يوم لتنجح وتوصل رأيك وتلتقي ناس كتير ..
انت بيوم بيحملك تطورات حلوة وعم تتخطى ظروف صعبة مريت فيها تفائل قدر الأمكان وخليك ايجابي بهاليوم واستغل الوقت لتبني علاقات حلوة اليوم مع الكل ولتوصل رأيك وبامكانك تسافر وتغير جو وتتحرك براحة اكبر ويمكن عم تنشغل بموضوع بخص احد الاخوة ..
عاطفيا .. احيانا نحنا بحاجة لاوقات عاطفية لنرتاح من اجواء الحياة وفرصة اليوم لمشوار مع الشريك ..
■النسبة المئوية :
●مهنيا : %73

●ماليا : %71

●عاطفيا : %79

●صحيا : %77

#الثور ♉
مصاريف زيادة وتفكير بالمال وعندك مبلغ ..
عيد حساباتك وبدي منك تضب ايدك شوي بهاليوم وفي شغل عندك والأجواء العامة فيها ضغط وتعب عليك بس انت لازم تكون قوي وماتسمح للظروف تتعبك فرصتك اليوم لشغل جديد لمال ممكن يجيك بس انتبه كتير من ناحية مصروفك الزايد ..
عاطفيا .. يمكن انت ببداية حب حاول تستغل هالشي لتعززها وماتسمح للمشاكل تدخل العلاقة ..
■النسبة المئوية :
●مهنيا : %67

●ماليا : %80

●عاطفيا : %77

●صحيا : %74

#الجوزاء ♊
يوم جديد من التحسن واخبار حلوة ..
يومك منيح وبتحس انك بطاقة أعلى وقادر تقلب الموازين بهاليوم وأنك عم ترتاح وبعد أيام صعبة ومعاناة وعدم راحة عم تطلع اليوم تدريجيا من هي الحالة وتصلح الأمور وتفرض شخصيتك حاول تغير كل شي لتبدا من جديد بقوة ومدعوم انت بالطاقة والحظ لاتخاف ..
عاطفيا .. الوضع بيتحسن عندك وحظوظ عاطفية بتنطرك بهي الفترة للأفضل باللقاءات ..
■النسبة المئوية :
●مهنيا : %92

●ماليا : %83

●عاطفيا : %85

●صحيا : %88

#السرطان ♋
مو مرتاح وتأكد انو فترة وبتمرق فهدي ..
مدايق ويمكن ماحان الوقت لترتاح بتحس أنو أغلب الناس ماعم تفهمك منيح ومو رايق ضايج نسبيا والأمور بدل ماتمشي لقدام عم تمشي لورا هالشي بخليك بحالة صعبة ومابتعرف شو تعمل بدي منك صبر وعدم التسرع بشي لان يوم ضعيف الحظ ودير بالك على صحتك ..
عاطفيا .. تعامل بطريقة المسايرة ولا تتخذ اي قرار بعلاقتك لأن رح تكون بموقف صعب مع الشريك ..
■النسبة المئوية :
●مهنيا : %60

●ماليا : %58

●عاطفيا : %67

●صحيا : %63

#الأسد ♌
وضعك أفضل ولقاء حلو ناطرك وصديق غالي ..
اجواء أفضل هاليوم ويمكن في كتير أصدقاء ببالك لتكون معن بهيك يوم وانت مرتاح نسبيا و يوم فيك فيه تتمنى امنية وتطلب مساعدة صديق لتحقيقها بيحملك حالة اجتماعية مميزة وهلي عندك ثقة بوجود كتار معك ودعم كبير حاول تستفيد منو لتدفع مصالحك ..
عاطفيا .. لاتتعامل مع التغيير الحاصل بعلاقتك بطريقة مؤذية للعلاقة وحاول تصل لبر الأمان معو ..
■النسبة المئوية :
●مهنيا : %78

●ماليا : %68

●عاطفيا : %75

●صحيا : %65

#العذراء ♍
منيح وضعك وقصة مصيرية بشغل عندك ..
حاول هاليوم تساير وانتبه من اي مخالفة للقوانين أو الاستفزاز و بيحملك هاليوم تحديات كتير وتوتر حاول تكون رايق وتحل أمور الشغل بهدوء وممكن ينحط اللوم عليك وتخرب شي قصة اذا كنت متسرع وما انتبهت وممكن كمان تكون باختبار او تتعامل مع مسؤول ..
عاطفيا .. التعامل مع الشريك عم يضايقك فأنت بحاجة لاهتمام كبير لتكون مرتاح وهالشي يمكن ماعم يفهمو ..
■النسبة المئوية :
●مهنيا : %63

