القمر عم يكمل ببرج الجدي ♑
كسوف جزئي للشمس ببرج الجدي ♑

🌑 الكسوف رح يكون جزئي ويحجب جزء من مساحة الشمس ولن يرى في سوريا لانه سيبدأ تمام الساعة 1 ونصف فجرا وينتهي قبل شروق الشمس ..
■■ لازم نوضح بعض الأمور انو نحنا بنظام كوني دقيق وأي شي عم يصير عم يكون بمشيئة الله وطبعا حدث الكسوف من الأحداث الطبيعية يلي بتحدث لتغير شي ويكون الها آثار واضحة قبل وبعد وممكن تمتد أشهر ..
□□ لكن الكسوف الحاصل بكرا انا بشوف انو مافي شي بخوف ممكن يعمل تغييرات عميقة وقصص بتحدث فجأة وبالعلاقات العاطفية والأمور يلي بتخص العائلة أو الجذور أو الأرض او حدا قصص بتخص السلطات وتغيير بالاحلاف السياسية وممكن ياثر بقصص بتخص زلازل وبراكين كون الزاوية القادمة رح تتشكل بين كواكب الجدي ومريخ الحمل الناري ..

- حاليا يمكن أغلب الناس بحالة ضغط بسبب تأثيرات الكسوف فترة مؤقتة ورح تمر وفينا نكون جاهزين ونتخلص من التأثيرات السلبية لهالفترة ببعض الأمور :
1- نتعامل مع الوضع بشكل طبيعي ونهتم اكتر بانو نبعد عن الاشخاص السلبيين ونضل مع حدا طاقتو ايجابية متل الأطفال ..
2 - الطبيعة والبحر والاصدقاء الايجابيين كتير مناح بهيك وقت وحاولوا دايما تعززوا الثقة بحالكن ..
3 - نفكر دايما بنية طيبة حتى لو كان الشخص سيء هيك ممكن نتخلص من طاقة الكره والحقد السلبية تجاه الأشخاص ..
4 - شوية تأمل وموسيقا هادية او قرآن لما نكون ضايجين حتى نهدى ..
5 - وآخر شي مانفكر بالماضي ونعزل حالنا مهما كانت حالتنا ونفكر انو فترة وبتمر ورح نكون أفضل ..

○وقد يكون للكسوف تأثير سلبي علينا فهو يجعلنا ندخل بحالة من الاضطراب ..
وله تأثيرات سلبية على العالم بشكل كامل وقد يمتد تأثيره قبل خمس أيام وبعد خمس أيام من يوم حدوثه يلي رح يكون بكرا 
●حيث من الممكن أن يتسبب بالكوارث الطبيعية والأفعال الاجرامية والحروب التي سببها التأثيرات النفسية التي يسببها ..
●قد تففد الطيور اتجاهها حتى الأسماك ايضا في البحار ..
●يحذر من العمليات الجراحية وشراء الاشياء الثمينة ..
●كما يحذر من الأدوات الخطرة والتعامل معها..
●وقد نجد انفسنا بحالة سيئة ولانعرف لذلك سببا .
●الانتباه من الحوادث ان كان حوادث سيارات او حوادث عامة ..
○انا بلشت بالسلبيات لانتهي للايجابيات ..
مابدي حدا يكبر الأمور حدث طبيعي عادي وممكن يفيدنا بانو نخلص من قصة تعبتنا ..
●ممكن يكون متل نقطة نهاية لنرجع نفتح صفحة جديدة بحياتنا
● كمان لازم مانهول الموضوع حدث عادي لكن بأثر على المجالات التالية عند الأبراج ..

