القمر مكمل ببرج العذراء ♍

#الحمل♈

رتب امور شغلك وصحتك بهاليوم ..
بتشعر بتراكم الأعمال عليك وهالشي مابخوف لأنك قادر تخلص كل شي اذا بكرت وما تاخرت بشي ورتبت أمورك .. وبدي منك تحافظ على صحتك خاصة من الناحية النفسية وتبتعد عن المشاحنات مع الناس يلي ماعم تقدر تعبك ..
عاطفيا .. متردد بعلاقتك وعم تحس انو مابدك تغلط او مابدك تكفي والأمور عم تحيرك ..
■النسبة المئوية :
●مهنيا : %63
●ماليا : %59
●عاطفيا : %67
●صحيا : %61

#الثور♉

اوضاع افضل مهنيا وعاطفيا بهاليوم ..
يوم مميز بيحملك اوقات حلوة وبتشعر انو نفسيتك صارت افضل وفي شي منيح عم يصير وتحسن مهني .. تفاعل مع محيطك بايجابية ولاتخاف الحظ معك وبحالفك لتحصل عالشي يلي بدك ياه وتستغل فرصك ..
عاطفيا .. من افضل الايام للعاطفة والحب فبادر وخلي ثقتك بحالك كبيرة ..
■النسبة المئوية :
●مهنيا : %86
●ماليا : %83
●عاطفيا : %91
●صحيا : %80

#الجوزاء♊

عم تشغلك قصص بالبيت هالفترة .. 
بتعيش حالة من القلق على بيتك وأهلك وبتحس انو عليك مسؤوليات كبيرة ولازم تحل القصص العالقة .. هالشي بيتعبك وبحطك بوضع صعب بس انت قدها ورح تنحل وحاول ماتفوت بمواجهات مع أهلك وساير قد مافيك ..
عاطفيا .. عم تحلى وتزيد جاذبيتك وهالشي بيعطيك فرص حلوة لحب جديد ..
■النسبة المئوية :
●مهنيا : %63
●ماليا : %67
●عاطفيا : %65
●صحيا : %59

#السرطان♋

حركة عندك وسفر واتصالات كتيرة ..
اوضاعك عم تتغير وانت اليوم بمكان جيد لتقنع الناس بوجهة نظرك ممكن تسافر بهاليوم وتتلقى اتصالات من ناس كتير .. وقادر تصل وتعزز ثقة الكل فيك وممكن يشغلك موضوع بخص احد الاخوة أو الجيران وبالمجمل وضعك منيح بس انتبه من سوء تفاهم ومن حوادث الطرقات ..
عاطفيا .. حاول تختار صح بحبك اذا بدك يستمر ولا تتسرع ..
■النسبة المئوية :
●مهنيا : %73
●ماليا : %70
●عاطفيا : %78
●صحيا : %75

#الأسد♌

فرص عندك مالية وعم تدفع مصاري ..
انتبه من خسارة مالية او مصاريف بلا طعمة انت بحاجة لضبط مصروفك بهاليوم .. واحتمال تحصل على مبلغ مالي لكن لازم تعرف كيف تتصرف وتضب ايدك شوي لتحافظ على يلي بقي معك ..
عاطفيا .. الاصدقاء عم يدعموك وبتزيد قدرتك على جذب صديق وتحويل هي الصداقة لحب ..
■النسبة المئوية :
●مهنيا : %70
●ماليا : %80
●عاطفيا : %73
●صحيا : %69

#العذراء♍

تطورات ايجابية وحلول لقصة عندك ..
يومك حلو عم ترتاح وعم تحصل على دعم من الناس يلي حوليك وعم ترجع الثقة من جديد وتكون بحال أفضل من قبل .. حاول تفتح صفحة جديدة وانسى الماضي وفكر بخطوات مناسبة لوضعك وشغلك وحياتك ..
عاطفيا .. يوم بيحملك عاطفة وحب جديد اذا كنت عم تفكر بهالشي ..
■النسبة المئوية :
●مهنيا : %90
●ماليا : %82
●عاطفيا : %87
●صحيا : %84