●ماليا : %60

●عاطفيا : %65

●صحيا : %68

#الميزان ♎
منيح يومك لتغييرات لقاءات وسفر ..
بتكون بحالة أفضل وعم تتخلص من كتير أوقات سيئة بهاليوم ويمكن تعبت كتير بهالفترة لكن عم تطلع من حالة التعب وتشعر بهاليوم انو في شي ايجابي وفي تغير لصالحك حاول تستفيد من هاليوم وفرصة لتسافر وتتلقى اتصالات بعيدة وتتعرف على ناس جديدة ..
عاطفيا .. يوم بيحملك حلول لمشاكل العلاقة ورومنسية انت بحاجة الها بهيك وقت ..
■النسبة المئوية :
●مهنيا : %87

●ماليا : %82

●عاطفيا : %86

●صحيا : %83

#العقرب ♏
وضع مالي أفضل حلول وتغيير بحالتك ..
كنت كتير مضغوط ومريت بأيام مرهقة وكان وضعك صعب الفترة الماضية لكن عم تكون اليوم بوضع افضل نسبيا رغم كل شي فحاول تصالح وتكون اقرب من عيلتك وبتمنى منك تنتبه وتراجع امورك المالية يلي بتخص الشراكة وتحل مشاكلك حتى ترتاح ..
عاطفيا .. لاتشغل بالك كتير بالوضع العام لعلاقتك اهدى وحاول تترك الأمور للأيام لان الانفعال بزيدها صعوبة ..
■النسبة المئوية :
●مهنيا : %66

●ماليا : %77

●عاطفيا : %70

●صحيا : %68

#القوس ♐
شراكات وفرص ارتباط لكن ماتنفعل ..
يوم بدو دبلماسية وبدي منك تنتبه من الناس يلي عم تأذيك وتحاول ماتهتم للحكي وعندك ضغط هاليوم وانت عم تفكر بقصة بتخص عقد او شراكة بهاليوم وممكن تكون ايجابية عليك لكن الاغلب عم يكون متوتر زيادة واي مشكلة عم تكبر بسرعة فخليك بعيد عن المواجهات ..
عاطفيا .. عم تفكر بارتباط او خطبة بهاليوم والبعض عندن ضغط كبير عم يفقدن السيطرة على العلاقة
■النسبة المئوية :
●مهنيا : %58

●ماليا : %61

●عاطفيا : %68

●صحيا : %60

#الجدي ♑
كتير أمور بدها ترتيب ومسؤوليات شغل وصحيا انتبه ..
يوم طويل كتير قصص براسك ولازم تخلص كل شي بوقتو وتكون جاهز وعندك مسؤوليات ويوم فيه شغل كتير على عاتقك وتعب محتمل لهيك انتبه لصحتك وحاول ماتقصر بشغلك وحاول بس تخلص الضروري منو لأن ممكن تتعرض للنقد وماحدا رح يقدر تعبك ..
عاطفيا .. ابتعد عن الاجواء المشحونة لأن بتحملك مواجهات انت بغنى عنها ومو ناقصك تعب اكتر ..
■النسبة المئوية :
●مهنيا : %60

●ماليا : %63

●عاطفيا : %66

●صحيا : %58

#الدلو ♒
يوم منيح استغلو بالحظ والعاطفة والفرص ..
تحسن كبير بوضعك وعم يكون عندك كتير أمور وبتشغلك القصص الصحية لكن انت بيوم مساعد الك ويوم بيحملك كتير من العاطفة ومدعوم بالحظوظ فحاول تستغل هالشي لتكون بحال افضل وادفع بمصالحك لتحصل على فرصة عمل ممكن او تسمع خبر يفرحك ..
عاطفيا .. ماتسمح للعناد والمكابرة يحرمك اوقات حلوة تقضيها مع الشريك بدها شوية تنازل ..
■النسبة المئوية :
●مهنيا : %85

●ماليا : %81

●عاطفيا : %89

●صحيا : %80

#الحوت ♓
قصص مي وكهربا وتصليحات بالبيت ووضع عائلي ..
قصص بالبيت تصليحات وامور بتزعجك و عندك قصة عائلية وايام مهمة عم تمر وعم تأثر على شغلك وحياتك وعم تقلب الأمور عندك هالشي حاول تخليه بعيد عن اجواء البيت يلي اليوم اخدة كل تفكيرك وممكن تحطك بمواقف صعبة فخليك رايق وانتبه صحيا ..
عاطفيا .. لاتتعامل بانفعال مع الشريك وحاول تخليه يفهمك ويعرف انو انت ابدا مو مرتاح بسبب الضغط يلي عليك ..
■النسبة المئوية :
●مهنيا : %64

●ماليا : %61

●عاطفيا : %63

●صحيا : %60

أعجبني