القمر بينتقل لبرج الأسد ♌

#الحمل ♈

حظ وعاطفة وفرص بكرا عندك ..
انت جذاب ويوم حلو فيه كتير اشيا رح تنحل عندك ورح تكون بموقع منيح بالنسبة للناس يلي حوليك .. لاتكون عصبي كتير ولاتخلي كلام الناس يجرحك وحاول تتصرف بذكى وعفوية وصدق متل عادتك .
عاطفيا .. من الايام المميزة يلي انت بحاجة الها لتعزز علاقتك بالحبيب وتصلح الامور وفرصةةخطبة ..
■النسبة المئوية :
●مهنيا : %84

●ماليا : %86

●عاطفيا : %90

●صحيا : %81

#الثور ♉

قصة عم تصير بتشغلك على اهلك وتغيير منزل ممكن ..
يوم للعيلة رح يسيطر عليك التوتر حاول تضبط اعصابك ولاتعمل مشاكل وتخسر حدا قريب منك .. يمكن مشغول بالك على حدا من عيلتك كون حدو هالفترة وعندك قصص عقارية او تغيير مكان سكن ..
عاطفيا .. انت ما عم تتقبل اهمال الحبيب لإلك بس تفهم وضعو وراعي الظروف تبعو .
■النسبة المئوية :
●مهنيا : %65

●ماليا : %57

●عاطفيا : %62

●صحيا : %58

#الجوزاء ♊

يوم بيحملك تواصل وسفر قصير وحركة ..
انت كلك نشاط يوم مفيد لإلك للحركة وللقدرة على دفع مصالحك عندك فرص ممتازة وبتعتمد على مهارتك .. لاتتوقف لان رح تكون قادر تصنع الكتير هاليوم وتصل للتميز بعملك وتنجح دراسيا وتكون مقنع وتسافر. .
عاطفيا .. في معجبين كتير اليوم وامورك العاطفية أفضل استغلها وتقرب من ناس بتحبن .
■النسبة المئوية :
●مهنيا : %76

●ماليا : %74

●عاطفيا : %80

●صحيا : %71

#السرطان ♋

مال رح يجيك ودفع كتير انتبه لمصروفك ..
يوم اهدى من قبل عم تدفع وعم تقبض فيه مصاري انتبهلي لمصروفك الزايد واطلب من حدا دين اذا بدك .. وفي عندك مكاسب اليوم اذا ناطر هالشي وبدي منك تنظم حالك ماديا حتى ماتفوت بمأزق . .
عاطفيا .. انتبه لمشاعر الشريك من كلامك وصراحتك وماتكون متسرع ..
■النسبة المئوية :
●مهنيا : %70

●ماليا : %80

●عاطفيا : %75

●صحيا : %68

#الأسد ♌

تغييرات للأفضل وانفراج بوضعك..
يوم حلو لترجع الك فيه الطاقة رح تحس بتحسن وعندك القدرة تنجز كتير من امورك وتصل بهاليوم .. بادر لاي شي حابب تعملو وافرض رايك لان الحظ عم يدعمك وعم تحل المشاكل العالقة وتفتح صفحة جديدة ..
عاطفيا .. وقت مهم لحل مشاكل علاقتك او البداية من جديد وتحسن كبير بوضعك ..
■النسبة المئوية :
●مهنيا : %92

●ماليا : %84

●عاطفيا : %86

●صحيا : %81

#العذراء ♍

يوم بيحملك تأجيل وعدم راحة ..
ضابج ومو مرتاح ووجود القمر بالبيت الأخير رح يتعبك ويفقدك القدرة على انجاز شي فاصبر ولاتتسرع باي قرار .. بدي منك ماتحاول تحسم امورك وارتاح وانتبهلي لصحتك واترك اليوم يمر على خير ..
عاطفيا .. تأجيل وعدم رضا عن تصرفات الشريك لاتتسرع بالحكم وخليك حكيم
■النسبة المئوية :
●مهنيا : %63

