القمر بيبقى مكمل ببرج الجدي ♑

#الحمل ♈

تطورات بالشغل عندك وقصص مهنية ..
عندك يوم بيحملك تحديات كتير وتوتر حاول تكون رايق وتحل أمور الشغل بهدوء .. وممكن ينحط اللوم عليك وتخرب شي قصة اذا كنت متسرع وما انتبهت وممكن كمان تترقى لمنصب او تتعامل مع مسؤول ..
عاطفيا .. التعامل مع الشريك عم يضايقك فأنت بحاجة لاهتمام كبير لتكون مرتاح وهالشي يمكن ماعم يفهمو ..
■النسبة المئوية :
●مهنيا : %63

●ماليا : %60

●عاطفيا : %65

●صحيا : %68

#الثور ♉

يومك حلو وعلاقات منيحة ونجاح وسفر ..
يمكن تعبت كتير بهالفترة لكن عم تطلع من حالة التعب وتشعر بهاليوم انو في شي ايجابي وفي تغير لصالحك حاول تستفيد من هاليوم وفرصة لتسافر وتتلقى اتصالات بعيدة وتتعرف على ناس جديدة ..
عاطفيا .. يوم بيحملك حلول لمشاكل العلاقة ورومنسية انت بحاجة الها بهيك وقت ..
■النسبة المئوية :
●مهنيا : %89

●ماليا : %82

●عاطفيا : %86

●صحيا : %83

#الجوزاء ♊

تطورات حلوة ومال ومصالحات عندك ..
كان وضعك صعب الفترة الماضية ضغط كبير عم تكون اليوم بوضع افضل نسبيا رغم تراجع وضعك العام والصحي خاصة .. لهيك بتمنى منك تنتبه وتراجع امورك المالية يلي بتخص الشراكة وتحل مشاكلك ..
عاطفيا .. لاتشغل بالك كتير بالوضع العام لعلاقتك اهدى وحاول تترك الأمور للأيام لان الانفعال بزيدها صعوبة ..
■النسبة المئوية :
●مهنيا : %66

●ماليا : %77

●عاطفيا : %70

●صحيا : %68

#السرطان ♋

مو مرتاح وماعم تعرف السبب لهيك ..
عندك ضغط هاليوم وانت عم تفكر بقصة بتخص عقد او شراكة بهاليوم وممكن تكون ايجابية عليك .. لكن الاغلب عم يكون متوتر زيادة واي مشكلة عم تكبر بسرعة فخليك بعيد عن المواجهات ..
عاطفيا .. عم تفكر بارتباط او خطبة بهاليوم والبعض عندن ضغط كبير عم يفقدن السيطرة على العلاقة
■النسبة المئوية :
●مهنيا : %64

●ماليا : %61

●عاطفيا : %68

●صحيا : %60

#الأسد ♌

يوم لالتزامات جديدة ومو فاضي تحك راسك ..
مسؤوليات عندك ويوم فيه شغل كتير على عاتقك وتعب محتمل لهيك انتبه لصحتك وحاول ماتقصر بشغلك .. وحاول بس تخلص الضروري منو لأن ممكن تتعرض للنقد وماحدا رح يقدر تعبك ..
عاطفيا .. ابتعد عن الاجواء المشحونة لأن بتحملك مواجهات انت بغنى عنها ومو ناقصك تعب اكتر ..
■النسبة المئوية :
●مهنيا : %61

●ماليا : %63

●عاطفيا : %66

●صحيا : %56

#العذراء ♍

تحسن بالحظوظ واخبار حلوة ويوم أفضل ..
انت بيوم مساعد الك ويوم بيحملك كتير من العاطفة ومدعوم بالحظوظ فحاول تستغل هالشي لتكون بحال افضل .. وادفع بمصالحك لتحصل على فرصة عمل ممكن او تسمع خبر يفرحك ..
عاطفيا .. ماتسمح للعناد والمكابرة يحرمك اوقات حلوة تقضيها مع الشريك بدها شوية تنازل ..
■النسبة المئوية :
●مهنيا : %85