#الحمل ♈

انت بأهم أيامك كون قد التحدي ..
عم ينتظرك يوم مهم عم يكون في كتير من القصص بالشغل ماعم تريحك والعين عليك فانتبه وركز بأي حركة الك كمان خليك دقيق بشغلك وعاطفيا لاتغلط وخليك واعي لتصرفاتك لتصل للنجاح ..
عاطفيا .. العيون كتير عليك وخاصة لتبدا حب جديد ..
بالنسبة للكسوف : لاتخالف القوانين وحافظ على سمعتك وشغلك والمسؤولين خليك حذر بالتعامل معن وممكن تصل للشهرة ..
نسبة اليوم 65%

#الثور ♉

أمور داعمة سفر مفاجئ ولقاءات حلوة ..
عم يكون يوم مميز لسفر عندك مشان هيك حاول تستغلها وخاصة بعلاقات جديدة وقصص بتبدا فيها هالفترة حتى عاطفيا عم تكون نظرات الاعجاب موجهة الك لكن انتبه لموبايلك ومن الحوادث ..
عاطفيا .. قلبك عم يدق لشخص جديد وعم تحسن علاقتك ..
بالنسبة للكسوف : حاول تتأكد من كل شي اذا بدك تسافر وانتبه بالتعامل مع الناس الغريبة عنك وكمان انتبه من بعض الأفكار المتشددة دينيا يلي ممكن تجي براسك ..
نسبة اليوم 85%

#الجوزاء ♊

حلول مالية وقضائية وانتبه للمقربين ..
انت بيوم بكون في انخفاض بالضغط عليك وبتحس انو ممكن تحل قصة او قضية عندك كمان ناطر مال بخص شراكة ممكن انك تحصل عليه وعاطفيا في تحسن بالعلاقة وبتشغلك قصة عائلية ..
عاطفيا .. حاول تضل مع الشخص يلي بريح قلبك قبل يلي بحبو قلبك
بالنسبة للكسوف : انتبه ماليا من قصة نصب من شي حدا عليك وكمان بجوز تتأجل عندك قصة بتخص اوراق او قضية قانونية وتحسن بوضعك
نسبة اليوم 68%

#السرطان ♋

انتبه لشراكاتك وهدي ماتنفعل ..
انت بيوم حساس عندك والشراكات بهاليوم عم تكون بقمة التوتر وعم تأثر عليك بمسار حياتك الحالي مشان هيك انتبه وفكر براحتك قبل كل شي وعاطفيا لازم الشريك يتفهمك لتستمر علاقتكن ..
عاطفيا .. اجواء متوترة عم تشهدها علاقاتك هالفترة فهدي ..
بالنسبة للكسوف : لازم تنتبه لشراكاتك وعلاقاتك المهنية والعاطفية بهي الفترة وماتصعد خلاف وهدي بالمواجهات ..
نسبة اليوم 59%

#الأسد ♌

لازم تنتبه صحيا ومهنيا تكون منظم بشغلك ..
عم يكون في عندك تعب ومو مرتاح بهاليوم حتى صحيا يمكن البعض مريض انشالله رح تكون فترة وتمر ويتحسن وضع الشغل والصحة عندك المهم رتب امورك وحاول ترتاح وعاطفيا لاتعتب على شخص مابقدر ..
عاطفيا .. لازم الشريك يقدر تعبك وظروفك هاليوم ليقدر يريحك ..
بالنسبة للكسوف : حاول تنظم امورك وداري وضعك الصحي قدر الامكان وحاول تتأقلم بسرعة اذا بديت شغل جديد ..
نسبة اليوم 63%

#العذراء ♍

تغييرات ايجابية وحلوة عندك بهاليوم ..
تطورات حلوة عم يشهدها يومك ويمكن تحصل على فرص مناسبة تسعدك وتحس انو في اخبار بتسعدك لكن بدك تكون هادي وتختار الافضل الك ومهنيا في شي حلو بهاليوم ..
عاطفيا .. افضل الاوقات لتحسم قرار عاطفي وتقضي اوقات حلوة ..
بالنسبة للكسوف : بدي منك تنتبه بعلاقاتك العاطفية كتير وكمان اذا عندك اطفال ممكن يشغلك قصة بتخص حدا فين ..
نسبة اليوم 83%