#الميزان♎

ساير شوي واصبر هاليوم ولاتبدا شي جديد ..
مدايق وماعم تعرف ليش حاسس حالك مو مرتاح وكأنو كل شي ماشي بالعكس وبدل ماتتقدم عم تتراجع .. بدي منك ماتخاف هي حالة ورح تنتهي بدي منك تصبر وتراعي صحتك هاليوم وتهدي لتوضح الأمور عندك ..
عاطفيا .. لاتزعل على حدا المهم انت خليك بعيد عن الانفعال والعصبية ولاتحكم عالشريك ..
■النسبة المئوية :
●مهنيا : %62
●ماليا : %60
●عاطفيا : %58
●صحيا : %65

#العقرب♏

تحسن بوضعك وعلاقات اجتماعية عندك ..
انت بحاجة كتير اشياء وممكن اليوم تفكر بقصة وتطلب مساعدة لتصل للي بدك ياه .. لاتبقى لحالك ورح تحصل على الدعم المطلوب من وجودك مع رفقاتك وممكن تنعزم مع شخص غالي بهاليوم ..
عاطفيا .. انت أكبر من انو تتنازل وهاد الصح برأيي حاول تنهي كل شي بمجرد انتهى الاهتمام ..
■النسبة المئوية :
●مهنيا : %75
●ماليا : %77
●عاطفيا : %79
●صحيا : %71

#القوس♐

توتر بالشغل وقصص ممكن تكركبك ..
انت بوضع متوتر نسبيا ويمكن عم تفكر بشغل جديد او تغير شي بحياتك هي الفترة بعد التعب يلي عم تمر فيه .. يوم بيحتاج منك السرعة والتعامل السليم مع كل شي وخصوصا الاعداء وفي فرص لشراكات بمشروع جديد الك ..
عاطفيا .. بتشعر انو في فرصة من لقاءات عفوية ليصير حب وتكبر علاقة مستقبلا خليك جاهز ..
■النسبة المئوية :
●مهنيا : %71
●ماليا : %66
●عاطفيا : %73
●صحيا : %75

#الجدي♑

تطورات حلوة وحظوظ افضل وسفر ممكن ..
عم تفكر بالسفر او عم تتعامل مع ناس جديدة عم تبدا شغل او علم جديد كلها احداث ايجابية بيوم منيح نسبيا .. حاول تستغل كل الوقت لتحسن وضعك بهاليوم وتصل لحلول وتفاهم مع محيطك وحتى تحسن وضعك الصحي ..
عاطفيا .. انت مشرق وحليان وهالشي عم يعطيك اخبار حلوة رومنسيا ولقاء مع الشريك يمكن ..
■النسبة المئوية :
●مهنيا : %80
●ماليا : %81
●عاطفيا : %86
●صحيا : %85

#الدلو♒

قصص مالية وحلول ومصالحات ..
عم تناقش أمور مالية بتخص موضوع شراكة لكن انتبه من مصروفك الزايد وحاول تحل القصص يلي كانت عالقة خاصة اذا قانونية .. وعندك تحسن بوضعك وهدوء نسبي والضغوط يلي كانت بتبلش تروح وبتحس حالك افضل بكتير ..
عاطفيا .. ساحر عم تكون بهالفترات حاول ماتستفز الشريك ورح ترجع الأمور معو افضل اما الأعذب فرصة لتبدأ رحلة حب جديد ..
■النسبة المئوية :
●مهنيا : %72
●ماليا : %77
●عاطفيا : %70
●صحيا : %74

#الحوت♓

شراكات جديدة وتوتر بعلاقاتك ..
رغم كل شي عم تعاني منو إلا أنك قادر تعمل عقد شراكة مع حدا بس خليك منتبه ودقيق لكل شي .. يمكن مو مرتاح وهالشي رح ينتهي قريبا فلا تحملها زيادة وحاول ماتصعد الخلافات مع محيطك لأن رح ينحط اللوم عليك ..
عاطفيا .. بتشعر أنك بحاجة لشخص غير كل يلي قابلتن بحاجة لحدا مميز يقدر يقنعك بحبو الك ..
■النسبة المئوية :
●مهنيا : %61
●ماليا : %58
●عاطفيا : %67
●صحيا : %63

أعجبني