القمر بالأسد وبعد الضهر بينتقل للعذراء ♍

#الحمل ♈

عندك قصص شغل جديدة وعاطفة وحظ ..
بدي منك تستغل نهارك وحظك والعاطفة الصبح لان بعد الضهر عم يكون كتير عندك قضايا لازم تخلصها حاول تستعين بحدا وترتاح اذا لقيت الفرصة وخلص الضروري بشغلك وكمان انتبه لصحتك ..
♡عاطفيا : كتير امور عم تتغير بعلاقتك لكن انت عليك انو تكون حكيم واعطي فرصة للأيام توضحلك ..
■النسبة المئوية : 
●مهنيا : %63

●ماليا : %60

●عاطفيا : %66

●صحيا : %61

#الثور ♉

مو كتير مرتاح الصبح والمسا تمام وضعك ..
قصص بالبيت بدها حل وانتبه الصبح عائليا وبعد الضهر عم تدخل يوم حلو عم يعطيك الفرصة لتحصل على شغل ناطرو انت او تتحسن علاقتك بشريك قديم فجأة وبالمجمل في عندك حظ بهاليوم ..
♡عاطفيا : حاول تستغل يومك لترجع علاقتك بحب قديم او لتحب من جديد وبالحالتين انت ساحر ..
■النسبة المئوية : 
●مهنيا : %81

●ماليا : %84

●عاطفيا : %78

●صحيا : %80

#الجوزاء ♊

يوم في حركة وتنقلات وقصص عائلية ..
حركة الصبح واتصالات ونجاح وبعد الضهر ممكن تجتمع بقعدة عائلية او تحصل مشكلة مع الأهل وبدا حل وكمان لازم تداري صحة اهلك هالفترة وكل شي بمر بس كون هادي وفيك تبيع او تشتري عقار بهاليوم..
♡عاطفيا : عم تنزعج من أقل كلمة من الشريك وحتى هو صاير مهمل وماعم يقدر ظروفك ..
■النسبة المئوية : 
●مهنيا : %63

●ماليا : %67

●عاطفيا : %69

●صحيا : %60

#السرطان ♋

في امور حلوة مهنية ومال واتصالات المسا ..
بتنشغل بامور مالية الصبح وبعد الضهر عم يكون يومك مميز وقادر فيه تصل لأكبر عدد من الناس وتقنع برأيك وتكون ملفت وعندك حضورك كمان فيك تسافر وتتلقى اتصالات كتير بس انتبهلي من حوادث السير ..
♡عاطفيا : ناطرك كتير أخبار حلوة اذا عرفت تتعامل مع الشريك بهيك يوم وهالشي رح يكون ..
■النسبة المئوية : 
●مهنيا : %76

●ماليا : %75

●عاطفيا : %79

●صحيا : %70

#الأسد ♌

وضعك منيح مهنيا وماليا ويوم افضل ..
انت أفضل الصبح نشاط وطاقة وبعد الضهر يومك عم يدور ضمن اخبار مالية يعني عم تعيد حساباتك وبدك تعرف شو الك وشو عليك يمكن تدايق من الملل الحاصل عندك بس اهم شي في مال ممكن يجيك ..
♡عاطفيا : حاول ماتسمح للبرود يدخل علاقتك ولاتخلي وضعك يأثر عليها ..
■النسبة المئوية : 
●مهنيا : %73

●ماليا : %77

●عاطفيا : %80

●صحيا : %82

#العذراء ♍

امورك منيحة وتحسن كبير بعد الضهر ..
عم تكون مدايق بالنهار ومو عبعضك اما بعد الضهر بداية جديدة بحياتك المهنية حاول تغير بشكلك وبحالك وماتلتفت للماضي كل شي رح يكون معك والحظوظ داعمة فكر بنجاحك والفرص الجاية الك واستغلها ..
♡عاطفيا : من الايام الحلوة وعندك اخبار حلوة عاطفية ممكن تسمعها المسا ..
■النسبة المئوية : 
●مهنيا : %82