#الميزان ♎

يومك في قصص بالبيت بتشغلك وصحتك كمان ..
يوم كتير عم يشغلك فيه اوضاعك العائلية والبيتية او احد الأهل صحتو مومريحتك او بدك تنتقل على بيت جديد بس ماعم تتيسر او حتى بدك تشتري او تبيع عقار وبالمجمل وضعك العام بدو حذر وخاصة الصحي ..
عاطفيا .. يوم بحاجة هدوء بالتعامل ليمر بخير بعلاقتك مع الشريك ..
بالنسبة للكسوف : حاول تبعد عن القصص بالبيت وساير ولاتكون عصبي وانتبه ببيع او شراء عقار هالفترة وحتى صحيا كون منتبه ..
نسبة اليوم : 60%

#العقرب ♏

تطوات لسفر وحركة واتصالات كتير ..
اكتر شي بدي منك تنتبه منو هاليوم هو السفر والطرقات من الحوادث كمان داري موبايلك من كسر او قصة وفي عندك تواصل افضل واتصالات كتير وحاول تعزز علاقاتك المهنية ووضح مواقفك ..
عاطفيا .. ماتسمح لحدا ياثر على خياراتك بالعلاقة بهاليوم ..
بالنسبة للكسوف : انتبه من الحوادث من مشاكل مع الجيران والاخوة ومن اعطال بموبايل او قطع بالنت عندك ..
نسبة اليوم : 72%

#القوس ♐

امور مهمة مالية عم تطرأ على وضعك ..
عم يكون يومك منيح وفي قصص مالية عم تشغلك يمكن عم تصرف كتير وصرت بحاجة تعويض او عندك مبلغ ناطر يجيك وماعم يجي وانطر فترة ليتحسن وضعك بالعلاقات ..
عاطفيا: تعامل بهدوء مع الشريك وعم تحس بملل وحالة من الوحدة ..
بالنسبة للكسوف : انتبه من مشكلة مالية او قصة بتخليك تخسر مبلغ وعندك قصص بتدعمك ..
نسبة اليوم : 66%

#الجدي ♑

تطورات مهنية مهمة ونقطة تحول عندك ..
يوم داعم الك بيحمل تغييرات مهمة على كل الأصعدة عندك ويمكن تدايق من بداية التغيير لكن تأكد انو كل شي لصالحك وفكر بايجابية لان الشي يلي رح يحصل رح يكون لصالحك بعدين عاطفيا ومهنيا ..
عاطفيا .. ماتدايق اذا خلصت عندك علاقة بالعكس فكر بالتجديد ..
بالنسبة للكسوف : استغل هالشي لتغير بوضعك وساعد خالك ولاتكون حساس زيادة حتى ماتتعب ..
نسبة اليوم : 90%

#الدلو ♒

عم يكون يومك بطيء حاول تحافظ على هدوئك وبعد عن الأمور يلي ممكن تزعجك بوضعك العام وماتعطي ثقتك لحدا يوم بتشعر فيه بالوحدة وبتزيد حساسيتك فهدي وحاول تعيد حساباتك ..
عاطفيا .. مابدي منك تنتظر الاهتمام من اشخاص ما بتستاهل ..
بالنسبة للكسوف : هاليوم بدو حذر وماتثق باي شخص وحاول تعتمد على حالك وخاصة انو الاعداء المخفيين كتار وصحيا كمان داري صحتك
نسبة اليوم : 58%

#الحوت ♓

في صديق عم يكون الو دور مهم بيومك ...
حاول تحافظ على علاقاتك الاجتماعية بهاليوم ولاتبقى لحالك حتى مايزيد عليك الضغط النفسي وابتعد عن استفزاز الأعداء الك وعاطفيا انت حليان لكن ماتسمح لحدا يتلاعب بمشاعرك ..
عاطفيا .. بتقدر تكون صداقات جدية وتحولها لحب بهاليوم ..
بالنسبة للكسوف : بكون صعب التعامل وعلاقاتك الاجتماعية ممكن تكون متقلبة ويكون لصديق دور مهم لتحقيق امنية عندك ..
نسبة اليوم : 67%

أعجبني