#الأبراج_اليومية_وتأثير_الكسوف : 🔮

#الحمل ♈

يوم كتير عم يشغلك فيه اوضاعك العائلية والبيتية او احد الأهل صحتو مومريحتك او بدك تنتقل على بيت جديد بس ماعم تتيسر او حتى بدك تشتري او تبيع عقار لكن المسا وضعك افضل بصير مهنيا وعاطفيا ..
بالنسبة للكسوف : حاول تبعد عن القصص بالبيت وساير ولاتكون عصبي وانتبه ببيع او شراء عقار هالفترة ..
نسبة اليوم : 60%

#الثور ♉

اكتر شي بدي منك تنتبه منو هاليوم هو السفر والطرقات من الحوادث كمان داري موبايلك من كسر او قصة وفي عندك تواصل افضل واتصالات كتير والمسا قصص عائلية بتشغلك وحالتك العاطفية عم تتحسن ..
بالنسبة للكسوف : انتبه من الحوادث من مشاكل مع الجيران والاخوة ومن اعطال بموبايل او قطع بالنت عندك ..
نسبة اليوم : 72%

#الجوزاء ♊

عم يكون يومك منيح وفي قصص مالية عم تشغلك يمكن عم تصرف كتير وصرت بحاجة تعويض او عندك مبلغ ناطر يجيك وماعم يجي وبكرا المسا وضعك بيتحسن بالعلاقات وفرصة لقاء عاطفي كمان ..
بالنسبة للكسوف : انتبه من مشكلة مالية او قصة بتخليك تخسر مبلغ ..
نسبة اليوم : 66%

#السرطان ♋

يوم داعم الك بيحمل تغييرات مهمة على كل الأصعدة عندك ويمكن تدايق من بداية التغيير لكن تأكد انو كل شي لصالحك وفكر بايجابية لان الشي يلي رح يحصل رح يكون لصالحك بعدين عاطفيا ومهنيا ..
بالنسبة للكسوف : استغل هالشي لتغير بوضعك وساعد خالك ولاتكون حساس زيادة حتى ماتتعب ..
نسبة اليوم : 90%

#الأسد ♌

عم يكون يومك بطيء حاول تحافظ على هدوئك والمسا بتكون افضل بكتير وبيتغير الحظ ليكون معك وبتتحسن طاقتك وبتحل مشكلة كانت بالنهار ..
بالنسبة للكسوف : هاليوم بدو حذر وماتثق باي شخص وحاول تعتمد على حالك وخاصة انو الاعداء المخفيين كتار .
نسبة اليوم : 58%

#العذراء ♍

حاول تحافظ على علاقاتك الاجتماعية بهاليوم ولاتبقى لحالك حتى مايزيد عليك الضغط النفسي وابتعد عن استفزاز الأعداء الك وعاطفيا انت حليان لكن ماتسمح لحدا يتلاعب بمشاعرك ..
بالنسبة للكسوف : بكون صعب التعامل وعلاقاتك الاجتماعية ممكن تتعبك وخاصة انك ممكن تخسر صديق مقرب ..
نسبة اليوم : 67%

#الميزان ♎

عم ينتظرك يوم مهم عم يكون في كتير من القصص بالشغل ماعم تريحك والعين عليك فانتبه وركز بأي حركة الك كمان خليك دقيق بشغلك وعاطفيا لاتغلط وخليك واعي لتصرفاتك ..
بالنسبة للكسوف : لاتخالف القوانين وحافظ على سمعتك وشغلك والمسؤولين خليك حذر بالتعامل معن .
نسبة اليوم 64%

#العقرب ♏

من الايام الحلوة عندك مشان هيك حاول تستغلها وخاصة بعلاقات جديدة وقصص بتبدا فيها هالفترة حتى عاطفيا عم تكون نظرات الاعجاب موجهة الك ..
بالنسبة للكسوف : حاول تتأكد من كل شي اذا بدك تسافر وانتبه بالتعامل مع الناس الغريبة عنك وكمان انتبه من بعض الأفكار المتشددة دينيا يلي ممكن تجي براسك
نسبة اليوم 85%

#القوس ♐

يوم بكون في انخفاض بالضغط عليك وبتحس انو ممكن تحل قصة او قضية عندك كمان ناطر مال بخص شراكة ممكن انك تحصل عليه وعاطفيا في تحسن بالعلاقة ..
بالنسبة للكسوف : انتبه ماليا من قصة نصب من شي حدا عليك وكمان بجوز تتأجل عندك قصة بتخص اوراق او قضية قانونية .
نسبة اليوم 68%

