القمر بكون صباحا بالدلو ♒
الزهرة عم تنتقل لبرج القوس ♐

#الحمل ♈

تطور بعلاقاتك واجوائك الاجتماعية ..
بتلتقي ناس بتحبا ويوم عم تكون فيه بين الاصدقاء عم تحس بدعم الناس الك ومحبتن وخاصة الاصدقاء المقربين حاول تطلب مساعدة ورح تنجح بهالشي وممكن تحقق شي كنت بتطمح الو من صديق ..
عاطفيا .. استغل وضعك وحاول تعزز علاقاتك لكن بدون استفزاز لان هالشي عم يأثر على علاقاتك ..
■النسبة المئوية :
●مهنيا : %72

●ماليا : %64

●عاطفيا : %70

●صحيا : %69
☆ الزهرة بالقوس : بتدعم عندك السفر واللقاءات الجديدة وفي تواصل افضل مع محيطك ونجاح دراسي ..

#الثور ♉

قصص مهنية مهمة عم تشغلك هاليوم ..
كون عالموعد عندك تغييرات فحاول تكون اليوم جاهز لقصص مهنية مهمة وانتبه بالتعامل مع المسؤولين ولاتخالف القوانين وعندك كمان فرصة لعمل جديد او لحتى تحسن وضعك العام لكن خليك دقيق ..
عاطفيا .. تغييرات كبيرة عم تحصل بحياتك العاطفية حاول تفكر باستمرار العلاقة وبدك شوية رومنسية كمان ..
■النسبة المئوية :
●مهنيا : %70

●ماليا : %61

●عاطفيا : %66

●صحيا : %68
☆ الزهرة بالقوس : بتحل مشاكل قضائية وقانونية وبكون في حلول ومصالحات عندك وميراث ومال ..

#الجوزاء ♊

يوم بيحمل سفر ونجاح وتحسن بوضعك وعلاقاتك ..
تفائل انت بوضع أفضل عم تفكر بالسفر بهاليوم وملائم كتير لهالشي او انك تبدا علم جديد بالحالتين في فرص وكمان عم تتعرف على ناس غريبة او اجنبية وعم يكون الك طريقة مميزة بالتعامل والتواصل معن ..
عاطفيا .. انت بحال افضل ووضعك العاطفي عم يتحسن بهاليوم وممكن تفكر بانك تبدا حب جديد ..
■النسبة المئوية :
●مهنيا : %87

●ماليا : %82

●عاطفيا : %85

●صحيا : %81
☆ الزهرة بالقوس : بتدعم عندك شراكات جديدة مهنية وعاطفية وفرص لارتباط بتدعمك ..

#السرطان ♋

عندك حلول ومال ومصالحات ..
صار أفضل وضعك حاول تحسنو بهاليوم وامور مالية عم تصير أفضل عندك وخاصة يلي بخص الشراكة او حتى ميراث وهالشي رح يدعمك وكمان في حل لمشكلة قضائية وشفاء من مرض اتعبك الفترة الماضية .
عاطفيا .. عم تفكر بمصالحات مع الشريك ووضعك بالمجمل باتجاه تحسن على صعيد العاطفة ..
■النسبة المئوية :
●مهنيا : %63

●ماليا : %75

●عاطفيا : %68

●صحيا : %72
☆ الزهرة بالقوس : بتحسن وضع شغلك اليومك وصحتك كمان وفرصة لتبدا نظام غذائي وصحي ورياضة ..

#الأسد ♌

انتبه من توتر الشراكات عندك ولاتنفعل ..
قصص شراكة وعقود وشغل او عم تنضم لشخص بشغل أو بالمجمل الأمور عم تدور بهالخصوص لكن اي شراكة ضعيفة عم تنتهي هاليوم وعم يكون في كتير توتر وضغوط بالجو خاصة من المحيطين الك ..
عاطفيا .. يوم بيحمل تناقض بالخيارات فلازم المرتبطين ينتبهو للعلاقة والاعذب ممكن يكمل ويكون في ارتباط عندو ..
■النسبة المئوية :
●مهنيا : %61

●ماليا : %58

●عاطفيا : %67

●صحيا : %63
☆ الزهرة بالقوس : بتحسن علاقاتك العاطفية وممكن تعطيك فرص لحب جديد يدخل حياتك وبتحسن الحظ كمان ..

#العذراء ♍

خلص شغلك وانتبه لصحتك بهاليوم ..
رتب يومك اكتر شي عم تشغلك امورك الصحية وحاسس بتعب كبير وتراكم الشغل عليك من الصبح عم يحطك بوضع شوي صعب حاول تريح حالك ورتب امورك وخلص الأمور الضرورية ولاترد على الناس ..
عاطفيا .. خليك مساير شوي وعم تحس انو الشريك ماعم يهتم متل الأول ..
■النسبة المئوية :
●مهنيا : %58

●ماليا : %59

●عاطفيا : %62

●صحيا : %65
☆ الزهرة بالقوس : فترة جيدة لشراء او بيع عقار عندك وكمان لتحسين الاجواء العائلية وتغيير مكان السكن او حتى الشغل ..