●ماليا : %83

●عاطفيا : %78

●صحيا : %86

#الميزان ♎

الصبح منيح وبعد الضهر انتبه ولاتتسرع ..
عزايم ولقاءات وبالنهار اصدقاء وبعد الضهر عم يكون يوم في كتير ضغط عليك هالشي بأثر على نفسيتك بخليك تزعل من كتر المتخاذلين معك بدي منك تهدى وماتعمل شي ليمر هاليوم على خير عندك ..
♡عاطفيا : لاتعتب على حدا مابيستاهل مشاعرك وفكر بشخص بيستاهلك ..
■النسبة المئوية : 
●مهنيا : %58

●ماليا : %61

●عاطفيا : %66

●صحيا : %64

#العقرب ♏

منيح يومك مهنيا وبلقاءات حلوة ..
ركز وانتبه بشغلك الصبح وبعد الضهر عم تعيش يوم حافل بالأصدقاء يعني ممكن تعمل عزيمة اكل او تطلع مع رفقاتك مشوار حلو وعندك حضور مميز وعم يكون حديثك ملفت بهاليوم فلا تبقى لحالك فيه ..
♡عاطفيا : يوم مميز عم تكون مميز بحضورك وكتير اشخاص مهتمين فيك هاليوم ..
■النسبة المئوية : 
●مهنيا : %77

●ماليا : %66

●عاطفيا : %75

●صحيا : %73

#القوس ♐

منيح يومك الصبح وفي فرص شغل عندك ..
يومك ايجابي بدي تستغل الصبح لان بعد الضهر بدك تكون جاهز للقاءات مع ناس مهمة ومسؤولة كمان في فرصة لتبدا شغل جديد وكمان ماتخالف القوانين واكيد العيون عليك فانتبه وخليك واثق من حالك ..
♡عاطفيا : تطورات بالعلاقة بتخليك تغير تعاملك والشريك ماعم يقدر كل شي عم تساويه ..
■النسبة المئوية : 
●مهنيا : %69

●ماليا : %66

●عاطفيا : %72

●صحيا : %70

#الجدي ♑

مال وامور مشتركة وناس جديدة المسا ..
الصبح حاول تخلص من مشاكلك وبعد الضهر من الأيام الايجابية عندك يلي بتدعمك بمجال السفر والتعرف على ناس جديدة بحياتك كمان ممكن تتلقى اتصالات بعيدة ويكون عندك حضور مميز وطاغي ..
♡عاطفيا : حاول تصلح علاقتك بالشريك ومن الايام الجيدة لحب جديد او لتحسين وضع قلبك ..
■النسبة المئوية : 
●مهنيا : %86

●ماليا : %84

●عاطفيا : %82

●صحيا : %81

#الدلو ♒

انتبه من التوتر والمسا وضعك أفضل ..
بدي تروق بالنهار وتهدي الصبح بعلاقاتك وبعد الضهر يوم بخليك تكون مرتاح بعد اسبوع صعب حاول تفكر بمورد مالي وكمان عندك فرصة لمصالحات وبترتاح فهدي الأوضاع وانشالله هاليوم بيكون مساعد الك ..
♡عاطفيا : انت تعبت من علاقتك وصار بدك حلول وحدا يفهمك وخاصة انك عم تحي بالوحدة ..
■النسبة المئوية : 
●مهنيا : %62

●ماليا : %70

●عاطفيا : %66

●صحيا : %68

#الحوت ♓

يوم منيح بشغل وشراكات عندك ..
قصص شغل الصبح وبعد الضهر عم يكون في فرص عندك لتتم شراكات جديدة وحاول تختار الشريك صح كمان عم تحس انو الناس صارت متل الوحوش وماحدا عم يقدر وضعك وتعبك فهدي هاليوم بس ..
♡عاطفيا : يوم مابيخلى من الضغوط يلي حوليك لكن انت لاتصعبا وماتعطي اهمية لكلام حدا ..
■النسبة المئوية : 
●مهنيا : %58

●ماليا : %62

●عاطفيا : %67

●صحيا : %60

أعجبني