#الجدي ♑

الشراكات عندك بهاليوم عم تكون بقمة التوتر وعم تأثر عليك بمسار حياتك الحالي مشان هيك انتبه وفكر براحتك قبل كل شي وعاطفيا لازم الشريك يتفهمك لتستمر علاقتكن 
بالنسبة للكسوف : لازم تنتبه لشراكاتك وعلاقاتك المهنية والعاطفية بهي الفترة وماتصعد خلاف وهدي بالمواجهات
نسبة اليوم 59%

#الدلو ♒

عم يكون في عندك تعب ومو مرتاح بهاليوم حتى صحيا يمكن البعض مريض انشالله رح تكون فترة وتمر ويتحسن وضع الشغل والصحة عندك المهم رتب امورك وحاول ترتاح وعاطفيا لاتعتب على شخص مابقدر .
بالنسبة للكسوف : حاول تنظم امورك وداري وضعك الصحي قدر الامكان وحاول تتأقلم بسرعة اذا بديت شغل جديد ..
نسبة اليوم 63%

#الحوت ♓

تطورات حلوة عم يشهدها يومك ويمكن تحصل على فرص مناسبة تسعدك وتحس انو في اخبار بتسعدك لكن بدك تكون هادي وتختار الافضل الك وعاطفيا في شي حلو بهاليوم ..
بالنسبة للكسوف : بدي منك تنتبه بعلاقاتك العاطفية كتير وكمان اذا عندك اطفال ممكن يشغلك قصة بتحص حدا فين ..
نسبة اليوم 83%

------------------

🌑 الكسوف رح يكون جزئي ويحجب 34%من مساحة الشمس ولن يرى في سوريا وسيستمر ساعتين و25دقيقة ..
■■ لازم نوضح بعض الأمور انو نحنا بنظام كوني دقيق وأي شي عم يصير عم يكون بمشيئة الله وطبعا حدث الكسوف من الأحداث الطبيعية يلي بتحدث لتغير شي ويكون الها آثار واضحة قبل وبعد وممكن تمتد أشهر ..
□□ لكن الكسوف الحاصل ممكن يعمل تغييرات عميقة وقصص بتحدث فجأة وبالعلاقات العاطفية والأمور يلي بتخص العائلة أو الجذور أو الأرض ..

- حاليا يمكن أغلب الناس بحالة ضغط بسبب تأثيرات الكسوف فترة مؤقتة ورح تمر وفينا نكون جاهزين ونتخلص من التأثيرات السلبية لهالفترة ببعض الأمور :
1- نتعامل مع الوضع بشكل طبيعي ونهتم اكتر بانو نبعد عن الاشخاص السلبيين ونضل مع حدا طاقتو ايجابية متل الأطفال ..
2 - الطبيعة والبحر والاصدقاء الايجابيين كتير مناح بهيك وقت وحاولوا دايما تعززوا الثقة بحالكن ..
3 - نفكر دايما بنية طيبة حتى لو كان الشخص سيء هيك ممكن نتخلص من طاقة الكره والحقد السلبية تجاه الأشخاص ..
4 - شوية تأمل وموسيقا هادية او قرآن لما نكون ضايجين حتى نهدى ..
5 - وآخر شي مانفكر بالماضي ونعزل حالنا مهما كانت حالتنا ونفكر انو فترة وبتمر ورح نكون أفضل ..

○وقد يكون للكسوف تأثير سلبي علينا فهو يجعلنا ندخل بحالة من الاضطراب ..
وله تأثيرات سلبية على العالم بشكل كامل وقد يمتد تأثيره قبل خمس أيام وبعد خمس أيام من يوم حدوثه يلي رح يكون بكرا 
●حيث من الممكن أن يتسبب بالكوارث الطبيعية والأفعال الاجرامية والحروب التي سببها التأثيرات النفسية التي يسببها ..
●قد تففد الطيور اتجاهها حتى الأسماك ايضا في البحار ..
●يحذر من العمليات الجراحية وشراء الاشياء الثمينة ..
●كما يحذر من الأدوات الخطرة والتعامل معها..
●وقد نجد انفسنا بحالة سيئة ولانعرف لذلك سببا .
●الانتباه من الحوادث ان كان حوادث سيارات او حوادث عامة ..
○انا بلشت بالسلبيات لانتهي للايجابيات ..
مابدي حدا يكبر الأمور حدث طبيعي عادي وممكن يفيدنا بانو نخلص من قصة تعبتنا ..
●ممكن يكون متل نقطة نهاية لنرجع نفتح صفحة جديدة بحياتنا
● كمان لازم مانهول الموضوع حدث عادي لكن بأثر على المجالات التالية عند الأبراج ..

أعجبني