●ماليا : %61

●عاطفيا : %57

●صحيا : %59

#الميزان ♎

يومك مميز بلقاءت باصدقاء بتحبن ..
انت مميز بحضورك ويوم حلو للعلاقات الاجتماعية لتعزز روابطك ولتلاقي حالك باكتر من مكان وتقدر تلفت النظر .. انت عم تتلقى مساعدة من الأصدقاء ومشرق والعيون عليك وقادر تجذب الناس إلك .
عاطفيا .. بالرغم من بعض المشاكل بالعلاقة بس هاليوم رح يكون في اوقات حلوة ورومنسية.
■النسبة المئوية :
●مهنيا : %70

●ماليا : %74

●عاطفيا : %78

●صحيا : %69

#العقرب ♏

يوم مهم بالشغل وفي تغييرات ..
فترة مهمة كتير فيها متل اختبارات لامكانياتك وعم تعيش حالة من التوتر بالشغل وبتحس في مشاكل ممكنة ..حاول تهدى ورح يكون كل شي منيح وحافظ على سمعتك وطور شغلك وفكر بعيد عن الاستفزاز . .
عاطفيا .. ماعم تفهم الشريك وحاسس انو في شي ماعم يريحك حاول تبعد التوتر عنك هالفترة
■النسبة المئوية :
●مهنيا : %67

●ماليا : %65

●عاطفيا : %72

●صحيا : %70

#القوس ♐

تطورات حلوة وفرص سفر واتصالات عندك ..
بكرا عندك من افضل ايام الشهر عم تعيش فترة حلوة فيها انجاز ونجاح عندك اتصالات كتير .. واحتمال لسفر ومشروع جديد يمكن بس لا تفكر بقصص الماضي وكون ايجابي وتفائل . .
عاطفيا .. خليك واضح بعلاقتك وعبر عن الشي يلي بدك ياه لان الحظ عم يدعمك .
■النسبة المئوية :
●مهنيا : %88

●ماليا : %84

●عاطفيا : %81

●صحيا : %78

#الجدي ♑

عم ترتاح نسبيا وفرص مالية عندك..
انت أفضل ويوم لترجع فيه صورتك الحلوة وتحصل على مالةمن ميراث او شراكة وتحل قضية تاعبتك حاول تصلح اخطائك واستعيد ثقة الناس فيك وكون بوضع أفضل لاتحاول تجرح حدا وتجنب المواجهة ..
عاطفيا .. تشتت وحيرة كبيرة عم تسيطر عليك وماعم تعرف شو بدك وولا شي عم يكمل معك 
■النسبة المئوية :
●مهنيا : %70

●ماليا : %76

●عاطفيا : %72

●صحيا : %66

#الدلو ♒

يوم لشراكات جديدة وارتباط وانتبه من فراق ..
انت تعبان كتير واي كلمة عم تدايقك حاول تهدى وتعزز شراكتك بالشغل وكون مرن ودبلماسي .. لا تتسرع بالحكم ولاتنفعل او تعصب على حدا لان الحق رح يكون عليك وفرصة لتبدا شراكة جديدة بالشغل .
عاطفيا .. لاتستفز الشريك هاليوم لان انت رح تكون الخاسر حاول تحل المشاكل بهدوء واصبر وفرصة البعض لارتباط ..
■النسبة المئوية :
●مهنيا : %60

●ماليا : %57

●عاطفيا : %65

●صحيا : %63

#الحوت ♓

مسؤوليات وشغل ووضع صحي بدو انتباه ..
كتير شغلك بهاليوم عم يتعبك خليك ذكي ونظم وقتك واكلك يعني عندك ورشات وشغل يمكن .. لاتقصر لان الوقت مو معك ابدا وريحلي حالك شوي مشان صحتك ولاتنفعل ودير بالك عحالك اذا قدرت ..
عاطفيا .. انت بحاجة لدعم الشريك بهالفترة وقدر الامكان لاتعصب عليه وخليك رايق
■النسبة المئوية :
●مهنيا : %60

●ماليا : %56

●عاطفيا : %65

●صحيا : %58

أعجبني