القمر بكمل ببرج الثور ♉
الشمس عم تنتقل بكرا لبرج القوس لتعطي طاقة لأبراج النار والهواء بصفة أقل ويكون في حب للسفر والتغيير والتحرر والمغامرة والتفاؤل اكيد ونكون متحررين تكتر من القيود منطلقين بأفكارنا ايجابيين بطاقتنا وكل عام وكل مواليد القوس بألف خير ❤♐

#الحمل ♈

كتير في فرص مالية هالفترة وضب ايدك ..
ناطرك قصص مالية هاليوم فخليك جاهز وعم تفكر بالشغل و بامور المصاري وعندك مكسب او ربح اليوم وحاول لا تزيد مصروفك وتعامل بحذر بشغلك وبدك تعمل شي مميز وناجح وبيحملك اليوم ممكن مشروع جديد ممكن ..
عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..
■النسبة المئوية :
●مهنيا : %69

ماليا : %78

●عاطفيا : %75

●صحيا : %71
🌞الشمس بالقوس : بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة ..

#الثور ♉

يوم كتير أفضل وبيدعم شراكاتك ..
بتكون بوضعية اريح وبتزيد طاقتك وبهاليوم بتفرج وبتحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك افتح صفحة جديدة وبادر واذا بدك افتح مشروع جديد الحظ عم يدعمك ومعك ..
عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..
■النسبة المئوية :
●مهنيا : %91

●ماليا : %86

●عاطفيا : %89

●صحيا : %82
🌞الشمس بالقوس : بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

#الجوزاء ♊

مرق نهارك وحاول تخفف مزاجيتك هاليوم ..
كتير بالناس يلي صار لازم تنسقها من حياتك ومو مبسوط وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وحاول تفكر بايجابية قدر الامكان ..
عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ ..
■النسبة المئوية :
●مهنيا : %59

●ماليا : %62

●عاطفيا : %66

●صحيا : %60
🌞الشمس بالقوس : بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..

#السرطان ♋

يومك جيد لعزايم ولقاءات جديدة ..
قادر اليوم تكون حاضر بقوة بين كل يلي بدك تقابلن وبدي منك تنتبه من وحدتك و عندك لقاءات مع رفقاتك بتساعدك وفي صديق بيوقف حدك بهاليوم بتمتلك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك ..
عاطفيا .. عندك شي رح يفرحك اليوم واعجاب من صديق ممكن لكن لاتكبر المشاكل مع الشريك ..
■النسبة المئوية :
●مهنيا : %73

●ماليا : %70

●عاطفيا : %77

●صحيا : %75
🌞الشمس بالقوس : بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

#الأسد ♌

ركز بشغلك ولاتسمح لحدا ياثر عليك ..
بدي منك دبلماسية وعدم تسرع وخليك ذكي كعادتك ولازم تكون منتبه وحافظلي على سمعتك وعلاقاتك وانتبه من الحكي المخفي وكون دقيق يوم ماشي حالو بس بدك تكون رايق وصاحي ودقيق لأن في ناس بدها توقعك وفرصة شغل جديد وانتبه صحيا ..
عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..
■النسبة المئوية :
●مهنيا : %66

●ماليا : %68

●عاطفيا : %70

●صحيا : %63
🌞الشمس بالقوس : بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

#العذراء ♍

يوم كتير افضل عندك لتنجح تسافر وتصل ..
استغل يوم بيدعم عندك الحلول ويوم حلو بتحس عندك طاقة زايدة وقوة بتكتر اتصالاتك وبيتحسن وضعك ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك وبتتعرف على اشخاص جدد ..
عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..
■النسبة المئوية :
●مهنيا : %85

●ماليا : %82

●عاطفيا : %87

●صحيا : %80
🌞الشمس بالقوس : بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

#الميزان ♎

عم يكون عندك حلول وتحسن مالي ..
بهاليوم عم تتحسن اوضاعك وفي حل لمشاكلك وفكر بامورك المالية وشغلك وعندك فرصة لربح او مكسب بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات وحلول قضائية عندك ..
عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..
■النسبة المئوية :
●مهنيا : %67

●ماليا : %73

●عاطفيا : %70

●صحيا : %68
🌞الشمس بالقوس : بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

#العقرب ♏

كون رايق ودبلماسي لتتم شراكة ..
يوم ذو حدين اما خراب او نجاح فانتبه لأن انت بهاليوم عم تفكر بامور الشراكة وفيك تعمل عقد مع حدا بس لاتفقد هدوئك وخليك رايق توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان وحاول ماتستفز حدا ..
عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك ..
■النسبة المئوية :
●مهنيا : %60

●ماليا : %61

●عاطفيا : %69

●صحيا : %65
🌞الشمس بالقوس : بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

#القوس ♐

رتب امور الشغل والصحة انتبهلا ..
بدي ياك تكون مستعد ليوم طويل وعم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك ..
عاطفيا .. عم تنصدم باشخاص كانو كل حياتك وصارو انانيين ماهمن غير حالن ..
■النسبة المئوية :
●مهنيا : %61

●ماليا : %60

●عاطفيا : %66

●صحيا : %58
🌞الشمس عندك بتساعدك وبتعطيك بدايات جديدة وحظوظ وطاقة لتطلع من تعبك وبتزيد جاذبيتك وبتفرج عليك بعد شهر تعبك كتير فانتظر هالشي ..

#الجدي ♑

وضعك المهني والعاطفي صار أفضل ..
صح ماكتير كنت مرتاح لكن يوم من الايام الافضل بالباقي من هالشهر وانت مميز وافضل عم تكون عم تتحسن امورك عم تشعر بشوية راحة وتلاقي انو بدك تعمل شي بادر الحظ بيدعمك اليوم واستغل الوقت والفرص المتاحة لتحصل على نتائج بترضيك ..
عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..
■النسبة المئوية :
●مهنيا : %82

●ماليا : %81

●عاطفيا : %85

●صحيا : %83
🌞الشمس بالقوس : بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

#الدلو ♒

الوضع بالبيت بدو رواق وتغييرات ناطرتك ..
يبدو هاليوم ماعم تكون تمام ومو كتير رايق اهتماماتك بيتية عائلية وعندك ضغط وتعب وممكن تغيير بمكان سكنك كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل ..
عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..
■النسبة المئوية :
●مهنيا : %64

●ماليا : %66

●عاطفيا : %68

●صحيا : %61
🌞الشمس بالقوس : بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

#الحوت ♓

عم تتحسن أوضاعك بسفر واتصالات ..
من أفضل الايام لتكون ضمن علاقات اوسع ومنيح انت وعم تكتر اتصالاتك ممكن يكون في مواعيد مهمة استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك وممكن تشتري موبايل وانتبه من الحوادث ..
عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو ..
■النسبة المئوية :
●مهنيا : %80

●ماليا : %72

●عاطفيا : %79

●صحيا : %75
🌞الشمس بالقوس : بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

أعجبني