●ماليا : %81

●عاطفيا : %89

●صحيا : %80

#الميزان ♎

اوضاعك العائلية بدها رواق بهاليوم ..
عندك قصة عائلية وايام مهمة عم تمر وعم تأثر على شغلك وحياتك وعم تقلب الأمور عندك .. هالشي حاول تخليه بعيد عن اجواء البيت يلي اليوم اخدة كل تفكيرك وممكن تحطك بمواقف صعبة فخليك رايق ..
عاطفيا .. لاتتعامل بانفعال مع الشريك وحاول تخليه يفهمك ويعرف انو انت ابدا مو مرتاح بسبب الضغط يلي عليك ..
■النسبة المئوية :
●مهنيا : %66

●ماليا : %61

●عاطفيا : %63

●صحيا : %60

#العقرب ♏

تطورات ايجابية سفر ولقاءات عندك ..
خليك ايجابي بهاليوم واستغل الوقت لتبني علاقات حلوة اليوم مع الكل ولتوصل رأيك .. وبامكانك تسافر وتغير جو وتتحرك براحة اكبر ويمكن عم تنشغل بموضوع بخص احد الاخوة ..
عاطفيا .. احيانا نحنا بحاجة لاوقات عاطفية لنرتاح من اجواء الحياة وفرصة اليوم لمشوار مع الشريك ..
■النسبة المئوية :
●مهنيا : %75

●ماليا : %71

●عاطفيا : %79

●صحيا : %77

#القوس ♐

عم تناقش قصص مالية وصرف ودفع عندك ..
في شغل عندك والأجواء العامة فيها ضغط وتعب عليك بس انت لازم تكون قوي وماتسمح للظروف تتعبك .. فرصتك اليوم لشغل جديد لمال ممكن يجيك بس انتبه كتير من ناحية مصروفك الزايد ..
عاطفيا .. يمكن انت ببداية حب حاول تستغل هالشي لتعززها وماتسمح للمشاكل تدخل العلاقة ..
■النسبة المئوية :
●مهنيا : %70

●ماليا : %80

●عاطفيا : %77

●صحيا : %74

#الجدي ♑

الأوضاع أفضل بكتير وتغييرات لصالحك ..
اخيرا عم ترتاح وبعد أيام صعبة ومعاناة وعدم راحة عم تطلع اليوم تدريجيا من هي الحالة وتصلح الأمور وتفرض شخصيتك .. حاول تغير كل شي لتبدا من جديد بقوة ومدعوم انت بالطاقة والحظ لاتخاف ..
عاطفيا .. الوضعك بيتحسن عندك وحظوظ عاطفية بتنطرك بهي الفترة ..
■النسبة المئوية :
●مهنيا : %92

●ماليا : %83

●عاطفيا : %85

●صحيا : %88

#الدلو ♒

طول بالك وهدي هاليوم بس ..
مو رايق ضايج نسبيا والأمور بدل ماتمشي لقدام عم تمشي لورا .. هالشي بخليك بحالة صعبة ومابتعرف شو تعمل بدي منك صبر وعدم التسرع بشي لان يوم ضعيف الحظ ودير بالك على صحتك ..
عاطفيا .. تعامل بطريقة المسايرة ولا تتخذ اي قرار بعلاقتك لأن رح تكون بموقف صعب مع الشريك ..
■النسبة المئوية :
●مهنيا : %61

●ماليا : %58

●عاطفيا : %67

●صحيا : %63

#الحوت ♓

يوم حلو بعلاقاتك والأجواء الأجتماعية ..
انت مرتاح نسبيا و يوم فيك فيه تتمنى امنية وتطلب مساعدة صديق لتحقيقها بيحملك حالة اجتماعية مميزة .. وهلي عندك ثقة بوجود كتار معك ودعم كبير حاول تستفيد منو لتدفع مصالحك ..
عاطفيا .. لاتتعامل مع التغيير الحاصل بعلاقتك بطريقة مؤذية للعلاقة وحاول تصل لبر الأمان معو ..
■النسبة المئوية :
●مهنيا : %73

●ماليا : %68

●عاطفيا : %75

●صحيا : %65

أعجبني