#الميزان ♎

بين الحظ والعاطفة والفرص والتحسن العائلي يومك ..
يوم حلو ممكن تسمع خبر حلو والحظ بكون معك بالشي يلي بدك تعملو حتى يوم مناسب للانجاب او تعامل بما يخص الاطفال ويوم داعم استغل هالشي لتحصل على فرصة بتخص عمل او نجاح ..
عاطفيا .. من أفضل الايام عاطفيا الجاذبية الك قصوى استغل هالشي وعيش يوم مميز رومنسيا ..
■النسبة المئوية :
●مهنيا : %85

●ماليا : %83

●عاطفيا : %89

●صحيا : %80
☆ الزهرة بالقوس : تطورات بالسفر والحركة وتحسن بالعلاقة مع الاخوة واخبار حلوة دراسية ..

#العقرب ♏

قصص بالبيت وبتخص الاخوة وتصليحات ..
مدايق على حدا من أهلك وكتير زاعجك وضع البيت بتحس المشاكل ماعم تخلص ولازم تلاقي حل عم تفكر تبيع او تشتري عقار وهالشي ممكن بهاليوم حاول تهدى ولاتكون حساس زيادة حتى تعرف تتصرف ..
عاطفيا .. يوم عم يحملك قلك ويمكن في مشكلة بين حبك وأهلك حاول تحلها بهدوء ..
■النسبة المئوية :
●مهنيا : %63

●ماليا : %60

●عاطفيا : %65

●صحيا : %68
☆ الزهرة بالقوس : بتعطيك فرص مالية جديدة وموارد ماكانت بالحسبان قبل ..

#القوس ♐

قادر تنجح وتسافر وتحصل على مال هاليوم ..
مميز بحضورك وانت بيوم افضل لحلول ونجاح ومابعرف اذا اليوم عم تفكر تشتري موبايل او حتى عندك سفرة قصيرة او مشوار وكمان بتحس عندك قدرة على التواصل افضل مع محيطك ونجاح وتطور بالشغل ..
عاطفيا .. ممكن تلتقي الشريك اليوم وتتفاهمو وللاعذب فرصة يلاقي الشخص المناسب الو ..
■النسبة المئوية :
●مهنيا : %78

●ماليا : %68

●عاطفيا : %71

●صحيا : %74
☆ الزهرة ببرجك : بتدعمك بالشكل والحظ والعاطفة والمال لتكون بحال افضل ..

#الجدي ♑

يوم لمال وشغل وبداية مشروع جديد ..
استغل يومك ماليا وخليك هادي واليوم اذا ناطر مال ممكن كتير تحصل عليه وكل تفكيرك بامور بتخص للمصاري بدك تقبض بس كمان مصاريفك زايدة انتبه من هالشي وحاول تبدا شغل جديد او تطور بوضعك ..
عاطفيا .. تعامل مع الامور برواق ويوم ايجابي لكن انت خليك بعيد عن الاستفزاز من الشريك ..
■النسبة المئوية :
●مهنيا : %67

●ماليا : %81

●عاطفيا : %74

●صحيا : %76
☆ الزهرة بالقوس : بتقدر خلال هالفترة تبدا شغلك بمؤسسة كبيرة وتحسن من وضعك ..

#الدلو ♒

تطورات ايجابية وانفراج عندك ..
انت أفضل بوضعك ويوم بينهي التعب يلي مريت فيه وبساعدك لتشوف وضعك بشكل أفضل و بتلاقي حلول لمشاكلك بدي منك تفكر ببكرا وتفتح صفحة جديدة بحياتك وناطرك نجاح ومدعوم انت بالطاقة ..
عاطفيا .. تطورات جديدة بعلاقتك هالفترة وحلول لمشاكل العلاقة وبداية حب جديد ممكنة ..
■النسبة المئوية :
●مهنيا : %89

●ماليا : %82

●عاطفيا : %85

●صحيا : %80
☆ الزهرة بالقوس : تطور بعلاقاتك مع الاصدقاء واجواء اجتماعية حلوة بتدعمك وصديق ممكن يحققلك امنية ويساعدك ..

#الحوت ♓

روق وهدي هاليوم ولاتتسرع ..
يوم من الأيام الصعبة يلي عم تحس فيها انو كل شي متعب وماحدا عم يقدر يفهمك وهالشي عم يخليك تكره الجو والناس يلي عم تحاول تتلاعب بالوضع لصالحها بس بدي ماتزعل ومافي شي رح يضل هيك ..
عاطفيا .. روق بس وهدي حالك وانشالله كل شي بينحل بس بدها شوية وقت ..
■النسبة المئوية :
●مهنيا : %60

●ماليا : %58

●عاطفيا : %62

●صحيا : %66
☆ الزهرة بالقوس : تطور بالوضع المهني وفرص لشغل جديد والبعض ممكن يحصل على منصب ..

أعجبني